Daniẹl 4:4 - Edo Bible (E Baibol Ẹdo) Version 1996

⁴ “Mẹ keghi wa gha rre ẹguae mwẹ vbene ẹkun na sẹ mwẹ otọ. I keghi miẹn ya gha ru ọwọrhọwọrhọ.

Daniẹl 4:4 ပူးပေါင်းရင်းမြစ်များ

Aizaia 56:12

‘Wa rhie ayọn rre, ne a da ehia ne ọ sẹ ima obọ! Ẹdẹ nakhuẹ gha maa sẹ ẹdẹnẹrẹ na!’ ”

Jerimaia 48:11

E Nọyaẹnmwa khare wẹẹ, “Te ẹkun wa sẹ e Moab otọ ẹdẹ, a ma he vbe viọ iran yo iwe ẹdẹ. Te Moab ye vbe ayọn ne a gie ẹe de hẹnhẹn vbe ne a ma na kpokpo ẹe, a ma vbe ruẹn ọnrẹn ke uru okpa ye ọvbehe. A ma he rhia uwinhinmwẹ ọnrẹn uan, Ọ ke wa ye rhiẹnrhiẹn vbene ọ ye ẹdẹ.

Ezikiẹl 28:17

U kegha ya ne u na mose ni ghagha, otiti ruẹ keghi ya a gha yin uyinmwẹ akpa. Rhunmwuda ọnii, I keghi rrua ruẹ guọghọ ua, ne u miẹn ehe na gha re ne avbe ọba nekpa miẹn wan.

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Daniẹl 2:11

Emwi ne u nọ na Umogun, wegbe sẹrriọ wẹ ọmwa ọkpa ne ọ gha sẹtin ru ẹe nuẹn ẹ i rrọ, sokpan a ma wẹ avbe ẹbọ, sokpan, iran i gu emwa nagbọn di ihọkpa ya.”

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 5:8

Avbe iguọbaziro na keghi rre, sokpan a ma miẹn ọkpa ne ọ sẹtin tie emwi ne a gbẹnnẹ nii ra ne ọ vbe tama ọba emwi ne a ya ẹe kha.

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’