Daniẹl 6:24 - Edo Bible (E Baibol Ẹdo) Version 1996

²⁴ Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Daniẹl 6:24 ပူးပေါင်းရင်းမြစ်များ

II Ọba 14:6

Sokpan, ọ ma gbele ivbi iran an, ọ keghi lele zẹ vbene Nọyaẹnmwa ta ẹe vbe uhi e Mosis wẹẹ, “A ghẹ gbele evbibiẹ emọ ye orukhọ ne ivbi iran ru, erriọ, a ghẹ vbe gbele emọ ye orukhọ ne evbibiẹ iran ru. Orukhọ ne ọmwa tobọ ẹre ru, ọre a gha gbe ẹe rua baa.”

Ẹsta 7:10

Ọba keghi kha wẹẹ, “Wa si e Haman rrọ yọ!” x e Haman rrọ ye erhan ne ọ yo ne a si emwa rrọ yi ne ọ te gba ye otọ khẹ Modekai. Ẹre ohu ọba ghi na rriotọ.

Ẹsta 9:25

Sokpan, Ẹsta keghi ya miẹn ọba, ọ re ọba na gbẹn ebe sẹrriọ ne a ghi na miẹn wẹ e Haman ọ re ọ ghi ya uhunmwu mu emwi ne ọ mwamwa ẹn vbe egbe avbe Ju, a kevbe silo irẹn vbe ivbi ẹre rrọ ye erhan ne a silo emwa rrọ yi.

Psalm 54:5

Te Osanobua gha ya emwi dan iran, rri avbe eghian mwẹ oya, ọ gha fuẹn iran an, rhunmwuda, rẹn gia mu ẹtin yan.

Itan 11:8

A degue emwa ẹmwata hin obọ ọlọghọmwa rre, ọmwa dan ọ re ọ ghi bu rre ye ihe ẹre.

Itan 19:9

Ọmwa ne ọ ta ohoghe vbe iko ẹzọ ne ọ gha le ọre fe irrọ, ọghọe fo nẹ.

Aizaia 38:13

I ye asọn hia viẹ eve obalọ vbene a miẹn wẹ te oduma guọghọ ugboloko mwẹ. I te gha ro ighe te Osanobua rhie ufomwẹ ye ẹdẹ mwẹ.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Daniẹl 3:22

Rhunmwuda ighe ọba ọ re ọ wẹ ne a kakabọ koko erhẹn nii ne ọ gha yo iso rre, aranmwẹ ọnrẹn keghi giẹẹn iran an ighe avbe ivbiyokuo ni ya hẹ iran ku uwu erhẹn nii.

Diuteronomi 24:16

“A ghẹ gbe evbibiẹ emọ ye orukhọ ne ivbi iran ru, erriọ, a ghẹ vbe gbele emọ ye orukhọ ne evbibiẹ iran ru, orukhọ ne ọmwa ru ọkpa ọre a gha gbe ẹe yi.