Daniẹl 4:18 - Edo Bible (E Baibol Ẹdo) Version 1996

¹⁸ E Nebukiadneza ne, ọba keghi kha wẹẹ, “Imina ne I minaẹn ọnii khin o Bẹtẹsiaza, banbanna nian, tama mwẹ emwi ne a ya ẹe kha. Ọkpa i rrọ ne ọ sẹtin ta ẹe ma mwẹ vbe uwu iran ni gunmwẹ ziro, sokpan wẹ gha sẹtin, rhunmwuda orhiọn avbe ẹbọ nihuanrẹn rre uwu uwẹ.”

Daniẹl 4:18 ပူးပေါင်းရင်းမြစ်များ

Gẹnẹsis 40:12

E Josẹf keghi kha wẹẹ, “Emwi ne a yae kha ọre ọ na khin: abọ eha nii, ikpẹdẹ eha nọ.

Gẹnẹsis 41:15

Ọba keghi tama e Josẹf wẹẹ, “I minaẹn, I ma miẹn ọmwa ne ọ sẹtin rhan otọ ẹre ma mwẹ. A khama mwẹ wẹ u gha họn vbene a mina hẹ, u sẹtin rhan otọ ẹre.”

Gẹnẹsis 41:8

Owiẹ ghi rre, ekhọe ẹre hia keghi rhia, ẹre ọ na gie ne a tie avbe ọbo edunna kevbe umẹwaẹn ni rre Igipt hia. Ọ keghi ta imina rẹn ma iran, sokpan a ma miẹn ne ọ sẹtin rhan otọ ẹre na ẹn.

Aizaia 19:3

I gha rhia uma ne ivbi Igipt si, I ghi vbe duẹ ẹtin ne ọ te rre iran iwu rua. Iran gha rinmwian wẹ ne amazẹ iran yi iran obọ, iran gha vbe yo ya gha gualotọ emwi vbe obọ iran ni miẹn aro, iran ghi vbe gha nọ ibude vbe obọ orhiọn emwa ni wulo nẹ.

Daniẹl 1:20

Ẹmwẹkẹmwẹ ne ọba a rhirhi nọ, ra ọlọghọmwa ne ọ rhirhi a gha rrọ, emọ na keghi ya ukhukhu igbe rẹn sẹ avbe ebo edunna kevbe avbe ọbiro ni rre otọe arriọba nii hia.

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Daniẹl 2:7

Iran keghi dọlegbe zẹ wanniẹn ọba wẹẹ, “Adeghẹ u ta imina ni ma ima Umogun, ma gha rhan otọ emwi ne a yae kha ma ruẹn.”

Daniẹl 5:15

A viọ avbe iran ni gu ọmwa zẹ iro gha dee ne iran do tie emwi ne a gbẹnnẹ na kevbe ne iran vbe ta emwi ne a ya ẹe kha, sokpan, iran ma rẹn emwi ne a ya ẹe kha.

Daniẹl 5:8

Avbe iguọbaziro na keghi rre, sokpan a ma miẹn ọkpa ne ọ sẹtin tie emwi ne a gbẹnnẹ nii ra ne ọ vbe tama ọba emwi ne a ya ẹe kha.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.