Daniẹl 5:19 - Edo Bible (E Baibol Ẹdo) Version 1996

¹⁹ Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.

Daniẹl 5:19 ပူးပေါင်းရင်းမြစ်များ

II Ọba 25:28

Iyomẹrodak keghi ye obọ esi mu ẹẹn. Ọ keghi rhie ukpo ne ọ yo sẹ ọghe avbe ọba nekpa ni vbe rre iwe vbe ehe ne ọ ye ne ẹẹn vbe Babilọn.

Itan 16:14

Ọmwa ne ọ wan ghi gha hia ne ọ gha ya ẹko ọba rhiẹnrhiẹn, ohu gha mu ọba, ọmwa hoho sẹtin lae.

Asan-Ibo 8:3

Ọba wa sẹtin ru emwi ne ọ khọn rẹn, rhunmwuda ọnii, kpao hin ehe ne ọ ye rre. Ghẹ mudia ye ehe ne ẹbe ye vberriọ.

Ezikiẹl 31:11

Rhunmwuda ọnii mẹ he ẹe nẹ, I gha vbe gie ne ọ khaemwisẹ orhunmwuyẹn mu gha khian. Ọ gha ru erhan ni emwi ne ọ ma ẹẹn ye emwi dan ne ọ ru.

Daniẹl 11:12

Rẹn gha ye akhọnmiotọ ẹre kevbe ubunmwẹ avbe ivbiyokuo ne ọ gbele rhuọ. Sokpan, ẹ i ra wa gha khọnmiotọ khian rhinrin.

Daniẹl 11:16

Ivbi e Siria ni mu okuo rre gha ru iran zẹ vbene ọ khọn iran, vbe ne a i na wẹ ẹre vbe ọ ya de. Ọ gha mudia vbe Otọe Eyan nii ehia ghi wa gha rre ọre atataobọ.

Daniẹl 11:3

Ẹghẹ nii ọba ne asukpekhae gha la ẹkete, ọ ghi gha khaemwisẹ yan arriọba ne ọ kpọlọ ẹsẹse, ọ ghi vbe gha da gbe da mu.

Daniẹl 11:36

Ọba e Siria ghi gha da gbe da mu, ọ ghi gha rhuọ we rẹn kpọlọ sẹẹ avbe ẹbọ, kevbe wẹ rẹn sẹ Osanobua ne ọ kpọlọ Sẹehia. Ọ gha sẹtin gha ru avbe emwi na ọ te do sẹ ẹghẹ ne Osanobua gha ya rria ẹre ikhi. Osanobua gha ru zẹ vbene ọ mwamwaẹn zẹẹ.

Daniẹl 3:29

“Banbanna nian, I tae wẹ adeghẹ a miẹn ovbi uhunmwu ẹvbo ọkpa ra emwa, ra ẹvbo ne a zẹ ne ọ ya ukpẹ sakan Osanobua e Siedrak, Mesiak, kevbe Abẹdnigo, te a ra yanghan ẹre obọ vbe owẹ hin egbe ẹre rre, a ghi ya owa ẹre khian otiku. Osanobua ọvbehe i rrọ ne ọ sẹtin miẹn ọmwa fan vbenian.”

Daniẹl 3:4

Avbiogbẹ keghi ya urhu ne ọ la datuu tama emwa wẹẹ, “Emwa ni ke dọmwadẹ otọe, ẹvbo ne a zẹ kevbe ẹwae rre.

Daniẹl 3:6

Ọmwa ikọmwa ne ọ ma ghughẹrre ya uhunmwu rhanmwẹ otọ, a gha fiẹe fi uwu erhẹn vbe ọwarọkpa nii.”

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.

Habakọk 2:5

Emwi ne ọ rẹrẹ ọmwa ọ re ẹfe khin. Emwa ne ẹho tọlọ, te iran tọn egbe mu, ekhọe iran i vbe sẹ otọ, zẹ vbene uwu tobọ ẹre ye, ne ẹko i na vuọn ẹẹn, erriọ, ẹko i vbe vuọn iran. Ọnii ọ si ẹe ne iran na khọn ẹvbo yan ẹvbo mu ne egbe iran.

Iyẹn ne ọ Maan Ọghe Jọn 19:11

Jesu wanniẹn tama rẹn wẹ, “Akpawẹ Osanobua ma rhie ẹtin na nu ẹn, u i ghẹ gha mwẹ asẹ rhọkpa vbe egbe mwẹ. Rhunmwuda ọnii, ọmwa ne ọ mu mwẹ guẹ ọre ọ rri abe ne ọ sẹre.”

Ebe ne Pọl gbẹẹn gie emwa Rom 13:1

Ọ kere ne emwa hia gha họn ẹmwẹ ne avbe ukọ ẹvbo, rhunmwuda asẹ ọkpa i sẹtin gha rrọọ vbe ẹ i re te Osanobua ye obọ yọ, avbe emwa ni rre asẹ hia, Osanobua ọre ọ viọ iran ye evba.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.