Daniẹl 5:1 - Edo Bible (E Baibol Ẹdo) Version 1996

¹ Ọ ghi sẹ asọn ọkpa, e Bẹlsiaza keghi giee ne a tie emwa ni sẹ ekpe arriaisẹn gha die evbare eghọ nọkhua. Iran hia keghi gba gha da ayọn.

Daniẹl 5:1 ပူးပေါင်းရင်းမြစ်များ

Gẹnẹsis 40:20

Vbe ikpẹdẹ ne ogieha ne ọ re ẹdẹ ayere ubiẹmwẹ Fero, ọ keghi le evbare ne avbe ọruemwi ẹnrẹn hia, ọ keghi tie ne ọsiẹnro ayọn rẹn kevbe ọkaolotu iran ni le ebrẹd ye odaro avbe ọruemwi ẹnrẹn.

Ẹsta 1:3

Ọ ghi rre ukpo eha ne ọ rriọba, ọ keghi do le evbare tie avbe iran ni rre asẹ kevbe eghaẹvbo ẹre hia sẹ owa. Ivbiyokuo e Pẹsia kevbe Midia keghi vbe gha rre evba, erriọ vbe nọ ne iran ni khaemwisẹ kevbe avbe egbesẹmwegie ni rre otọe nii hia.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 22:14

E Nọyaẹnmwa ne Oghodua ne Udazi keghi tobọ ẹre gun mwẹ guan, ọ wẹẹ, “Ti ra ya emwi dan na bọ iran, iran te ya wulo. Mẹ ne Udazi ne Nọyaẹnmwa ne Oghodua, ọ re ọ tae.”

Jerimaia 50:35

E Nọyaẹnmwa khare wẹẹ, “Uwu ọrọre ọghe ivbi e Babilọn! Uwu ọrọre ọghe emwa ẹnrẹn, ọghe iran ni khaemwisẹ, avbe umẹwaẹn ne ọ mwẹ.

Jerimaia 51:39

Te iran zuan ra? I gha le evbare ne iran, I gha ya ayọn ne iran da, iran ghi vbe gha ghọghọ. Iran gha ya vbiẹ vbe ne iran i ghi ra na rhiọrre ọvbehe.

Jerimaia 51:57

I gha ye ayọn ne avbe enikhaemwisẹ iran da, ne ọ gha gbe iran, avbe umẹwaẹn, ọkaolotu, kevbe ivbiyokuo. Iran gha ya lovbiẹ, sokpan iran i ghi rhiọrre. Mẹ ne ọba taa ẹe nẹ. Mẹ ọrọre Nọyaẹnmwa ne Oghodua.

Daniẹl 5:30

Vbe asọn ọkpa nii, iran keghi gbe ẹe rua ighe Bẹlsiaza ne ọba e Babilọn.

Nahum 1:10

A gha giẹn uwa a, zẹ vbe igban ni kinnọ egbe kevbe ebe ne ọ kakae.