Daniẹl 4:12 - Edo Bible (E Baibol Ẹdo) Version 1996

¹² Ebe ẹre hia keghi gha mose, ọ keghi mọ gba uhunmwu hia sẹrriọ wẹ ọ gha sẹ otọe agbọn na hia re. Avbe aranmwẹ oha ghi do gha rhuẹ ye irhu ẹre, avbe ahianmwẹ kegha bọlọ oko ye abọ ẹre, a ma miẹn emwi ọkpa ne ẹ i ghi rri ọmọ rẹn.

Daniẹl 4:12 ပူးပေါင်းရင်းမြစ်များ

Job 12:24

Ọ ye ọkaolotu iran khian akpa, ọ keghi giẹ iran gha zozo, iro han iran, iran wirua.

Job 14:7

“Idaehọ ye rrọọ ne erhan ne a tọn gbotọ nẹ. Ọ sẹtin ye vbe fe, ọ ghi zọọ.

Job 14:9

Vbene amẹ na rrọọ, ọ gha zọ vbe ovbi erhan.

Eve Orriara 4:20

Iran khọn mu uhunmwu uwa ẹdagbọn mwa, ọba ne Nọyaẹnmwa zẹe ọmwa ne imẹ ye aro khọ ighe ọ gha degue mwa hin obọ iran ni gunmwa khọn.

Ezikiẹl 17:23

ye oke ne ọ yo sẹẹ vbe Izrẹl. Ọ gha zẹlẹ abọ, ọ ghi vbe mọ, ọ ghi do khian isida ne mose mose. Ahianmwẹ ughughan gha di evba ya, iran ghi miẹn ehe dia vbe irhu ẹre.

Ezikiẹl 31:17

Iran gha lele ẹe gha rrie ẹvbo emwa ni wulo nẹ ne iran ya deba iran ni ka dele nẹ. Iran hia ni di ototọ irhu ẹre ya, gha khian ne a zagha gba otọe ẹvbo hia.

Daniẹl 4:14

Ọ keghi ya urhu ne ọ la datu wẹẹ, ‘Wa tọn erhan nii gbotọ ne uwa giagia ẹre abọ kua, wa khuọn ẹre ebe kua ne uwa duẹ avbe ọmọ rẹn kua. Wa khulo avbe aranmwẹ nii hin ototọ ẹre rre kevbe avbe ahianmwẹ nii hin abọ ẹre rre.

Matiu 13:32

Ọkpia ọkpa ke rhie ẹre ọ keghi ya kọe ye ugbo ẹre. Ugbẹn vbe ọ ghi wan nẹ, ọ keghi kpọlọ sẹ ivbi erhan hia. Ọ keghi do khian okperhan, avbe ahianmwẹ keghi gha bọ oko ye abọ ẹre.”

Iyẹn ne ọ Maan Ọghe Mak 13:32

“Sokpan ọmwa ne ọ rẹn ikpẹdẹ ra ẹghẹ ne emwi na gha ya sunu dandaandan, ẹ i rrọọ, avbe odibosa ni rre ẹrinmwi, kevbe Ọmọ ma rẹn ọnrẹn vbe ọ gberra Evbavba ọkpa.

Iyẹn ne ọ Maan Ọghe Mak 4:32

Ọ ghi kpee kherhe, ọ keghi wan ẹsẹse, ọ na khian ne ọ ghi kpọlọsẹ vbe uwu ivbi erhan hia. Ọ keghi zẹlẹ abọ ni kọnkọn ladian, sẹrriọ ne avbe ahianmwẹ na do gha bọlọ oko ye irhu ne ọ gbe.”

Iyẹn ne ọ Maan Ọghe Luk 13:19

Ọ yevbe ikpẹ mọstad ne ọmwa ọkpa ya kọ ye ugbo ẹre, ovbi erhan nii keghi wan, ọ keghi do khian okperhan, avbe ahianmwẹ keghi ya gha bọlọ oko ye abọ ẹre.”