Daniẹl 4:9 - Edo Bible (E Baibol Ẹdo) Version 1996

⁹ Bẹtẹsiaza ne ogiọbo, mẹ rẹnrẹn wẹ orhiọn avbe ẹbọ nihuanrẹn rre uwu uwẹ kevbe wẹ, wẹ rẹn otọ avbe emwi ọkpaodin hia. Ọna ọrọre imina ne I minaẹn, ta emwi ne a yae kha ma mwẹ.

Daniẹl 4:9 ပူးပေါင်းရင်းမြစ်များ

Gẹnẹsis 41:38

Ọ keghi khama iran wẹẹ, “De ehe ne a gha na miẹn ọmwa ọvbehe nẹ ọ maa sẹẹ Josẹf ne ọ mwẹ orhiọn Osanobua.”

Aizaia 33:18

Avbe ọrriọvbe ni do gha koko igho uhunmwu, kevbe avbe emwa ni do gha ba ọmwa ghe, ne ohan rẹn te mu uwa, ghi do khian emwi ne a ya kpa itan.

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Ezikiẹl 17:23

ye oke ne ọ yo sẹẹ vbe Izrẹl. Ọ gha zẹlẹ abọ, ọ ghi vbe mọ, ọ ghi do khian isida ne mose mose. Ahianmwẹ ughughan gha di evba ya, iran ghi miẹn ehe dia vbe irhu ẹre.

Ezikiẹl 28:3

U ro wẹ wẹ wan sẹ e Daniẹl, kevbe wẹ emwi oro ọkpa irrọ ne a gha sẹtin rhie lẹre ne uẹn.

Daniẹl 1:20

Ẹmwẹkẹmwẹ ne ọba a rhirhi nọ, ra ọlọghọmwa ne ọ rhirhi a gha rrọ, emọ na keghi ya ukhukhu igbe rẹn sẹ avbe ebo edunna kevbe avbe ọbiro ni rre otọe arriọba nii hia.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Daniẹl 2:48

Ọ keghi rhie Daniẹl ye ukpo ne ọ yo, ọ keghi ya emwi nibun hia zẹ ọhẹ ne ẹẹn, ọ mu otọe Babilọn ne ẹẹn gha gbearoghe, ọ keghi ya ẹe ru ọkaolotu avbe iguọbaziro hia.

Daniẹl 4:18

E Nebukiadneza ne, ọba keghi kha wẹẹ, “Imina ne I minaẹn ọnii khin o Bẹtẹsiaza, banbanna nian, tama mwẹ emwi ne a ya ẹe kha. Ọkpa i rrọ ne ọ sẹtin ta ẹe ma mwẹ vbe uwu iran ni gunmwẹ ziro, sokpan wẹ gha sẹtin, rhunmwuda orhiọn avbe ẹbọ nihuanrẹn rre uwu uwẹ.”

Daniẹl 4:5

Sokpan, mẹ keghi mina imina ne ọ mu ohan, I keghi vbe miẹn umian ni kpan ọmwa udu vbe I vbiẹ.

Daniẹl 4:8

Ẹghẹ nii ọ re Daniẹl ghi na rre. (Rẹn ọ re a vbe tie ẹre Bẹtẹsiaza zẹ vbe eni ne a he ẹre re gie ẹbọ mwẹ.) Orhiọn avbe ẹbọ nihuanrẹn rre uwu irẹn. I keghi ta imina ne I minaẹn ma rẹn wẹẹ:

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

I Samuẹl 4:8

Gha ọ gha fan ima vbe obọ avbe ẹbọ ni wegbe na? Avbe ẹbọ ni gbele ivbi Igipt ye uwu ato: