Daniẹl 4:35 - Edo Bible (E Baibol Ẹdo) Version 1996

³⁵ Te irẹn ghe emwi ni rre agbọn na zẹ vbe emwi kẹkan avbe odibosa ni rre ẹrinmwi avbe emwa ni rre agbọn ototọ asẹ ọre ọ re ehia ye. Ọmwa i sẹtin gbodan ye iho ẹre ra ne a nọ rẹn wẹ vbe ọ ru na.’

Daniẹl 4:35 ပူးပေါင်းရင်းမြစ်များ

Job 23:13

“Rẹn i fi werriẹ, a i miẹn ne ọ sẹtin gu ẹe vẹn. Ra ne ọ da ẹre obọ emwi ne ọ ho ne ọ ru yi.

Job 34:29

Osanobua gha kha ighẹ rẹn i zẹdẹ guan yọ, ọmwa ne ọ ra nọ rẹn ẹ i rrọọ. Ọ gha rhie aro ẹre lẹre, ọghe emwa nagbọn fo.

Job 42:2

“Nọyaẹnmwa mẹ rẹnrẹn wẹ u mwẹ ẹtin hia, u vbe sẹtin ru emwikemwi ne u ho.

Job 9:4

Osanobua wan ẹsẹse, ọ vbe mwẹ ẹtin, ọmwa ne ọ gha sẹtin mu aro da ẹre irrọ.

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Psalm 135:6

Emwi ne ọ khọn rẹn ọre ọ ru, vbe ẹrinmwi kevbe agbọn, vbe uwu okun kevbe avbe odin ni rre ototọ ẹre.

Psalm 33:14

Ehe ne ọ na khaemwisẹ ọ re ọ ke ghe otọe ghe emwa hia ni rre agbọn.

Psalm 39:5

A miẹn vbene u ru ẹdẹ agbọn mwẹ kanmwa hẹ! Ẹdagbọn mwẹ i zẹdẹ mwẹ esa vba aro ruẹ. Vbẹmwata ọmwa nagbọn ma vbe sẹẹ, ẹhoho ne ọ rhie gberra khian.

Psalm 49:1

Dọmwadẹ ọghọe, danmwehọ ẹmwẹ na emwa hia ni rre ehe hia wa danmwehọ.

Itan 21:30

Ẹwaẹn ọmwa nagbọn, aguẹmwẹ, a ghe umian emwi sotọ, ena rhọkpa imwẹ asa ne iran ye adeghẹ e Nọyaẹnmwa mu aro da ọmwa.

Asan-Ibo 8:4

Asẹ ọ re ọba ya ru emwi, a i vbe miẹn ne ọ nọ rẹn wẹ vbe u a ru na.

Aizaia 19:17

Afianma e Juda ghi gha fian ivbi Igipt vbe ẹghẹikẹghẹ ne a ya ye iran emwi ne Nọyaẹnmwa ghae khẹ iran.

Aizaia 26:9

Vbe asọn, I ya ekhọe gualọ uwẹ khian; wẹ gha bu ohiẹn agbọn kevbe emwa ni rrọọ iran gha rẹn emwi ne a ya ohiẹn ẹmwata kha.

Aizaia 43:13

Mẹ ọrọre Osanobua, ọnii ọ re I ra gha khin ẹdẹ. Ọmwa ne ọ gha sẹtin fie emwi ne imẹ ru nẹ werriẹ i rrọọ.”

Daniẹl 6:27

Ọ miẹn ọmwa fan, ọ vbe fan ọmwa ye otọ ọ ru emwi vbe ẹrinmwi kevbe agbọn. Ọ miẹn Daniẹl fan ọ ma gie avbe oduma gbe ẹe re.”

Jona 1:14

Iran keghi rhunmwuda ọnii tu tie Nọyaẹnmwa wẹẹ, “E Nọyaẹnmwa, ma rinmwian an, ghẹ gbele ima an ba ẹmwẹ ne ima ra na gbe okpia na an. Wẹ ne Nọyaẹnmwa ọre ọ si emwi na hia; wẹ ọre ọ ru ẹe.”

Iwinna 11:17

Aro da ẹe wẹ te Osanobua vbe rhie ne iran ne ẹ i re Ju na, egbe ọhẹ ne ọ rhie ne ima vbe ẹghẹ ne ima na ya Nọyaẹnmwa Jesu Kristi yi, gha ọre imẹ khekherriọ ne I gha na da Osanobua obọ yi.”

Iwinna 4:28

Iran si egbe koko, ne iran ru avbe emwi ni ne uwẹ ya ẹtin ruẹn kevbe iho ọwuẹ ta ye otọ nẹ wẹẹ, ọ gha sunu.

Iwinna 5:39

Sokpan, ọ gha re emwi ne ọ ke obọ Osanobua rre nọ, obọ uwa i sẹtin ke okhunmwu ne iran. Ne a ghẹ miẹn wẹ, te uwa ghi mu aro igbinna da Osanobua.” Iko ni keghi wa rhie ude ne Gamaliẹl buru.

Iwinna 9:5

Rẹn keghi nọọn wẹ, “Gha nọ yi Nọyaẹnmwa?” Urhu nii keghi wanniẹn wẹẹ, “Mẹ ne Jesu ne u zọ ẹre owẹ nọ.

I Kọrinti 10:22

Ra te uwa ra ya Nọyaẹnmwa khian ne oya ọmwa da? Wa yayi ighẹ ma wo vbe egbe sẹ ọre ra?

I Kọrinti 2:16

Zẹ vbene ebe kha re: “De ọmwa ne ọ rẹn emwi ne ọ rre Nọyaẹnmwa ekhọe? Gha ọ gha sẹtin bu ẹre ude?” Vbene ọ rhirhi gha ye hẹ, ekhọe Kristi ọre ima mwẹ.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Jọsua 2:2

Ọba Jẹriko keghi họn ẹmwẹ na wẹ ivbi Izrẹl eso rri ẹvbo na nasọn ne iran do ba otọe na ghe.

I Samuẹl 3:18

Ẹre Samuẹl na talọ emwi hia ma rẹn, ọ ma vbe ke ya vbọ hiehie. Elai keghi wanniẹn wẹẹ, “Rẹn ọrọre Nọyaẹnmwa, emwikemwi ne ọ kei sẹ vbe aro ẹre ọ re ọ ra ru.”