Daniẹl 5:6 - Edo Bible (E Baibol Ẹdo) Version 1996

⁶ Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Daniẹl 5:6 ပူးပေါင်းရင်းမြစ်များ

Psalm 22:14

Orhiọn mwẹ tin fua, ọ wirua zẹvbe amẹ ne a nọnọ ye otọ. Ugboloko mwẹ hia lahin akhuẹn rre, ekhọe mwẹ yevbe odan ne a ranraẹn.

Psalm 69:23

Rhu iran aro, ne u gie uviẹn iyeke gha kpe iran.

Aizaia 35:3

Rhie iwegbe ne avbe obọ ne egbe wọre kevbe avbe igue ni guọ rhunmwuda a ma wegbe.

Aizaia 5:27

Ọkpa ne egbe wọre i rre uwu iran, okpa ne ọ vbe rrua owẹ irrọọ. Iran i mumu, iran i vbiẹ, ukugba iran i vbe kuọghọ, irri ibata okpa i vbe fian.

Jerimaia 50:43

Ọba e Babilọn họn ẹmwẹ na, obọ ẹre keghi luẹluẹ, akhiẹ dan dekun ẹnrẹn obalọ ne ọ yevbe ọghe okhuo ne ọ ra biẹ.

Ezikiẹl 21:7

Iran gha nọ ruẹn emwi ne ọ zẹ ne u na rriakọn, u ghi tama iran wẹ rhunmwuda iyẹn ne ọ he dee nọ. Ẹghẹ ne iyẹn nii gha ya sẹ obọ, ohan gha mu iran hia ẹsẹse, obọ iran gha wu ginna iran egbe, ẹtin gha fo iran, igbọn iran ghi gha rhie gbe egbe. Nene ẹghẹ wa dee, ọ sẹẹ emwa fo nẹ,” E Nọyaẹnmwa ne Udazi guan nẹ.

Ezikiẹl 7:17

Obọ edọmwadẹ ọghọe gha luẹluẹ, igue ghi vbe gha degbe egbe.

Daniẹl 2:1

Ọ ghi rre ukpo eva ne Nebukiadneza rriọba, ọ keghi mina. Ohan ẹnrẹn muẹn sẹrriọ wẹ ọ ma miẹn ovbe.

Daniẹl 3:19

Ẹre ohu na ghi wa kakabọ mu e Nebukiadneza, aro ẹre kegha kpannọ ugiọnmwẹ erhẹn rhunmwuda e Siedrak, e Mesiak kevbe Abẹdnigo. Ọ na ghi wẹ ne emwa rẹn koko erhẹn nii ne ọ ya ukhukhu ihinrọn sẹẹ vbene ọ te ka baa sẹ yi.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 4:5

Sokpan, mẹ keghi mina imina ne ọ mu ohan, I keghi vbe miẹn umian ni kpan ọmwa udu vbe I vbiẹ.

Daniẹl 5:5

Vbe udomwurri, obọ ọkpa keghi ladian, ọ keghi gha gbẹnnẹ emwi ye egbekẹn ẹguae ne a wiẹn rẹn nii, ehe ne a vbe ukpa ne a rhu lele enii na kakabọ baa ẹse. Ọba keghi vbe bẹghe vbe obọ nii gbẹnnẹ emwi.

Daniẹl 7:28

Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.

Nahum 2:10

A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

Hibru 12:12

Rhunmwuda ọnii, wa gie obọ uwa ne lughọlughọ si tua, wa vbe gie igbọn ne ọ rhie gbe egbe de ziẹn.