Daniẹl 4:5 - Edo Bible (E Baibol Ẹdo) Version 1996

⁵ Sokpan, mẹ keghi mina imina ne ọ mu ohan, I keghi vbe miẹn umian ni kpan ọmwa udu vbe I vbiẹ.

Daniẹl 4:5 ပူးပေါင်းရင်းမြစ်များ

Gẹnẹsis 41:1

Ukpo eva ghi gberra nẹ, ọba Igipt keghi mina wẹ, rẹn keghi mudia ye ọkpẹn Ẹzẹ Nail.

Daniẹl 1:7

Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 2:1

Ọ ghi rre ukpo eva ne Nebukiadneza rriọba, ọ keghi mina. Ohan ẹnrẹn muẹn sẹrriọ wẹ ọ ma miẹn ovbe.

Daniẹl 2:3

Ọ tama iran wẹẹ, “Ohan imina ne I minaẹn wa mu mwẹ, I ho ne I rẹn otọ ẹre.”

Daniẹl 4:10

“Ugbẹn vbe I ghi vbiẹ, I keghi miẹn umian okperhan ọkpa vbe adesẹneva agbọn.

Daniẹl 4:13

Ugbẹn vbe I ghi wa mu ẹmwẹ umian na roro, I ghi ya ghe odibosa ọkpa tuorre ke iso dee ke irẹn kevbe aro ẹre ne ọ wa gba emwi hia.

Daniẹl 4:15

Sokpan, wa sẹ ut ukhunmwu ẹnrẹn rae ye otọ ne a ya ọgiọrọ ematọn kevbe oze rro ẹre. Wa sọrae ye uwu irunmwu vbe evba. “‘Wa gie evbu gha tuo yan ọmwa na, wa gie ẹe gha rre uwu ẹbu aranmwẹ oha kevbe irunmwu.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 5:10

Iye ọba keghi họọn owogho ne ọ ke ehe ne ọba kevbe avbe ekhaẹmwẹ ọnrẹn ye rre, ọ keghi la Ọgua ne iran na rrie evbare nii, ọ keghi kha wẹẹ, “U gha tọ u kpẹre Umogun, lahọ ghẹghi fian afianma ne u wa kuagha vbe nian.

Daniẹl 5:11

Arhiọnkpa rre otọe arriọba ruẹ na ne orhiọn avbe ẹrinmwi nihuanrẹn rre uwu ẹre. Ẹghẹ ne erha a na gha rre agbọn, okpia na wa rhie ma ighe rẹn mwẹ ẹwaẹn, irẹnmwi kevbe ẹdẹ ne ọ gbe vbe ẹko, zẹ vbene avbe ẹbọ ye. Erha a ighe Nebukiadneza ne ọba keghi maa ẹre ọkaolotu avbe ọbiro, ebo edunna, avbe azẹn keghi avbe iweuki.

Daniẹl 7:1

Vbe ukpo ne okaro ne Bẹlsiaza rriọba e Babilọn, I minaẹn, I keghi miẹn umian vbe asọn. I gbẹn imina nii yotọ, vbene I miẹn ọẹn.

Daniẹl 7:28

Ọna ọrọre ufomwẹ emwi ne I gbẹnnẹ yotọ. Ohan mu mwẹ sẹrriọ wẹ, I na wa luẹluẹ, I ma vbe tama ọmwarhọkpa.