Daniẹl 4:6 - Edo Bible (E Baibol Ẹdo) Version 1996

⁶ I keghi gie ne a tie avbe iguọbaziro ni rre Babilọn hia ne iran do rhan otọ imina ne I minaẹn ma mwẹ.

Daniẹl 4:6 ပူးပေါင်းရင်းမြစ်များ

Ẹksọdọs 7:11

Ẹre ọba na tie avbe umẹwaẹn kevbe ọbo edunna rẹn hia, iran keghi vbe ya ọbo edunna iran ru vberriọ.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”

Daniẹl 1:17

Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Daniẹl 2:2

Ọ keghi rhunmwuda ọnii gie ne a tie avbe ọbiro, ebo edunna, oso kevbe azẹn ne iran gha de do rhan otọ imina nii ma irẹn. Iran ghi rre do mudia ye odaro ọba.

Daniẹl 2:48

Ọ keghi rhie Daniẹl ye ukpo ne ọ yo, ọ keghi ya emwi nibun hia zẹ ọhẹ ne ẹẹn, ọ mu otọe Babilọn ne ẹẹn gha gbearoghe, ọ keghi ya ẹe ru ọkaolotu avbe iguọbaziro hia.

Daniẹl 4:15

Sokpan, wa sẹ ut ukhunmwu ẹnrẹn rae ye otọ ne a ya ọgiọrọ ematọn kevbe oze rro ẹre. Wa sọrae ye uwu irunmwu vbe evba. “‘Wa gie evbu gha tuo yan ọmwa na, wa gie ẹe gha rre uwu ẹbu aranmwẹ oha kevbe irunmwu.

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

Daniẹl 5:7

Ọ keghi datuu wẹ ne a bu avbe ebo edunna yo, avbe azẹn kevbe avbe iwe uki. Iran ghi rre nẹ, ọba tama iran wẹẹ, “Ọmwaikọmwa ne ọ sẹtin tie avbe emwi ne a gbẹnnẹ na, ọ na vbe tama mwẹ emwi ne a ya ẹe kha, a gha yọ ẹre ẹwu ododo ne ọba ya kie ugie, a gha mu igoru urhu ọghe uyi ye ọre urhu, ọ ghi gha re ọzukpogieha vbe otọe arriọba na.”