Daniẹl 4:26 - Edo Bible (E Baibol Ẹdo) Version 1996

²⁶ “Odibosa nii wẹ ne a sẹ ut ukhunmwu ẹnrẹn rae yotọ, ọnii rhie ma wẹ u gha ye do gha rre ọba vbe u gha ghi miẹnkue nẹ wẹ Osanobua ọ re ọ kha yan agbọn na hia.

Daniẹl 4:26 ပူးပေါင်းရင်းမြစ်များ

Daniẹl 2:18

Ọ na tama iran wẹ ne iran na erhunmwu ghe ọba ẹrinmwi ne ọ tohan iran, ne ọ vbe rhan otọ oro nii ma iran, ne a ghẹ miẹn ehe na gbele iran an ba avbe iguọbaziro nekpa vbe Babilọn.

Daniẹl 2:19

Vbe Asọn nii zẹẹ, a keghi ta imina nii ma e Daniẹl vbe aro umian, rẹn keghi rho Osanobua ẹrinmwi:

Daniẹl 2:37

U gha tọ u kpẹre, Umogun, wẹ ọrọre ne ọ ghi kpọlọsẹ vbe uwu avbe ọha hia. Osanobua ne ọ rre ẹrinmwi ọ re ọ ma uwẹ ọgbaisi, ọ keghi rhie ẹtin kevbe iwegbe kevbe uyi nuẹn.

Daniẹl 4:15

Sokpan, wa sẹ ut ukhunmwu ẹnrẹn rae ye otọ ne a ya ọgiọrọ ematọn kevbe oze rro ẹre. Wa sọrae ye uwu irunmwu vbe evba. “‘Wa gie evbu gha tuo yan ọmwa na, wa gie ẹe gha rre uwu ẹbu aranmwẹ oha kevbe irunmwu.

Daniẹl 4:23

Ẹghẹ ne u na gha ghe ẹre Umogun, odibosa ọkpa keghi ke ẹrinmwi tuorre rre, ọ na do kha wẹẹ, ‘Wa tọn erhan nii gbotọ ne a fuẹn ọnrẹn uan, sokpan wa sẹ ut ukhunmwu ẹnrẹn rae yotọ. Ya ọgiọrọ ematọn kevbe oze gbalọ ẹe, ne uwa sẹ ọe rae ye uwu irunmwu vbe oha vbe evba. Wa gie evbu gha tuo yan okpia na, ne ọ gu avbe aranmwẹ oha gha rre evba vbe ukpo ihinrọn gbalaka.’

Daniẹl 4:31

Ọ ma he guan avbe ẹmwẹ na fo vbe unu, vbe urhu ọkpa ke ẹrinmwi rre wẹẹ, “E Nebukiadneza ne ọba, danmwehọ mwẹ! A miẹn ruẹn ẹtin ọba ne u te mwẹ.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Daniẹl 5:20

Sokpan, ugbẹn vbe ọ ghi do ze vbudu, ọ na gha hioo, ọ na do gha ru emwi dan, a keghi sii ẹe hin ẹkete ẹre rre, uyi ne ọ rre ọre egbe keghi wii.

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Matiu 21:20

Unu keghi yan avbe erhuanegbe vbe iran miẹn emwi na. Iran nọ rẹn wẹẹ, “Vbọzẹ ne erhan ohọ ni na wa kaka ọwarọkpa vberriọ yi?”

Matiu 5:34

Sokpan mẹ tama uwa nian, ghẹ vin ihen hiehiere. Ghẹ ya ẹrinmwi vin ihen rhunmwuda ẹkete Osanobua nọ.

Iyẹn ne ọ Maan Ọghe Luk 15:18

I ra do bu erha mwẹ gha khian ne I ya tama rẹn wẹẹ, Evbavba, I rukhọ ghe Osanobua kevbe uwẹ nẹ.

Iyẹn ne ọ Maan Ọghe Luk 15:21

Ovbi ẹre keghi tama rẹn wẹẹ, ‘Evbavba, I rukhọ ghe Osanobua kevbe uwẹ nẹ, I ma kei ne a gha ye gha tie ẹre ovbi uẹ ọvbehe.’