Daniẹl 5:17 - Edo Bible (E Baibol Ẹdo) Version 1996

¹⁷ E Daniẹl keghi wanniẹn wẹẹ, “Viọ emwi ihaoko ruẹ ye owa, ra ya ẹe ne ọmwa ne ọ khọn ruẹn ọvbehe. I gha tie emwi ne a gbẹnnẹ na ma ruẹn Umogun, I ghi vbe ta emwi ne a ya ẹe kha ma ruẹn.

Daniẹl 5:17 ပူးပေါင်းရင်းမြစ်များ

Gẹnẹsis 14:23

Wẹ mẹ I ra rhie emwikemwi nọ re ọwuẹ, yasẹ egbe oru irri ibata, ne u ghẹ ya gha tae khian wẹẹ, ‘Mẹ ọre ọ fee Ebram.’

II Ọba 3:13

Elaisia keghi wanniẹn ọba Izrẹl wẹẹ, “Vbe I a ghi yi uwa obọ hẹ yi? Wa ya nọ avbe akhasẹ ne avbe erha uwa kevbe iye uwa gha nọọn.” E Joram keghi wanniẹn wẹẹ, “Ẹ i re erriọ, e Nọyaẹnmwa ọ re ọ gbalọ ima ne avbe ọba eha na hẹ ku ọba e Moab obọ.”

II Ọba 5:16

Elaisia keghi wanniẹn wẹẹ, “Vbe eni Osanobua ne ọ rrọọ ne imẹ ga, I vẹn ihẹn wẹ mẹ i ra miẹn ruẹn emwi rhọkpa.” E Naaman keghi rhẹrhẹ ọe ne ọ miẹn irẹn ẹre, sokpan, ọ ma miẹn ẹre re.

II Ọba 5:26

Sokpan Elaisia tama rẹn wẹẹ, “Orhiọn mwẹ ma gu uwẹ mudia vbe evba ra vbe ẹghẹ ne okpia nii na tuorre vbe ikẹkẹ okuo ẹre ne ọ do khian vba ruẹ? Ọ na i re ẹghẹ ne a ya miẹn emwa igho, ukpọn ofigbọn oliv kevbe ebe ẹre, ogba azara, ohuan kevbe ẹmila kevbe eguọmwadia.

Psalm 119:46

Mẹ gha na iyẹn iyi ruẹ ma avbe ọba ekhue i ra vbe mu mwẹ.

Daniẹl 2:6

Sokpan, a deghẹ wa sẹtin ta imina nii kevbe emwi ne a yae kha ma mwẹ, I gha ya emwi ọhẹ kevbe uyi nọkhua san uwa ẹse. Banbanna nian, wa ta imina nii kevbe emwi ne a yae kha ma mwẹ.”

Daniẹl 5:29

Vbe ọwarọkpa nii, e Bẹlsiaza keghi wẹ ne a vbe eguọmwadia ẹre yọ e Daniẹl ẹwu ododo ne ọba ya kie ugie, ne a mu emwiurhu igoru ọghe uyi ye ọre urhu, ọ keghi ya ẹe ru ọzukpogieha vbe otọe arriọba ẹre.

Iwinna 8:20

Sokpan Pita wanniẹn tama rẹn wẹẹ, “Te uwẹ vbe igho ruẹ ra gba la ọrhiae rrie, ne u na gha ro ighẹ u gha sẹtin ya igho dẹ emwi ne Osanobua ya ru ọmwa ẹse.