Daniẹl 4:32 - Edo Bible (E Baibol Ẹdo) Version 1996

³² A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Daniẹl 4:32 ပူးပေါင်းရင်းမြစ်များ

II Krọnikol 33:13

E Nọyaẹnmwa keghi rhan obọ miẹn erhunmwu e Manasẹ, ọ keghi rhie ewanniẹn ne ẹẹn, ọ keghi gie ẹe werriegbe gha rrie Jerusalẹm ne ọ vbe ya gha re ọba. Ọ na ọ ghi ya e Manasẹ rẹn wẹ e Nọyaẹnmwa ọrọre Osanobua.

Job 42:2

“Nọyaẹnmwa mẹ rẹnrẹn wẹ u mwẹ ẹtin hia, u vbe sẹtin ru emwikemwi ne u ho.

Job 9:12

Ọ ghi gha rhie emwi ne ọ khọn rẹn, ọmwa ne ọ wẹ ẹre dobọyi i rrọọ. Ọmwa ne ohan giẹe nọ rẹn wẹ, “Vbe u a ru yi?” ẹ i rrọọ.

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Psalm 135:6

Emwi ne ọ khọn rẹn ọre ọ ru, vbe ẹrinmwi kevbe agbọn, vbe uwu okun kevbe avbe odin ni rre ototọ ẹre.

Ẹksọdọs 8:10

Ọba keghi tama rẹn wẹẹ, “Na erhunmwu mẹ akhuẹ.” E Mosis na kha wẹẹ, “Ọ gha wa sẹ, vbene u khare ne u miẹn ehe na rẹn wẹ ẹbọ ọkpa irrọ ne ọ ye vbe Nọyaẹnmwa ne Osanobua mwa.

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Ẹksọdọs 9:29

E Mosis keghi tama rẹn wẹẹ, “I gha wa da lahin adesẹ ore ẹvbo rre, I gha niẹn obọ ghe ehe ne Nọyaẹnmwa ye. Avan ne ukhumwu gha da obọ yi ayan i ghi ra vbe gha rrọọ ọvbehe, ne uwa miẹn ehe na rẹn ighẹ Nọyaẹnmwa ọre ọ yan agbọn na.

Aizaia 37:20

Banbanna nian, e Nọyaẹnmwa Osanobua mwa, miẹn mwa fan vbe obọ ivbi Asiria, ne uhunmwu ẹvbo ni rre otọ agbọn hia miẹn ehe na rẹn ighẹ wẹ okpa ọrọre Osanobua.”

Aizaia 40:15

Uhunmwu ẹvbo hia ma sẹ emwi rhọkpa vbe odaro e Nọyaẹnmwa, iran ma gberra ikpẹ amẹ ọkpa, te avbe otọe ne amẹ lẹga ni rre urria ye hogha zẹ vbe ikpekhae ọkpa.

Aizaia 40:17

Avbe uhunmwu ẹvbo ma sẹ emwi vbe aro ẹre.

Aizaia 45:3

I gha viọ emwi ighobioye guẹ kevbe avbe ẹkhokho ni so ebiebi rre, ẹghẹ nii ọ re u gha na rẹn wẹ mẹ ọrọre Nọyaẹnmwa. Kevbe wẹ Osanobua ọghe Izrẹl ọ re ọ so eni ruẹn ya tie ruẹ.

Jerimaia 27:5

“Ẹtin kevbe iwegbe mwẹ nọkhua ọ re I ya yii agbọn na, emwa nagbọn kevbe avbe aranmwẹ oha ni rre agbọn, I keghi vbe mu ẹẹn ne ọmwaikọmwa ne ọ yẹ mwẹ.

Daniẹl 2:21

Rẹn ọ re ọ kha yan ẹghẹ kevbe ukpo; rẹn ọ re ọ ma ọba, rẹn ọ vbe ya iran owẹ yotọ, rẹn ọ re ọ rhie ẹwaẹn kevbe irẹnmwi ne ọmwa.

Daniẹl 4:31

Ọ ma he guan avbe ẹmwẹ na fo vbe unu, vbe urhu ọkpa ke ẹrinmwi rre wẹẹ, “E Nebukiadneza ne ọba, danmwehọ mwẹ! A miẹn ruẹn ẹtin ọba ne u te mwẹ.

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Jọsua 4:24

Rhunmwuda ọnọna, emwa hia ni rre agbọn na gha rẹn ẹtin ọghe Nọyaẹnmwa, wa ghi vbe gha ya ọghọ ne Nọyaẹnmwa Osanobua uwa ẹdẹdẹmwẹdẹ.”