Daniẹl 4:8 - Edo Bible (E Baibol Ẹdo) Version 1996

⁸ Ẹghẹ nii ọ re Daniẹl ghi na rre. (Rẹn ọ re a vbe tie ẹre Bẹtẹsiaza zẹ vbe eni ne a he ẹre re gie ẹbọ mwẹ.) Orhiọn avbe ẹbọ nihuanrẹn rre uwu irẹn. I keghi ta imina ne I minaẹn ma rẹn wẹẹ:

Daniẹl 4:8 ပူးပေါင်းရင်းမြစ်များ

Gẹnẹsis 41:38

Ọ keghi khama iran wẹẹ, “De ehe ne a gha na miẹn ọmwa ọvbehe nẹ ọ maa sẹẹ Josẹf ne ọ mwẹ orhiọn Osanobua.”

Aizaia 46:1

“Ufomwẹ avbe ẹbọ e Babilọn ọ re ọna khin! A te ka gha gho Bẹl kevbe Nebo yi, banbanna nian, te a ghi kun iran yan ekẹtẹkẹtẹ ihẹ Vbe iyeke aranmwẹ ne egbe wọre.

Aizaia 63:11

Sokpan, iran keghi do ye ẹkpo nẹdẹ rre, ẹghẹ e Mosis ne ọguọmwadia e Nọyaẹnmwa, ọ re iran na ghi nọọn wẹẹ, “De ehe ne Nọyaẹnmwa ghi ye yi, ọmwa ne ọ miẹn avbe ọkaolotu emwa irẹn fan vbe obọ okun? De ehe ne Nọyaẹnmwa ghi ye yi ọmwa ne ọ rhie orhiọn irẹn ne Mosis?

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Ezikiẹl 17:23

ye oke ne ọ yo sẹẹ vbe Izrẹl. Ọ gha zẹlẹ abọ, ọ ghi vbe mọ, ọ ghi do khian isida ne mose mose. Ahianmwẹ ughughan gha di evba ya, iran ghi miẹn ehe dia vbe irhu ẹre.

Daniẹl 1:7

Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 2:11

Emwi ne u nọ na Umogun, wegbe sẹrriọ wẹ ọmwa ọkpa ne ọ gha sẹtin ru ẹe nuẹn ẹ i rrọ, sokpan a ma wẹ avbe ẹbọ, sokpan, iran i gu emwa nagbọn di ihọkpa ya.”

Daniẹl 2:26

Ọba keghi tama e Daniẹl (rẹn ọ re a vbe tie ẹre Bẹtẹsiaza) wẹẹ, “U gha sẹtin tama mwẹ imina ne I minaẹn kevbe emwi ne a yae kha ra?”

Daniẹl 3:14

Ọ tama iran wẹẹ, “E Siedrak, e Mesiak kevbe Abẹdnigo, ẹmwata gele nọ ra wẹ wa i gho ẹbọ mwẹ, wa ma vbe ya uhunmwu rhanmwẹ otọ ne amazẹ ne i mẹ maẹn?

Daniẹl 4:18

E Nebukiadneza ne, ọba keghi kha wẹẹ, “Imina ne I minaẹn ọnii khin o Bẹtẹsiaza, banbanna nian, tama mwẹ emwi ne a ya ẹe kha. Ọkpa i rrọ ne ọ sẹtin ta ẹe ma mwẹ vbe uwu iran ni gunmwẹ ziro, sokpan wẹ gha sẹtin, rhunmwuda orhiọn avbe ẹbọ nihuanrẹn rre uwu uwẹ.”

Daniẹl 4:9

Bẹtẹsiaza ne ogiọbo, mẹ rẹnrẹn wẹ orhiọn avbe ẹbọ nihuanrẹn rre uwu uwẹ kevbe wẹ, wẹ rẹn otọ avbe emwi ọkpaodin hia. Ọna ọrọre imina ne I minaẹn, ta emwi ne a yae kha ma mwẹ.

Daniẹl 5:14

I họẹn ighe orhiọn avbe ẹbọ nihuanrẹn guẹ kevbe wẹ u guẹ emwi ẹsẹse, u vbe mwẹ irẹnmwi kevbe ẹwaẹn.