Daniẹl 3:7 - Edo Bible (E Baibol Ẹdo) Version 1996

⁷ Rhunmwuda ọnii iran ghi wa họn vbe a kpee emwi ọwarọkpa nii, avbe emwa ni ke avbe uhunmwu ẹvbo rre nii kevbe ẹwae kevbe ẹvbo ne a zẹ keghi wa ghughẹrre ya uhunmwu rhanmwẹ otọ ne amazẹ ne Nebukiadneza maẹn.

Daniẹl 3:7 ပူးပေါင်းရင်းမြစ်များ

Jerimaia 51:7

“Te Babilọn te ye vbe ukpu igoru vbe obọ mwẹ, ọ kegha ya ayọn ne otọ agbọn hia da ne ọ gha gbe iran. Avbe uhunmwu ẹvbo da ayọn rẹn, ẹrherhe iran keghi kulo.

Daniẹl 2:46

E Nebukiadneza ne Ọba keghi ghughẹ ya uhunmwu rhanmwẹ otọ, ọ na wẹ, ne a zọ ese kevbe ne a vbe yo imuohan gie Daniẹl.

Daniẹl 3:10

Wẹ ne Umogun ọ re ọ tae wẹ a gha suẹn emwi gha kpee, emwa hia ghi ghughẹrre ya uhunmwu rhanmwẹ otọ, ne amazẹ igoru,

Daniẹl 3:4

Avbiogbẹ keghi ya urhu ne ọ la datuu tama emwa wẹẹ, “Emwa ni ke dọmwadẹ otọe, ẹvbo ne a zẹ kevbe ẹwae rre.

Daniẹl 3:5

Wa gha ghi họn vbe a kpe okpe, ẹgogo na lelẹe kevbe ighẹnghan, kevbe ukusẹ kevbe akpata, deba avbe emwi ọvbehe ne a ghi kpee hia. Wa gha wa họẹn vbe ọwarọkpa vbe ọ suẹnrẹn, wa ghi ghughẹrre ya uhunmwu rhanmwẹ otọ ne amazẹ ne ọba e Nebukiadneza maẹn.

Daniẹl 3:6

Ọmwa ikọmwa ne ọ ma ghughẹrre ya uhunmwu rhanmwẹ otọ, a gha fiẹe fi uwu erhẹn vbe ọwarọkpa nii.”

Daniẹl 3:8

Ẹghẹ na nian, ivbi e Babilọn keghi miẹn ehe la la ivbi e Ju egbe.

Iwinna 14:16

Vbe ẹghẹ ne ọ gberra, ọ gie emwa hia gha ru vbene ọ khọn iran.

I Jọn 5:19

Ma rẹnrẹn wẹ ọghe Osanobua ma khin kevbe wẹ Ọmwa Dan ni ọre ọ kha yan agbọn na hia.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 13:14

Ọ keghi ye iwinna ọyunnuan ne a rhie ẹghẹ nẹẹn ya winna mu emwa hia ni rre agbọn rẹrẹ vbe sirra aranmwẹ oha ne okaro nii. Aranmwẹ oha na keghi wẹ ne emwa ne agbọn hia ma amazẹ ọkpa ne a ya ya ọghọ nẹẹn ighẹ aranmwẹ oha nii ne a ya umozo kuan rẹn egbe ne ọ ma wu.

Arhie Maan 13:3

Ọkpa vbe avbe uhunmwu aranmwẹ oha na, keghi ye vbe ne a gbe ua nẹ, sokpan ehe ne a na fian re ẹwẹn ne ọ da, rrie nẹ, ọ keghi wa yan agbọn hia unu an, iran keghi vẹ lele ẹe ighẹ aranmwẹ oha na.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Arhie Maan 17:8

Aranmwẹ oha ne u bẹghe nii, te ka gha rre agbọn yi, sokpan, banbanna nian, ẹ i ghi rrọọ ọvbehe, ọ wu nẹ, te ọ ghi ra ke uwu uvun ne ẹ i mwẹ otọ ladian na, ọ ghi ladian ne a ya fuẹn ọnrẹn uan. Emwa ni rre agbọn ne a ma he gbẹnnẹ eni ẹnrẹn ye ebe ẹfe emwa ni rrọọ, ni ma he wu vbe a te do suẹn agbọn, unu gha yan iran ẹsẹse vbe iran a miẹn aranmwẹ oha nii. Rhunmwuda, ọ te ka gha rre agbọn yi, sokpan, ẹ i ghi rre agbọn ọvbehe, sokpan ọ gha ye dọlegbe ya egbe ladian.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.