Daniẹl 4:13 - Edo Bible (E Baibol Ẹdo) Version 1996

¹³ Ugbẹn vbe I ghi wa mu ẹmwẹ umian na roro, I ghi ya ghe odibosa ọkpa tuorre ke iso dee ke irẹn kevbe aro ẹre ne ọ wa gba emwi hia.

Daniẹl 4:13 ပူးပေါင်းရင်းမြစ်များ

Job 12:24

Ọ ye ọkaolotu iran khian akpa, ọ keghi giẹ iran gha zozo, iro han iran, iran wirua.

Psalm 103:20

Wa rho e Nọyaẹnmwa, wa ne avbe odibo nekhua kevbe ni mwẹ ẹtin, ni mu uhi ẹre sẹ, ni vbe danmwehọ ẹmwẹ ne ọ guan.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Daniẹl 4:10

“Ugbẹn vbe I ghi vbiẹ, I keghi miẹn umian okperhan ọkpa vbe adesẹneva agbọn.

Daniẹl 4:17

Vbene ọ khare ọnii khin ighe odibosa ne aro ẹre gba emwi hia nii. Rhunmwuda ọnii, wa gie emwa hia rẹn vbe ehe hia wẹ Osanobua ne ọ Sẹehia mwẹ ẹtin vbe uhunmwu avbe arriọba emwa nagbọn, kevbe wẹ ọ sẹtin munọ iran ne ọmwa ne ọ rhirhi khọn rẹn, uhin ya sẹ egbe ọmwa ne ẹ i mwẹ asa ne ọ gu agbọn ye.’ ”

Daniẹl 4:23

Ẹghẹ ne u na gha ghe ẹre Umogun, odibosa ọkpa keghi ke ẹrinmwi tuorre rre, ọ na do kha wẹẹ, ‘Wa tọn erhan nii gbotọ ne a fuẹn ọnrẹn uan, sokpan wa sẹ ut ukhunmwu ẹnrẹn rae yotọ. Ya ọgiọrọ ematọn kevbe oze gbalọ ẹe, ne uwa sẹ ọe rae ye uwu irunmwu vbe oha vbe evba. Wa gie evbu gha tuo yan okpia na, ne ọ gu avbe aranmwẹ oha gha rre evba vbe ukpo ihinrọn gbalaka.’

Daniẹl 4:5

Sokpan, mẹ keghi mina imina ne ọ mu ohan, I keghi vbe miẹn umian ni kpan ọmwa udu vbe I vbiẹ.

Daniẹl 7:1

Vbe ukpo ne okaro ne Bẹlsiaza rriọba e Babilọn, I minaẹn, I keghi miẹn umian vbe asọn. I gbẹn imina nii yotọ, vbene I miẹn ọẹn.

Daniẹl 7:17

Ọ wẹẹ, “Avbe aranmwẹ ne lẹulẹu enẹ na kegha re arriọba enẹ ni gha guakpaọ vbe agbọn.

Daniẹl 7:23

Ewanniẹn ne ọ rhie mẹ ọ re ọna khin: “Aranmwẹ ne ogienẹ keghi re arriọba ogienẹ ne ọ ra rrie agbọn, ọ gha vbe lughaẹn ne avbe arriọba nekpa hia fẹẹrẹ. Ọ gha piẹn otọ agbọn na hia gbua, ọ ghi ya owẹ rrilo ẹe ginna otọ.

Daniẹl 8:13

I keghi vbe dẹghe odibosa ọkpa vbe ọ nọ ọvbehe wẹẹ, “Vbe avbe emwi ne a miẹn vbe umian na ra kpee sẹhẹ vbe otọe yi? Inu ẹghẹ ọ re orukhọ ẹwia ra rhie ihe izọ ese ẹdẹgbegbe la vbotọ? Inu ẹghẹ ọ re a ra ya owẹ rrilo ivbiyokuo ẹrinmwi kevbe Ọgua Osa la vbotọ?”

Zẹkaraia 14:5

We ghi lẹ la iya na ne ọ fian oke ni rra ya sẹ obọ nọkpa ladian. Wa ghi lẹ zẹ vbene avbe erha uwa odede ka lẹ vbe ẹghẹ ne igbohiotọ na gha rrọ vbe ẹghẹ Ọba Uzaia ọghe Juda. E Nọyaẹnmwa Osanobua mwẹ gha viọ avbe odibosa hia mwẹ obọ gha dee.

Matiu 25:31

“Ovbi Ọmwa ghẹ ghi rre zẹ vbe ọba ke irẹn kevbe avbe odibosa ẹre, rẹn ghi miẹn dia vbe uhunmwu ẹkete ọba ẹre.

Iyẹn ne ọ Maan Ọghe Mak 1:24

“Vbọ kan ima kan ruẹn yi Jesu ne ovbi e Nazarẹt? Te u rre do fuẹn ima an ra? I rẹn ọmwa ne u khin: wẹ ọrọre ukọ ne ọ huanrẹn ọghe Osanobua.”

Iyẹn ne ọ Maan Ọghe Luk 4:34

“De! vbọso mwa suẹ Jesu ne ovbi e Nazarẹt? Te u do fuẹn ima an ra? I rẹn ruẹn, odibo Osanobua ne ọ huanrẹn!”

Diuteronomi 33:2

E Nọyaẹnmwa ke Oke Sainai gha dee, ọ keghi yan rre vbe owẹn yan Idọm, ọ keghi ke uhunmwu Oke Paran yunmwu yan emwa ẹnrẹn, Odibo Osa arriaisẹn igbe keghi deba ẹre erhẹn ne ọ baa kegha rre obọ erha ọmwa ẹnrẹn.

Ebe ne Jud gbẹẹn 1:14

Inọk ne ọ re, ọmwa ne ogiehan ke egbe Adam wa gha dee zẹẹ, ọre ọ guan ẹmwẹ iran na ye otọ ẹghẹ nii wẹ: “Ghe, Nọyaẹnmwa gha rre ke irẹn kevbe arriaigbe vbe uwu avbe odibo ẹre ni huanrẹn.

Arhie Maan 14:10

Rẹn tobọ ẹre gha vbe wọn vbe uwu ayọn Osanobua, ayọn izohu ẹre ne ọ wa yan hihiẹ ye ukpu izohu ẹre. Iran hia ni ru ọnii, a gha rri iran oya vbe uwu erhẹn kevbe ugbofi vbe odaro avbe odibosa ni huanrẹn kevbe Oteghe Ohuan.