Daniẹl 4:11 - Edo Bible (E Baibol Ẹdo) Version 1996

¹¹ Ọ keghi gha wanyọ wanyọ, ọ te do tan sẹ iso a na ghi vbe gha bẹghe ẹre vbe ehe hia vbe otọ agbọn.

Daniẹl 4:11 ပူးပေါင်းရင်းမြစ်များ

Gẹnẹsis 11:4

Ẹghẹ nii, iran ghi na kha wẹẹ, “Wa gie ima do bọ owa ima, ne ogogoro ne Ọ rrọ wa yo sẹ iso, ma ghi ru ọkhae ne egbe mwa, ne a ghe ya tagha ima lele otọ agbọn hia.”

Ezikiẹl 31:12

Avbe orhunmwuyẹn ne ẹ i zama ọmwa gha tọn ọẹn gbotọ, iran ghi vbe sẹ ọe rae ye evba. Avbe abọ ẹre kevbe ẹzi ẹre ni hunnọẹn gha dele ye dọmwadẹ oke kevbe iya ni rre ẹvbo nii. Avbe uhunmwu ẹvbo ni te rre ototọ irhu ẹre hia gha kpao.

Ezikiẹl 31:5

Rhunmwuda ne a na gbe amẹ khakha ẹe ẹsẹse. Ọ keghi tan sẹẹ avbe erhan ọvbehe hia fẹẹrẹ. Abọ ẹre keghi tan, ọ keghi kọnkọn.

Matiu 11:23

Kevbe uwẹ Kapaniọn! Ẹ i re te u tera tọn egbe ruẹ mu ya sẹ ẹrinmwi? A gha sua ruẹ fi ẹrinmwi nehianmwivin! Rhunmwuda, akpawẹ te a winna iwinna ọyunnuan ne a winnaẹn vbe uwu uwẹ vbe Saidọn, ọ gha ye gha rrọọ do sẹ ẹdẹnẹrẹ na.

Diuteronomi 9:1

“Wa danmwẹ ehọ ivbi Izrẹl, te uwa ghi ra fian Ẹzẹ Jọdan rra na ne uwa ya mu otọ ẹvbo ni kpọlọ sẹ uwa, kevbe ni vbe mwẹ ẹtin sẹ uwa ne uwa yin ẹnrẹn. Ẹvbo iran wa kpolo, ekẹn ne a gbe ga iran wa yo sẹ iso.