Daniẹl 5:14 - Edo Bible (E Baibol Ẹdo) Version 1996

¹⁴ I họẹn ighe orhiọn avbe ẹbọ nihuanrẹn guẹ kevbe wẹ u guẹ emwi ẹsẹse, u vbe mwẹ irẹnmwi kevbe ẹwaẹn.

Daniẹl 5:14 ပူးပေါင်းရင်းမြစ်များ

Gẹnẹsis 41:15

Ọba keghi tama e Josẹf wẹẹ, “I minaẹn, I ma miẹn ọmwa ne ọ sẹtin rhan otọ ẹre ma mwẹ. A khama mwẹ wẹ u gha họn vbene a mina hẹ, u sẹtin rhan otọ ẹre.”

Gẹnẹsis 41:38

Ọ keghi khama iran wẹẹ, “De ehe ne a gha na miẹn ọmwa ọvbehe nẹ ọ maa sẹẹ Josẹf ne ọ mwẹ orhiọn Osanobua.”

Daniẹl 2:22

Ọ rhie emwi ni dinmwi kevbe ni re ọghe oro ma emwa ọ rẹn emwi ne a rhie lẹre ye uwu ebiebi, uwanmwẹ ọre ọ lẹga rẹn tobọ irẹn.

Daniẹl 4:8

Ẹghẹ nii ọ re Daniẹl ghi na rre. (Rẹn ọ re a vbe tie ẹre Bẹtẹsiaza zẹ vbe eni ne a he ẹre re gie ẹbọ mwẹ.) Orhiọn avbe ẹbọ nihuanrẹn rre uwu irẹn. I keghi ta imina ne I minaẹn ma rẹn wẹẹ:

Daniẹl 5:13

A keghi wa zẹgiẹgiẹ rhie Daniẹl do mudia ye odaro ọba, ọba keghi tama rẹn wẹẹ, “Wẹ ọrọre Daniẹl ra, ovbi e Hibru ne ọ rre iwe, ne erha mwẹ ighe ọba mu ke Juda gha die edinran ra?

Daniẹl 5:15

A viọ avbe iran ni gu ọmwa zẹ iro gha dee ne iran do tie emwi ne a gbẹnnẹ na kevbe ne iran vbe ta emwi ne a ya ẹe kha, sokpan, iran ma rẹn emwi ne a ya ẹe kha.

Daniẹl 6:3

Wanwanna, e Daniẹl rhie maa nẹ ighe rẹn guẹ iwinna sẹẹ iran ne eva ni dekẹe ra avbe gọvina nii. Rhunmwuda wẹ a i miẹn egbe irẹn, e Dariọs na zẹẹ ọe vbe iro wẹ rẹn wa mu otọe arriọba nii hia ne ẹẹn gha gbearoghe.