Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Daniẹl 5:28 - Edo Bible (E Baibol Ẹdo) Version 1996

28 A ghaa ẹre, a ghaa otọe arriọba ruẹ, a na viọ ne avbe Medis kevbe Pẹsia.”

အခန်းကိုကြည့်ပါ။ ကော်ပီ




Daniẹl 5:28
16 ပူးပေါင်းရင်းမြစ်များ  

“Vbenian ọre Sairọs ne Nọgbaisi e Pẹsia khare. E Nọyaẹnmwa ne Osanobua ọghe Ẹrinmwi, ọ re ọ ya mwẹ ma ọba yan otọe agbọn hia, ọ na vbe ya ẹe fian okhuo mẹ wẹ ne I bọ Ọgua Osa ne irẹn vbe Jerusalẹm vbe otọe e Juda. Rhunmwuda ọnii nian, wa hia ni re emwa Osanobua, wa gha rrie odọ nii, te Nọyaẹnmwa ne Osanobua uwa gha deba uwa.”


E Nọyaẹnmwa khare wẹẹ, “I gha bọọ avbe ivbi e Medis yọ ne iran dekun e Babilọn. Iran i zẹ ye ẹmwẹ esiliva, a i vbe sẹtin ya igoru danmwẹ iran ghe.


I miẹn umian ọghe emwi dan ni sunu, umian ọghe a ya ọmwa ne a vbokho kevbe ọfuan. “Ivbiyokuo Ẹlam, wa dekun iran! Ivbiyokuo e Medis, wa gha ga avbe okpẹvbo nii. Osanobua gha dobọ oya ne Babilọn he si ye emwa egbe yi.”


Ọfuan gha de rhuẹ. Ẹbo edunna ruẹn ọkpa ne ọ ra dae yi i rrọọ. Ọ gha rhurhẹ yan ruẹn vbe udomwurri. Ọfuan ne u ma ro u ma kọ.


I gha gie ọkhọ rruan e Babilọn zẹ vbene I giee Jerimaia wẹ ọ gha sunu vbe egbe avbe uhunmwu ẹvbo, zẹ vbene a gbẹnnẹ ye ebe na.


“Wa mu avbe agbọn ẹvbo egbe ne uwa ya khọn e Babilọn. Wa gie ne a tie avbe ọba e Midia, avbe ọkaolotu iran kevbe avbe ekhaẹmwẹ iran, deba avbe ivbiyokuo avbe otọe ne iran gbearoghe hia.


Igoru ne ọ ghi mose sẹ ọ re a ya maa uhunmwu ẹnrẹn, a keghi ya esiliva maa ẹwẹe, kevbe avbe obọ ẹre, ẹkun kevbe ikebe ẹre, a keghi ya oze maa enii,


Wẹ gha ghi vbe ru ọwuẹ gberra nẹ, arriọba ọvbehe gha vbe guakpao sokpan ẹ i ra kpọlọ vba ọwuẹ, vbe iyekọni, arriọba ogieha ne ọ gha vbe gha re ọghe oze, ọ gha vbe khaemwisẹ yan otọe agbọn hia.


E Dariọs ne ovbi e Mede ne ọ gha rre ukpo iyeha keghi ya ẹtin vbe iwegbe mu ẹkete ọba.


Agbọn keghi wa maa e Daniẹl vbe ẹghẹ ọba Dariọs kevbe ẹghẹ ọba e Sairọs ne ovbi e Pẹsia.


Rhunmwuda ọnii, Umogun gha yi iyi na ne ọ rhie obọ ye ebe ne a gbẹn ọẹn yi, a ghi gha lo ẹre ọ ghi gha re uhi ivbi e Medis kevbe Pẹsia ne a i fiwerriẹ.”


“Ogho ne u miẹn ne ọ mwẹ igho eva nii, mudia ye ihe avbe arriọba e Midia kevbe Pẹsia.


E Dariọs ne Medis ne ọ re ovbi e Kzakzis kegha khaemwisẹ vbe Babilọn.


Ma ni ke Patia rre kevbe Midia, Ẹlam, Mẹsopotamia, Judia, Kapadosia, Pọntus, Esia,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ