Daniẹl 4:33 - Edo Bible (E Baibol Ẹdo) Version 1996

³³ Ẹmwẹ nii keghi wa sẹẹ vbe ọwarọkpa nii. A keghi khu e Nebukiadneza hin uwu ẹbu emwa nagbọn rre, ọ kegha rrii irunmwu zẹ vbe ẹmila, evbu kegha rhuẹ yan rẹn, eto ẹre keghi sọn, ọ vba ifuẹn oghohọn vbe utanmwẹ, ihiẹn ọnrẹn keghi ye vbe ọghe avbe ahianmwẹ.

Daniẹl 4:33 ပူးပေါင်းရင်းမြစ်များ

Job 20:5

a ma he miẹn ọmwa dan ọkpa ne egbe rọkhọe kpee vbotọ.

Aizaia 30:14

Wa gha rẹnkhẹn uan vbe akhe obuẹ, wa gha rẹnkhẹn uan sẹrriọ wẹ ai miẹn ne a gha ya gha wan erhẹn vbọ ra ne a gha ya gha balọ amẹ vbe uhae vbọ.”

Daniẹl 4:25

A gha khu uwẹ fua hin uwu ẹbu emwa nagbọn rre, u gha ya deba avbe aranmwẹ oha gha rrọọ. U gha rri irunmwu zẹ vbe ẹmila la ukpo ihinrọn, u ghi gha vbiẹ adesẹ ore ehe ne evbu gha na gha tuo yan ruẹn. Ẹghẹ nii, u ghi do miẹnkue wẹ Osanobua ne ọ Sẹehia ọ re ọ khaemwisẹ yan arriọba agbọn na hia kevbe wẹ ọ sẹtin munọ iran ne ọmwa ne ọ rhirhi khọn rẹn.

Daniẹl 4:32

A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Daniẹl 5:5

Vbe udomwurri, obọ ọkpa keghi ladian, ọ keghi gha gbẹnnẹ emwi ye egbekẹn ẹguae ne a wiẹn rẹn nii, ehe ne a vbe ukpa ne a rhu lele enii na kakabọ baa ẹse. Ọba keghi vbe bẹghe vbe obọ nii gbẹnnẹ emwi.

I Tẹsalonaika 5:2

Rhunmwuda, wa tobọ uwa rẹnrẹn wẹ, zẹ vbene oyi rre vbe asọn ọre Ẹdẹ Nọyaẹnmwa khian rre.