Daniẹl 6:2 - Edo Bible (E Baibol Ẹdo) Version 1996

² Ye vbe sẹẹ ọnii, ọ keghi zẹ e Daniẹl kevbe arhin eva ọvbehe ne iran gha gbearoghe avbe gọvina na, kevbe ne iran gha kan ukọ ọha.

Daniẹl 6:2 ပူးပေါင်းရင်းမြစ်များ

Ẹzra 4:22

Wa ru emwi na ẹgiẹgiẹ ne iran ghẹ ghi fi obọ yọmwẹ unu.”

Ẹsta 7:4

Ke imẹ kevbe emwa mwẹ, a khiẹnnẹ ima nẹ wẹ ne a gbele ima an. Akpawẹ te a khiẹnnẹ ima kua kevbe a ya gha re eviẹn emwa ọvbehe, I ghẹ zẹdẹ kpokpo uẹ, I gha hẹko hunwan, sokpan, te a ghi ra fuẹn ima an na, ne ima wa wu gbe ẹro.”

Itan 26:6

U gha gie ọzuọ uhunmwu, u sẹtin wa vbe giagia owẹ ruẹ kua rhunmwuda, orueghe ọ re u gualọ.

Itan 3:16

Ẹwaẹn ọ re ọ rhie utọmwẹ ne ọmwa, kevbe ẹfe, kevbe ọghọ.

Daniẹl 5:16

Banbanna nian, a tama mwẹ ighe u sẹtin rẹn otọ emwi ni rhie egbe lẹre, u ghi vbe rhan otọ emwiọkpaodin, u gha sẹtin tie emwi ne a gbẹnnẹ na, u na vbe ta emwi ne a ya ẹe kha, a gha ya ukpọn ododo ne ọba ya kie ugie mu uẹn egbe, u ghi mu emwi urhu uyi ọghe igoru ye urhu, u ghi vbe gha re azukpogieha vbe otọe arriọba na.”

Daniẹl 5:29

Vbe ọwarọkpa nii, e Bẹlsiaza keghi wẹ ne a vbe eguọmwadia ẹre yọ e Daniẹl ẹwu ododo ne ọba ya kie ugie, ne a mu emwiurhu igoru ọghe uyi ye ọre urhu, ọ keghi ya ẹe ru ọzukpogieha vbe otọe arriọba ẹre.

Daniẹl 5:7

Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”

Daniẹl 6:1

E Dariọs keghi mwamwaẹn, ọ na zẹlẹ avbe gọvina iyehan ye ukpo vbe otọe arriọba ẹre.

Matiu 18:23

Rhunmwuda, a ye Arriọba ẹrinmwi gie ọba ọkpa ne ọ wẹ ne avbe eguọmwadia ẹre viọ ebe ne iran gbẹnnẹ igho yi gie irẹn ne iran ghe ẹre.

Iyẹn ne ọ Maan Ọghe Luk 16:2

Rẹn keghi tie ẹre, ọ nọ rẹn wẹẹ, ‘Vbe ena khun ẹmwẹ ne I họn vbe kpa ruẹ na yi? Ya gbẹnnẹ vbe ne u mwamwa emwi mwẹ hia hẹ mu gunmwẹ, u i ghi ra gha re ọdia iwinna mwẹ ọvbehe.’

I Kọrinti 4:2

Emwi ọkpa ne a ho vbe obọ ọmwa ne a rhie emwi nẹẹn dayi ọrọre wẹẹ, ne ọ gha re ọmwa ne ọ gie arowa ẹre mu ẹtin yan.

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.