Daniẹl 5:13 - Edo Bible (E Baibol Ẹdo) Version 1996

¹³ A keghi wa zẹgiẹgiẹ rhie Daniẹl do mudia ye odaro ọba, ọba keghi tama rẹn wẹẹ, “Wẹ ọrọre Daniẹl ra, ovbi e Hibru ne ọ rre iwe, ne erha mwẹ ighe ọba mu ke Juda gha die edinran ra?

Daniẹl 5:13 ပူးပေါင်းရင်းမြစ်များ

Ẹzra 10:16

Avbe iran ni ke iwe rre keghi rhan obọ miẹn emwamwa na rhunmwuda ọnii, Ẹzra ne ohẹn keghi zẹlẹ emwa vbe avbe ọkaẹgbẹe dọmwadẹ ewae, ọ na gbẹnnẹ eni iran ye otọ. Iran keghi suẹn gha gualọ otọ emwi na vbe ikpẹdẹ ne okaro ọghe uki ne ogigbe.

Ẹzra 10:7

Iran keghi wa gie uhunmwu la Jerusalẹm kevbe Juda hia, wẹ avbe ọkaolotu emwa we ne emwa ni ke iwe rre hia miẹn egbe vbe Jerusalẹm.

Ẹzra 4:1

Avbe eghian ivbi Juda kevbe Bẹnjamin keghi họn wẹ emwa ni ke iwe rre gha dọlegbe bọ Ọgua Osa e Nọyaẹnmwa ne Osanobua Izrẹl.

Ẹzra 6:16

Ẹre ivbi Izrẹl hia, avbe ohẹn, avbe Livai, kevbe emwa nekpa hia fẹẹrẹ ni ke iwe rre, na ya oghọghọ ya Ọgua Osa ni fi ohan.

Daniẹl 1:1

Ugbẹn vbe ọ ghi rre ukpo eha ne Jehoiakim rriọba vbe Juda, e Nebukiadneza ne ọba e Babilọn keghi mu okuo gha die Jerusalẹm, ọ na ghae ga ẹvbo nii.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Daniẹl 1:21

E Daniẹl keghi wa gha rre uwu ẹguae ọba ọ te do sẹ ẹghẹ ne Sairọs ne ọba e Pẹsia na khọn e Babilọn.

Daniẹl 1:6

Usun avbe emwa ne a zẹe ọre iran gha ye ighe Daniẹl, Hananaia, Misiaẹl kevbe Azaraia, iran hia keghi wa gha re ivbi ẹwae Juda.

Daniẹl 2:25

Vbe ọwarọkpa nii, Ariọk keghi rhie Daniẹl bu Nebukiadneza gha dee. Ọ tama ọba wẹẹ, “I miẹn ọkpa ne ọ gha sẹtin ta emwi ne a ya imina ruẹn kha vbe uwu avbe ivbi e Ju ni rre iwe, Umogun.”

Daniẹl 2:48

Ọ keghi rhie Daniẹl ye ukpo ne ọ yo, ọ keghi ya emwi nibun hia zẹ ọhẹ ne ẹẹn, ọ mu otọe Babilọn ne ẹẹn gha gbearoghe, ọ keghi ya ẹe ru ọkaolotu avbe iguọbaziro hia.

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

Daniẹl 5:14

I họẹn ighe orhiọn avbe ẹbọ nihuanrẹn guẹ kevbe wẹ u guẹ emwi ẹsẹse, u vbe mwẹ irẹnmwi kevbe ẹwaẹn.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Daniẹl 5:2

Ehe ne iran na da ayọn ni, e Bẹlsiaza na giee wẹ ne a ya viọ ukpu kevbe avbe ọkpan igoru ne Nebukiadneza ne erha ẹe viọ ke Ọgua Osa ne ọ rre Jerusalẹm rre gha dee. Ọba giee wẹ ne a viọ iran rre ne irẹn kevbe enigie ẹre, avbe amwẹ ọnrẹn kevbe avbe egbakhian rẹn miẹn ehe na ya gha da ayọn.

Daniẹl 6:13

Iran keghi wanniẹn tama ọba wẹẹ. “E Daniẹl ne ọkpa vbe avbe ivbi e Juda ni rre iwe, i zẹdẹ da ne uwẹ, Umogun ra ne ọ vbe gha ya iyi ne uwẹ yi ru emwi. Ẹ i gbe erhunmwu ne a na igba eha vbe ẹdẹ re.”

Daniẹl 8:1

Ọ ghi rre ukpo eha ne Bẹlsiaza rriọba, I keghi vbe miẹn umian ne ogieva.

Daniẹl 8:27

Egbe hia keghi guọghọ mwẹ yotọ, I na ya ikpẹdẹ ihinrọn khuọnmwi. Ẹre I na kpaegbe, I na gha rrie ehe ne iwinna ne ọba mu mẹ ye. Sokpan, umian nii sunsun yọmwẹ aro, I ma vbe rẹn emwi ne a yae kha.

Iyẹn ne ọ Maan Ọghe Jọn 7:1

Vbe iyeke ọnọna, Jesu kegha lele Galili khian, ọ ma ho ne ọ khian lele otọ Judia rhunmwuda avbe Ju ni rre evba gualọ odẹ vbene iran gha ya gbe ẹe rua hẹẹ.

Iyẹn ne ọ Maan Ọghe Jọn 7:3

Rhunmwuda ọnii etẹn Jesu ne ikpia keghi do tama rẹn wẹẹ, “Kpao vbe emwa ne u gha rrie Judia ne aro avbe erhuanegbe ruẹ miẹn ehe na sẹ iwinna ne u winna.