Daniẹl 4:14 - Edo Bible (E Baibol Ẹdo) Version 1996

¹⁴ Ọ keghi ya urhu ne ọ la datu wẹẹ, ‘Wa tọn erhan nii gbotọ ne uwa giagia ẹre abọ kua, wa khuọn ẹre ebe kua ne uwa duẹ avbe ọmọ rẹn kua. Wa khulo avbe aranmwẹ nii hin ototọ ẹre rre kevbe avbe ahianmwẹ nii hin abọ ẹre rre.

Daniẹl 4:14 ပူးပေါင်းရင်းမြစ်များ

Job 24:20

Uhin ighẹ iye ẹe ma ghi ye ẹre rre nian, ọkhọe rriọ rua, ọ kẹkẹ ua vbe erhan ne ọ de.

Jerimaia 27:5

“Ẹtin kevbe iwegbe mwẹ nọkhua ọ re I ya yii agbọn na, emwa nagbọn kevbe avbe aranmwẹ oha ni rre agbọn, I keghi vbe mu ẹẹn ne ọmwaikọmwa ne ọ yẹ mwẹ.

Jerimaia 51:6

Wa lẹ ladian vbe Babilọn! Wa lẹ rhie uhunmwu hin ẹbe rre! Wa ghẹ gie a gbele uwa ye orukhọ e Babilọn. Te imẹ rria ẹre ikhi na, I ra vbe rri ọre oya ne ọ ma ẹẹn.

Jerimaia 51:9

Avbe orhunmwuyẹn ni rre evba khare wẹẹ, ‘Ma te ra ye Babilọn obọ, sokpan, ẹghẹ la nẹ. Wa gie ima kpao nian ne a gha rrie owa. Osanobua ya ẹtin ẹnrẹn hia rrii e Babilọn oya, ọ vbe fuẹn ọnrẹn uan fẹẹrẹ.’ ”

Ezikiẹl 31:10

“Rhunmwuda ọnii nian, Mẹ ne Nọyaẹnmwa ne Udazi gha tama uwa emwi ne ọ ra rruan erhan nii ne ọ gha tan khian ọ te ya sẹ ikpakpa iso. Vbene ọ ya tan khian nii, ọ re ọ vbe ya gha hio.

Daniẹl 2:21

Rẹn ọ re ọ kha yan ẹghẹ kevbe ukpo; rẹn ọ re ọ ma ọba, rẹn ọ vbe ya iran owẹ yotọ, rẹn ọ re ọ rhie ẹwaẹn kevbe irẹnmwi ne ọmwa.

Daniẹl 3:4

Avbiogbẹ keghi ya urhu ne ọ la datuu tama emwa wẹẹ, “Emwa ni ke dọmwadẹ otọe, ẹvbo ne a zẹ kevbe ẹwae rre.

Daniẹl 4:12

Ebe ẹre hia keghi gha mose, ọ keghi mọ gba uhunmwu hia sẹrriọ wẹ ọ gha sẹ otọe agbọn na hia re. Avbe aranmwẹ oha ghi do gha rhuẹ ye irhu ẹre, avbe ahianmwẹ kegha bọlọ oko ye abọ ẹre, a ma miẹn emwi ọkpa ne ẹ i ghi rri ọmọ rẹn.

Daniẹl 4:23

Ẹghẹ ne u na gha ghe ẹre Umogun, odibosa ọkpa keghi ke ẹrinmwi tuorre rre, ọ na do kha wẹẹ, ‘Wa tọn erhan nii gbotọ ne a fuẹn ọnrẹn uan, sokpan wa sẹ ut ukhunmwu ẹnrẹn rae yotọ. Ya ọgiọrọ ematọn kevbe oze gbalọ ẹe, ne uwa sẹ ọe rae ye uwu irunmwu vbe oha vbe evba. Wa gie evbu gha tuo yan okpia na, ne ọ gu avbe aranmwẹ oha gha rre evba vbe ukpo ihinrọn gbalaka.’

Daniẹl 4:29

Ọ ghi wa rre uki iweva, ugbẹn vbe ọ ghi gọlọ vbe odukhunmwu ẹguae ẹre ne ọ rre Babilọn,

Daniẹl 5:20

Sokpan, ugbẹn vbe ọ ghi do ze vbudu, ọ na gha hioo, ọ na do gha ru emwi dan, a keghi sii ẹe hin ẹkete ẹre rre, uyi ne ọ rre ọre egbe keghi wii.

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Matiu 7:19

Erhan ne ọ ma mọ ọmọ esi, a gha tọẹn gbe otọ, a ghi hiọrọe fi erhẹn.

Iyẹn ne ọ Maan Ọghe Luk 3:9

Ughanmwa mu egbe nẹ ne ọ tọnnọ erhan hia la ẹzi. Erhankerhan ne ọ ma mọ ọmọ esi, a gha tọn ẹn gbe otọ, a ghi hiọrọ fi erhẹn.”

Arhie Maan 10:3

Ọ keghi ya urhu ne ọ la davan, ọ ye vbe urhu oduma ne ọ vanhiẹn. Ugbẹn vbe irẹn ghi davan nẹ, avbe avan nukhunmwu ihinrọn ni, keghi khuarha kegbe ya wanniẹn ọre ẹmwẹ werriegbe.

Arhie Maan 18:2

Ọ keghi ya urhu ne ọ la kha wẹẹ, “Ọ de guọghọ ua nẹ! Babilọn nọkhua de guọghọ ua, a vbe orhiọn dan kevbe orhiọn ni ma huan, ọre ọ ghi lọyan yo lọyan rre vbọ. Ahianmwẹ ni gbiruẹn kevbe ọ ghe izohu hia ọre ọ ghi rre uwu ẹre.