Daniẹl 5:2 - Edo Bible (E Baibol Ẹdo) Version 1996

² Ehe ne iran na da ayọn ni, e Bẹlsiaza na giee wẹ ne a ya viọ ukpu kevbe avbe ọkpan igoru ne Nebukiadneza ne erha ẹe viọ ke Ọgua Osa ne ọ rre Jerusalẹm rre gha dee. Ọba giee wẹ ne a viọ iran rre ne irẹn kevbe enigie ẹre, avbe amwẹ ọnrẹn kevbe avbe egbakhian rẹn miẹn ehe na ya gha da ayọn.

Daniẹl 5:2 ပူးပေါင်းရင်းမြစ်များ

II Samuẹl 9:7

E Devid keghi wanniẹn wẹẹ, “Ghẹ gie ohan mu ẹẹn, I gha tohan ruẹn rhunmwuda e Jonatan ne erha a. I gha mu otọ e Sọl ne erha odede hia nuẹn, u ghi vbe do gha rrie evbare vbe eteburu mwẹ vbe ẹghẹ hia.”

II Ọba 24:13

Ọ na viọ emwi ẹfe hia ni rre Ọgua Osa kevbe ni rre ẹguae, avbe ọkpan igoru ne Solomọn ne ọba ru ne a ya gha ru emwi vbe Ọgua Osa.

II Ọba 25:15

Iran keghi viọ emwikemwi ne a ghi ya igoru ra esiliva ru, ya sẹ egbe ọkpan ne giẹrẹ, kevbe ivbi uyẹngbe ne a ya wan erhẹn vbe Ọgua Osa.

II Krọnikol 11:20

Vbe okiekie, ọ keghi rhie Maaka ne ovbi Absalọm ne okhuo, iran na biẹlẹ emọ ikpia, enẹ, ena ọre Abija, Atai, Ziza kevbe Sielomit.

II Krọnikol 15:16

Asa ne ọba keghi rhie iye irẹn ighẹ Maaka hin ukpo iye ọba rre rhunmwuda, ọ keghi ma amazẹ osọnnọ ọghe ẹbọ ne okhuo ne a tie ẹre Asiẹrra. Asa keghi suẹ amazẹ nii sẹ otọ, ọ na giagia rua, ọ na ya giẹn ọnrẹn vbe Iya Kidrọn.

II Krọnikol 36:10

Ọ ghi sẹ omuhẹn orhọ, e Nebukiadneza ne ọba keghi mu e Jehoiakin oghunmwu gha rrie Babilọn, ọ na vbe viọ emwi ẹwe ni rre Ọgua Osa gha rrie. Ẹre Nebukiadneza na ya ovbi erha e Jehoiakin ighẹ Zedekaia ma ọba e Juda kevbe Jerusalẹm.

II Krọnikol 36:18

Ọba e Babilọn keghi fu emwi ni rre Ọgua Osa viọ, ke asa Ọgua Osa kevbe ẹfe ne ọba mwẹ kevbe ne avbe irriegie ẹre vbe mwẹ, ọ na viọ ehia gha rrie Babilọn.

Ẹzra 5:14

Ọ na viọ iran werriegbe rre ighẹ avbe emwi ne a lo vbe Ọgua Osa ọghe igoru ke ọghe esiliva ne Nebukiadneza viọ vbe Ọgua Osa ne ọ rre Jerusalẹm, ọ na ya viọ ẹre ye aro ẹbọ vbe Babilọn. E Sairọs ne ọgbaisi keghi viọ avbe emwi na ne ọkpia ọkpa ne a tie ẹre Siẹsbaza ne irẹn ya ru nọ khaemwisẹ ọghe Juda.

Jerimaia 27:7

Te uhunmwu ẹvbo hia ra gae, iran ghi ga ovbi ẹre, iran ghi vbe ga eyẹ ọre ọ te do sẹ ẹghẹ ne uhunmwu ẹvbo ọghọe gha ya de. Ẹghẹ nii, uhunmwu ẹvbo ọghọe ghi gha gae avbe uhunmwu ẹvbo ni mwẹ ẹtin kevbe avbe ọba nekhua.

Jerimaia 50:35

E Nọyaẹnmwa khare wẹẹ, “Uwu ọrọre ọghe ivbi e Babilọn! Uwu ọrọre ọghe emwa ẹnrẹn, ọghe iran ni khaemwisẹ, avbe umẹwaẹn ne ọ mwẹ.

Jerimaia 52:19

Iran keghi vbe viọ avbe emwi hia ne a ye esiliva kevbe igoru ru, avbe ọkpan negiẹrẹ, avbe uyẹngbe ne a wan erhẹn yi, avbe ọkpan na a da esagiẹn emwi ne a ya zọ ese yi, avbe emwi ne a ya hẹ emuẹn avbe erhan ọmukpa, avbe ọkpan eturari, kevbe avbe ọkpan ne a ya hihiẹ ayọn imuohan kua.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

Daniẹl 5:13

A keghi wa zẹgiẹgiẹ rhie Daniẹl do mudia ye odaro ọba, ọba keghi tama rẹn wẹẹ, “Wẹ ọrọre Daniẹl ra, ovbi e Hibru ne ọ rre iwe, ne erha mwẹ ighe ọba mu ke Juda gha die edinran ra?

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Daniẹl 5:23

U keghi ru emwi ne ẹ i yẹ e Nọyaẹnmwa ẹrinmwi, u keghi ya viọ avbe ukpu kevbe avbe ọkpan ne a viọ ye Ọgua Osa. Wẹ kevbe avbe ekhaẹmwẹ ruẹn, avbe amwẹ ọn kevbe avbe egbakhian ruẹn kegha ya iran da ayọn, wa na gha go wan avbe ẹbọ ne a ya igoru esiliva, oze, ematọn, erhan kevbe okuta ru — avbe ẹbọ ni i bẹghe kevbe ni i họn ẹmwẹ kevbe ni i sẹtin ru emwi rhọkpa. Sokpan, wẹ ma da ne Osanobua ne ọ tae a deghẹ u gha rre agbọn ra u gha wu, kevbe ne ẹmwẹ emwi ne u ru hia rre ọre obọ.

Daniẹl 5:3

Vbe ọwarọkpa nii, a keghi gele viọ avbe ukpu kevbe ọkpan igoru ni rre, iran na ya gha da ayọn,

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Daniẹl 5:4

iran na gha go wan avbe ẹbọ ne a ya igoru, esiliva, oze, ematọn erhan, kevbe okuta ru.