Daniẹl 4:34 - Edo Bible (E Baibol Ẹdo) Version 1996

³⁴ Ọba keghi kha wẹẹ, “Ugbẹn vbe ukpo ihinrọn nii ghi ghaa nẹ, I keghi tọn aro mu ghe iso, ẹrherhe mwẹ keghi gba vbe uhunmwu. I keghi rho Osanobua ne ọ Sẹehia, I keghi rhie ọghọ kevbe uyi ne irẹn nii ne ọ rrọ ẹdẹdẹmwẹdẹ. “ ‘Rẹn gha rriọba ẹdẹdẹmwẹdẹ otọe arriọba ẹre gha rrọ etẹbitẹghori.

Daniẹl 4:34 ပူးပေါင်းရင်းမြစ်များ

II Samuẹl 22:31

U miẹn vbe emwi ne Osanobua na ru gba ẹe hẹ. U miẹn vbe ẹmwẹ ọnrẹn gia mu ẹtin yan hẹ! Te irẹn yevbe asa, ne iran ne ọ wẹ ne ọ degue iran.

I Krọnikol 29:10

Vbe odaro emwa ni si koko vbe evba nii hia, e Devid keghi rho Osanobua, ọ na wẹẹ, “E Nọyaẹnmwa ne Osanobua ọghe Jekọb ne erha mwa odede, te a gha rho ruẹ ẹdẹ kevbe ẹdẹdẹmwẹdẹ!

I Krọnikol 29:13

Banbanna nian, Osanobua mwa, ma rhie ekpọnmwẹ ne uẹn, ma kevbe rho eni ruẹn ne ọ mwẹ uyi.

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Psalm 10:16

E Nọyaẹnmwa ọrọre ọba ẹdẹ kevbe ẹdẹdẹmwẹdẹ. A gha ho iran ni ga ẹbọ bẹkun, vbe otọ Osanobua

Psalm 102:24

Osanobua, ghẹ rhie mwẹ kpao ẹghẹ na, vbe ẹ i re te I khian ọmaẹn nẹ. O Nọyaẹnmwa, wẹ rrọ ẹdẹdẹmwẹdẹ.

Psalm 107:15

Ọ kere ne iran rho e Nọyaẹnmwa, ye aho ẹmwẹ ọmwa rẹn ne ẹ i beghe, kevbe emwi ọyunnuan ne ọ ru ne iran.

Psalm 107:22

Ọ kere ne iran zọ ese ya kpọnmwẹ ọẹn ne iran vbe ye ihuan oghọghọ, ta iwinna ne ọ winnaẹn hia.

Psalm 107:31

Ọ kere ne iran kpọnmwẹ e Nọyaẹnmwa ye aho ẹmwẹ ọmwa rẹn ne ẹ i beghe kevbe emwi ọyunnuan ne ọ ru ne iran.

Psalm 107:8

Ọ kere ne iran rho e Nọyaẹnmwa ye aho ẹmwẹ ọmwa rẹn ne ẹ i beghe kevbe emwi ọyunnuan ne ọ ru ne iran.

Psalm 111:7

Ọmwata kevbe ne ọ ta uhunmwu ẹmwẹ rẹn khin vbe emwi ne ọ ru hia; ẹmwẹ ne ọ ta hia gia mu ẹtin yan;

Psalm 121:1

Me gha tọn aro mu ghe avbe oke nii. De ehe ne iyobọ mwẹ gha ke rre?

Psalm 123:1

Nọyaẹnmwa, wẹ ọ re imẹ ye aro kọ mẹ rhie aro ye odẹ da ẹrinmwi ne u na khaemwisẹ.

Psalm 145:13

Te uwẹ khaemwisẹ ẹdẹdẹmwẹdẹ, ọba etẹbitẹ ọ re uwẹ khin, te Nọyaẹnmwa wa ru zẹ vbene ọ yanrẹn, emwi ne irẹn ru hia ọ re ọ wa maa.

Psalm 146:10

E Nọyaẹnmwa, ọba nọ ẹdẹdẹmwẹdẹ, e Zaiọn, Osanobua ruẹ gha rre asẹ ẹdẹdẹmwẹdẹ. Wa rho e Nọyaẹnmwa!

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Psalm 66:7

Ẹtin ẹnrẹn ọ re ọ ya khaemwisẹ, rhinrin ẹdẹ. Ọ rhie aro ye otọ vbe egbe avbe agbọn ẹvbo wa ghẹ gie avbe etẹ sọtẹ ọre.

Psalm 7:17

I kpọnmwẹ e Nọyaẹnmwa ye ohiẹn ẹmwata ne ọ bu. I so ihuan urhomwẹ ghe Nọyaẹnmwa, ne ọ re Ne ọ yo sẹẹ Ehia.

Psalm 9:2

I gha ya oghọghọ so ihuan rhunmwuda ruẹ. I gha so ihuan urhomwẹ ghe ruẹ Osanobua ne Udazi.

Psalm 92:1

U miẹn vbene ọ maa hẹ ne a rhie ekpọnmwẹ ne uẹn Nọyaẹnmwa ne a so ihuan uyi ruẹ, Osanobua ne ọ yo sẹẹ Ehia.

Aizaia 13:11

E Nọyaẹnmwa khare wẹẹ, “I gha fian ọfuan fi otọ agbọn, I ghi vbe rria avbe emwa dan hia ikhi ye orukhọ iran. I gha vbokho iran hia uhunmwu rri otọ ighe avbe iran ni tọn egbe mu. I gha rria iran ikhi ighe iran ni hio kevbe emwa dan.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 24:15

Iran ni rre odẹ ahọ gha rho ẹre. Avbe emwa ni yin lele ọkpẹn okun gha rho e Nọyaẹnmwa ne Osanobua Izrẹl.

Jerimaia 10:10

Sokpan wẹ ne Nọyaẹnmwa ọrọre Osanobua vbe ẹmwata, wẹ ọrọre Osanobua ne ọ rrọọ, ọba etẹbitẹ. Ohu gha mu uwẹ, agbọn hia ghi mu rueghe, egbe avbe uhunmwu ẹvbo i sẹtin rrọ ohu ruẹ.

Eve Orriara 3:38

Ke ne ọ maa, kevbe ne ọ khọ, ọ gha gie ọkpa, ọ re a na ru ẹe.

Daniẹl 12:7

Odibosa nii keghi viọ obọ da iso, ọ keghi ye eni Osanobua etẹbitẹ yan. I keghi họn vbe ọ khare wẹẹ, “Ukpo eha vbe ukhiọnmwẹ khian gha nọ. Emwi na hia gha sunu fo nẹ a ke dobọ emwa Osanobua ne a zẹ kpokpo yi.”

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Daniẹl 4:2

Wa danmwehọ iyẹn ọghe ama kevbe iwinna ọyunnuan ne Osanobua ne ọ Sẹehia rhie ma mwẹ.

Daniẹl 4:26

“Odibosa nii wẹ ne a sẹ ut ukhunmwu ẹnrẹn rae yotọ, ọnii rhie ma wẹ u gha ye do gha rre ọba vbe u gha ghi miẹnkue nẹ wẹ Osanobua ọ re ọ kha yan agbọn na hia.

Daniẹl 4:3

“ ‘U miẹn vbe ọyunnuan ne Osanobua rhie ma mwa kpọlọ hẹ! U miẹn vbe avbe iwinna ọyunnuan rẹn ne ọ winna kọnkọn hẹ! Osanobua ọ re ọ khian gha re ọba ẹdẹdẹmwẹdẹ ọ gha rre asẹ ẹdẹ kevbe ẹdẹdẹmwẹdẹ.’

Daniẹl 4:32

A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Daniẹl 4:36

“Ẹrherhe mwẹ ghi gba nẹ vbe uhunmwu mwẹ, ẹtin ọba ne I mwẹ kevbe uyi ọghe arriọba mwẹ, a keghi dọlegbe viọ ehia mẹ. Avbe ekhaẹmwẹ mwẹ kevbe avbe enigie mwẹ keghi rhaan obọ miẹn mwẹ, a keghi dọlegbe mu ẹtin ọba mwẹ mẹ, ke ẹe kevbe uyi ne ọ kpọlọ sẹẹ ne ọ te ka rrọ yi.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Daniẹl 7:14

A keghi rhie asẹ, uyi, kevbe ẹtin ọba nẹẹn, ne emwa uhunmwu ẹvbo hia, emwa, kevbe ẹvbo ne a zẹ, miẹn ehe na gha kpe gae. Asẹ ọre ghi gha rrọ rhinrin ẹdẹ, arriọba ẹre i vbe mwẹ ufomwẹ.

Daniẹl 7:27

A gha mu ẹtin kevbe ukpọlọmwẹ ọghe avbe otọe arriọba agbọn hia ne emwa Osanobua ne ọ Sẹehia. Ẹtin ọba ne iran mwẹ i vbe fo ẹdẹ. Avbe iran ni khaemwisẹ vbe otọ agbọn hia gha ga, iran ghi vbe gha họn ẹmwẹ iran.”

Daniẹl 9:14

Wẹ ne Nọyaẹnmwa Osanobua mwa wa mu egbe ne u ya rri ima oya, u keghi ru ẹe vberriọ rhunmwuda, emwi ne ọ gbae ọ re uwẹ ru vbe ẹghẹ hia kevbe wẹ, ma ma danmwehọ ruẹ.

Jona 1:14

Iran keghi rhunmwuda ọnii tu tie Nọyaẹnmwa wẹẹ, “E Nọyaẹnmwa, ma rinmwian an, ghẹ gbele ima an ba ẹmwẹ ne ima ra na gbe okpia na an. Wẹ ne Nọyaẹnmwa ọre ọ si emwi na hia; wẹ ọre ọ ru ẹe.”

Maika 4:7

A kun iran use, iran vbe khian rrei vbe owa, sokpan, I gha ya iran ni ghi ke ẹe mu omuhẹn ọvbehe, iran gha vbe do khian okpẹvbo nọkhua. Mẹ ghi gha ke oke Zaiọn khaemwisẹ yan iran ke ẹghẹ nii kpao kevbe rhinrin ẹdẹdẹmwẹdẹ.”

Iyẹn ne ọ Maan Ọghe Luk 1:33

Rẹn gha rriọba yan ivbi e Jekọb ẹdẹdẹmwẹdẹ, arriọba ẹre ẹ i ra mwẹ ufomwẹ.”

Iyẹn ne ọ Maan Ọghe Luk 18:13

Ne ọ koko igho uhunmwu na ya mudia vbe urria, ohan ma gi ẹe tọn aro mu ghe odukhunmwu, sokpan ọ keghi gba obọ ginna ẹwẹe, ọ wẹẹ, ‘Osanobua tohan mwẹ, mẹ ne ọmwa orukhọ.’ ”

Iyẹn ne ọ Maan Ọghe Jọn 5:26

Zẹ vbene Erha tobọ ẹre re isi ehe ne arrọọ ke rre, erriọ zẹ ọre ọ vbe ya Ovbi ẹre ru isi ehe ne arrọọ ke rre.

Diuteronomi 32:4

“E Nọyaẹnmwa ọrọre ne ọ khọn ne uẹn nọ wegbe, nọgbae kevbe ẹmwata vbe odẹ ọ re hia; ọmwata kevbe ne ọ ta uhunmwu ẹmwẹ ẹre Osanobua rua khin; emwi ne ọ kere kene ọ maa ọ re ọ ru.

I Timoti 1:17

Ọba etẹbitẹ, ne ẹ i wu ẹde, kevbe ne a i bẹghe, ne irẹn ọkpa re Osanobua, ọre ọghọ kevbe uyi gha rrọọ na, ẹdẹ kevbe ẹdẹdẹmwẹdẹ. Isẹ.

I Timoti 6:16

Rẹn ọkpa kẹkan ọre ne ẹ i wu ẹdẹ, ne ọ rre uwu uwanmwẹ ne ẹ i gie a ghe. Ọmwa ne ọmwa ọkpa ma he ye aro kan, kevbe ne ọmwaikọmwa i sẹtin miẹn ọre aro, ọghọe ọre uyi khin deba ẹtin etẹbitẹ. Isẹ.

Arhie Maan 10:6

Ọ keghi ya eni Osanobua yan, ọmwa ne ọ rrọọ ẹdẹ kevbe ẹdẹdẹmwẹdẹ, ọmwa ne ọ yi ẹrinmwi kevbe emwi hia ni rre uwu ẹre, agbọn kevbe emwi hia ni rre uwu ẹre, okun kevbe emwi hia ni rre uwu ẹre. Odibosa nii keghi kha wẹẹ, “A i ghi si ẹe kpẹe vbe otọ ọvbehe.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 4:10

avbe ediọn enẹyanugie nii ghi dele gbe otọ vbe odaro ọmwa ne ọ tota vbe ẹkete nii, iran ghi ya uhunmwu rhanmwẹ otọ ne ọmwa ne ọ rrọọ ẹdẹ kevbe ẹdẹdẹmwẹdẹ. Iran ghi filo ẹde iran ku odaro ẹkete nii, iran ghi wẹẹ:

Arhie Maan 4:9

Ẹghẹ hia ne emwi ne a yi ni ma wu nii ya so ihuan uyi kevbe ọghọ kevbe ekpọnmwẹ ghe ọmwa ne ọ tota vbe ẹkete nii,