Daniẹl 5:12 - Edo Bible (E Baibol Ẹdo) Version 1996

¹² Ẹtin ughaẹn ọ re ọ wa gue ẹe, ẹwaẹn gba ne ẹẹn, ẹmwẹ imina ne a rhan otọ ẹre ẹmwẹ ibo ne a san, kevbe ẹmwẹ emwi ọkpaodin ne a rhan otọ ẹre. Rhunmwuda ọnii nian, gie ne a tie okpia na ne erha a he ẹre Bẹtẹsiaza, o gha tama ruẹn emwi ne a ya ena hia kha.”

Daniẹl 5:12 ပူးပေါင်းရင်းမြစ်များ

Psalm 16:3

Wẹ miẹn uyi ne ọ rre iran egbe. Ighe iran ni guobọ e Nọyaẹnmwa. Ne I gha rre uwu ẹbu iran, ọrọre ne ọ ghi sẹ mwẹ ọyẹnmwẹ sẹẹ.

Itan 12:26

Arọndẹ ọ re ọmwa esi khin ne avbe esiọre, sokpan, obẹlẹ ọmwa dan ghi de iran odẹ.

Itan 17:27

Ọmọ ne ọ rẹn enegbe i talọ ẹghẹ hia; ọmwa ne ọ hẹko zin egbe, ọmwa ne ọ ghe umọdia emwi ọ re nọ.

Ezikiẹl 28:3

U ro wẹ wẹ wan sẹ e Daniẹl, kevbe wẹ emwi oro ọkpa irrọ ne a gha sẹtin rhie lẹre ne uẹn.

Daniẹl 1:17

Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Daniẹl 1:7

Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 2:26

Ọba keghi tama e Daniẹl (rẹn ọ re a vbe tie ẹre Bẹtẹsiaza) wẹẹ, “U gha sẹtin tama mwẹ imina ne I minaẹn kevbe emwi ne a yae kha ra?”

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 4:8

Ẹghẹ nii ọ re Daniẹl ghi na rre. (Rẹn ọ re a vbe tie ẹre Bẹtẹsiaza zẹ vbe eni ne a he ẹre re gie ẹbọ mwẹ.) Orhiọn avbe ẹbọ nihuanrẹn rre uwu irẹn. I keghi ta imina ne I minaẹn ma rẹn wẹẹ:

Daniẹl 5:14

I họẹn ighe orhiọn avbe ẹbọ nihuanrẹn guẹ kevbe wẹ u guẹ emwi ẹsẹse, u vbe mwẹ irẹnmwi kevbe ẹwaẹn.

Daniẹl 5:16

Banbanna nian, a tama mwẹ ighe u sẹtin rẹn otọ emwi ni rhie egbe lẹre, u ghi vbe rhan otọ emwiọkpaodin, u gha sẹtin tie emwi ne a gbẹnnẹ na, u na vbe ta emwi ne a ya ẹe kha, a gha ya ukpọn ododo ne ọba ya kie ugie mu uẹn egbe, u ghi mu emwi urhu uyi ọghe igoru ye urhu, u ghi vbe gha re azukpogieha vbe otọe arriọba na.”

Daniẹl 6:3

Wanwanna, e Daniẹl rhie maa nẹ ighe rẹn guẹ iwinna sẹẹ iran ne eva ni dekẹe ra avbe gọvina nii. Rhunmwuda wẹ a i miẹn egbe irẹn, e Dariọs na zẹẹ ọe vbe iro wẹ rẹn wa mu otọe arriọba nii hia ne ẹẹn gha gbearoghe.

Daniẹl 6:4

Rhunmwuda ọnii, avbe iran ni su ẹvbo nekpa kevbe avbe gọvina kegha gualọ ehe ne iran gha na miẹn abakuru vbe odẹ ne Daniẹl ya gbearoghe otọe arriọba nii sokpan iran ma miẹn, rhunmwuda, ọmwa ne ọ gie a mu ẹtin yan ọ re Daniẹl khin, ọ ma vbe ru emwi ne ọ ma gba ọghe ogberhu.

Kọlose 1:29

Ne a miẹn ehe na ru ọna mwẹ uhunmwu, ọre I na domian, kevbe ne I na miẹn ẹsọn vbe ne I na lo ẹtin nọkhua ne Kristi rhie mẹ, kevbe ne ọ vbe winna vbe uwu imẹ.