Daniẹl 6:14 - Edo Bible (E Baibol Ẹdo) Version 1996

¹⁴ Ugbẹn vbe ọba họn ẹmwẹ na, ekhọe ẹre ma ghi sotọ, ọ keghi hia ne ọ gualọ odẹikodẹ ne ọ gha la fan e Daniẹl yotọ. Ọ keghi gha gualọ odẹ rhinrin ya sẹ ẹghẹ ne owẹn na defua.

Daniẹl 6:14 ပူးပေါင်းရင်းမြစ်များ

Ẹsta 3:8

E Haman keghi bu ọba ya tama rẹn wẹẹ, “Ivbi ẹvbo eso rre otọe ruẹ na, iran tagha gba otọe na hia, a i vbe miẹn iyaẹvbo ne a i na miẹn iran, ilele ẹvbo iran ma zẹdẹ gu ọghe ẹvbo ọvbehe rhọkpa ro vbe otọe na. Ye vbe sẹ ọnii, iran i ye uhi ẹvbo na ru emwi, rhunmwuda ọnii, ẹ i re emwi ne ọ gha fu egbe a deghẹ a sẹ iran rae.

Daniẹl 1:6

Usun avbe emwa ne a zẹe ọre iran gha ye ighe Daniẹl, Hananaia, Misiaẹl kevbe Azaraia, iran hia keghi wa gha re ivbi ẹwae Juda.

Daniẹl 3:12

Ivbi e Ju eso rrọọ ne uwẹ viọ yọ ne ọ gha gbearoghe avbe otọe eso vbe Babilọn, iran na ọrọre Siedrak, Mesiak kevbe Abẹdnigo, iran na i zẹdẹ zẹ ye ẹmwẹ ne uwẹ ne ọba tae. Iran i gho avbe ẹbọ ruẹ amawẹ te iran ghi ra ya uhunmwu rhanmwẹ otọ ne amazẹ ne uwẹ maẹn.”

Daniẹl 3:13

Ọba ghi họn ẹmwẹ na, ohu mu ẹẹn ẹsẹse ọ na wẹ ne a viọ iran eheha na bu irẹn gha dee.

Iyẹn ne ọ Maan Ọghe Mak 6:26

Ẹko ọba keghi wa rhia ba ẹmwẹ na, sokpan ọ ma gi ẹe he rhunmwuda ihẹn ne ọ sirra iran ne ọ tie sẹ owa vẹn.