Daniẹl 5:7 - Edo Bible (E Baibol Ẹdo) Version 1996

⁷ Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”

Daniẹl 5:7 ပူးပေါင်းရင်းမြစ်များ

Gẹnẹsis 41:8

Owiẹ ghi rre, ekhọe ẹre hia keghi rhia, ẹre ọ na gie ne a tie avbe ọbo edunna kevbe umẹwaẹn ni rre Igipt hia. Ọ keghi ta imina rẹn ma iran, sokpan a ma miẹn ne ọ sẹtin rhan otọ ẹre na ẹn.

Ẹsta 3:1

Ọ ghi kpee fua kherhe, e Kzakzis ne ọba keghi rhie okpia ọkpa ne a tie ẹre Haman ye ukpo iyasẹ. E Haman na kegha re ovbi e Hamedata ne ovbi uniẹn Agag.

Ẹksọdọs 7:11

Ẹre ọba na tie avbe umẹwaẹn kevbe ọbo edunna rẹn hia, iran keghi vbe ya ọbo edunna iran ru vberriọ.

Itan 1:9

Emwi ne iran ma ruẹn re gha dọlọ uyinmwẹ ruẹn yi zẹ vbene ọza uhunmwu ra ọghe ẹyaẹn ne ọ mose, dọlọ egbe ne u mu yi.

Ihuan Ne Ọ Sọọ Ihuan Hia 1:10

Eto ruẹ mose vbe irho ruẹ ọ tuo sẹ ẹyaẹn ruẹn vbe emwi urhu.

Aizaia 47:13

U i ye mwẹ ẹtin, vbene a bu ruẹ ude sẹ gie iran ni we uki ne uẹn ladian do miẹn ruẹn fan avbe iran ni ghe umian vbe orhọnmwẹ iran ni mwamwa iso ye dọmwadẹ oghae ni vbe tama ruẹn uki uki wẹ ghe emwi ne ọ gha sunu vbe egbe ruẹ.

Jerimaia 50:35

E Nọyaẹnmwa khare wẹẹ, “Uwu ọrọre ọghe ivbi e Babilọn! Uwu ọrọre ọghe emwa ẹnrẹn, ọghe iran ni khaemwisẹ, avbe umẹwaẹn ne ọ mwẹ.

Ezikiẹl 16:11

I viọ emwi ya te ruẹ egbe, avbe emwiobọ kevbe emwi urhu ikpẹrọnmwọ.

Daniẹl 1:20

Ẹmwẹkẹmwẹ ne ọba a rhirhi nọ, ra ọlọghọmwa ne ọ rhirhi a gha rrọ, emọ na keghi ya ukhukhu igbe rẹn sẹ avbe ebo edunna kevbe avbe ọbiro ni rre otọe arriọba nii hia.

Daniẹl 1:4

Iran ghi gha re emọ ni mose, ni mwẹ ẹwaẹn, ne a ma ẹre emwi ẹse, ni rherhe rẹn emwi ne a ma iran ẹre, ne ẹ i vbe mwẹ ehe ne emwi na ru ẹre egbe rhọkpa, ne iran miẹn ehe na gha re emwa ni gha winna vbe uwu ẹguae ọba. Aspenaz ghi vbe ma iran vbene a tie kevbe vbe a gbẹn ẹvbo ne emwa e Babilọn zẹ hẹ.

Daniẹl 2:2

Ọ keghi rhunmwuda ọnii gie ne a tie avbe ọbiro, ebo edunna, oso kevbe azẹn ne iran gha de do rhan otọ imina nii ma irẹn. Iran ghi rre do mudia ye odaro ọba.

Daniẹl 2:27

E Daniẹl keghi wanniẹn wẹẹ, “U gha tọ u kpẹre, Umogun, azẹn ọkpa i rrọọ, ra ọbo edunna, ra ọbiro ra iwe uki, ne ọ gha sẹtin ta ọnii ma ruẹn.

Daniẹl 2:48

Ọ keghi rhie Daniẹl ye ukpo ne ọ yo, ọ keghi ya emwi nibun hia zẹ ọhẹ ne ẹẹn, ọ mu otọe Babilọn ne ẹẹn gha gbearoghe, ọ keghi ya ẹe ru ọkaolotu avbe iguọbaziro hia.

Daniẹl 2:6

Sokpan, a deghẹ wa sẹtin ta imina nii kevbe emwi ne a yae kha ma mwẹ, I gha ya emwi ọhẹ kevbe uyi nọkhua san uwa ẹse. Banbanna nian, wa ta imina nii kevbe emwi ne a yae kha ma mwẹ.”

Daniẹl 4:14

Ọ keghi ya urhu ne ọ la datu wẹẹ, ‘Wa tọn erhan nii gbotọ ne uwa giagia ẹre abọ kua, wa khuọn ẹre ebe kua ne uwa duẹ avbe ọmọ rẹn kua. Wa khulo avbe aranmwẹ nii hin ototọ ẹre rre kevbe avbe ahianmwẹ nii hin abọ ẹre rre.

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

Daniẹl 5:15

A viọ avbe iran ni gu ọmwa zẹ iro gha dee ne iran do tie emwi ne a gbẹnnẹ na kevbe ne iran vbe ta emwi ne a ya ẹe kha, sokpan, iran ma rẹn emwi ne a ya ẹe kha.

Daniẹl 5:16

Banbanna nian, a tama mwẹ ighe u sẹtin rẹn otọ emwi ni rhie egbe lẹre, u ghi vbe rhan otọ emwiọkpaodin, u gha sẹtin tie emwi ne a gbẹnnẹ na, u na vbe ta emwi ne a ya ẹe kha, a gha ya ukpọn ododo ne ọba ya kie ugie mu uẹn egbe, u ghi mu emwi urhu uyi ọghe igoru ye urhu, u ghi vbe gha re azukpogieha vbe otọe arriọba na.”

Daniẹl 5:29

Vbe ọwarọkpa nii, e Bẹlsiaza keghi wẹ ne a vbe eguọmwadia ẹre yọ e Daniẹl ẹwu ododo ne ọba ya kie ugie, ne a mu emwiurhu igoru ọghe uyi ye ọre urhu, ọ keghi ya ẹe ru ọzukpogieha vbe otọe arriọba ẹre.

Nọmbas 22:17

I gha kaka bọ san ruẹn ẹse, I ghi vbe ru vbene u rhirhi kha. Lahọ gha dee do fi iran unu mẹ.

Nọmbas 22:7

Ẹre avbe ọkaolotu Moab ke Midian na viọ igho ne iran gha ya ha osa ne ẹẹn vbe ọ gha fi iran unu mwẹ obọ, iran keghi bu e Balam gha khian, iran na ya tama rẹn vbene Balak gie.

Nọmbas 24:11

Banbanna nian, ladian ne u gha rrie! Te I te yaan wẹ I gha ya emwi nuẹn ne I ya san ruẹn ẹse, sokpan e Nọyaẹnmwa gban emwi ne a ya san ẹse hin ruẹn obọ rre nẹ.”

I Samuẹl 17:25

Iran keghi tama egbe wẹẹ, “Wa ya ghe ẹre, wa ghe vbene ọ si ọmwa evẹn hẹ! Ọmwaikọmwa ne ọ sẹtin gbe ẹe, ọba gha fe ẹre, ọ ghi rhie ovbi ẹre ne okhuo ne ẹẹn rhie rọnmwẹ, ọ ghi vbe we ne ẹgbẹe erhae ghẹ ghi zẹ igho uhunmwu.”