Daniẹl 6:18 - Edo Bible (E Baibol Ẹdo) Version 1996

¹⁸ Ọba keghi werriegbe gha rrie ẹguae ẹre, ọ ma miẹn ovbe, ọ ma re, ọ ma da, ọ ma ku ọ ma giẹ vbe asọn nii hia.

Daniẹl 6:18 ပူးပေါင်းရင်းမြစ်များ

II Samuẹl 19:24

Ẹre Mẹfibosiẹt ne eyẹ e Sọl na do khian vba ọba. Ọ ma he sa amẹ ya kpe owẹ, ra ne ọ zẹ ẹtu, ra ne ọ họ ukpọn rẹn, ke ẹghẹ ne ọba ya kpao vbe Jerusalẹm do sẹ ẹghẹ ne ọ na werriegbe rre ke irẹn kevbe akhọnmiotọ.

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

Ẹsta 6:1

Vbe asọn ne a kha na, ọba ma miẹn ovbe, ọ na wẹ ne a mu ebe ne a gbẹnnẹ emwi ni sunu vbe otọe arriọba yi rre ne a do gha tie ẹre ma iran.

Job 21:12

Iran ghi ku ye ulamwẹ akpata kevbe ẹrogbo.

Psalm 137:2

Ma viọ akpata ima rrọ, ye erhan ẹzẹ ni rre ọkpẹn ọnrẹn.

Psalm 77:4

Vbe asọn biiri ọ ma gunmwẹ vbiẹ ekhọe mwẹ rhia sẹrriọ wẹ I ma sẹtin guan.

Asan-Ibo 2:8

I keghi vbe sii esiliva kevbe igoru gboo kevbe avbe otọe ni ga gunmwẹ gha dee. Ikpia kevbe ikhuo kegha so ihuan yọmwẹ ehọ, I keghi vbe gha mwẹ ikhuo sẹẹ vbene ọmwaikọmwa gha sẹtin mwẹ sẹ.

Eve Orriara 3:53

Iran fi mwẹ fi ẹmwẹ ne unu fi uwu uvun iran keghi mu okuta khiọ unu ẹnrẹn.

Daniẹl 10:3

I ma rri evbare esi, I ma rri emiowo rhọkpa, I ma da ayọn, I ma salọ eto mwẹ vbe uzọla eha nii tedo gba gberra.

Daniẹl 2:1

Ọ ghi rre ukpo eva ne Nebukiadneza rriọba, ọ keghi mina. Ohan ẹnrẹn muẹn sẹrriọ wẹ ọ ma miẹn ovbe.

Daniẹl 6:19

Vbe owiẹ vbirrivbirri, ọba keghi zẹgiẹgiẹ kpaegbe ọ na gha rrie ehe ne uvun nii ye.

Arhie Maan 18:22

Emwi ne iran kpee ighẹ otu ni kpe akpata kevbe iran ni kpe ẹzi kẹn, kevbe ni kpe ẹrogbo kevbe okpe, a i ghi ra dọlegbe họn ẹmwẹ iran vbe uwu uwẹ ọvbehe, a i ghi vbe họn vbe olọ lọ emwi vbe uwu uwẹ ọvbehe.