Daniẹl 3:6 - Edo Bible (E Baibol Ẹdo) Version 1996

⁶ Ọmwa ikọmwa ne ọ ma ghughẹrre ya uhunmwu rhanmwẹ otọ, a gha fiẹe fi uwu erhẹn vbe ọwarọkpa nii.”

Daniẹl 3:6 ပူးပေါင်းရင်းမြစ်များ

Gẹnẹsis 19:28

Ọ ke tọn aro mu ya ghe Sọdom kevbe Gomorra kevbe iya nii hia, ọ keghi miẹn vbe ighogho gbe ke otọe nii rre zẹ vbe ighogho nọ gbe ke ogidi erhẹn rre.

Ẹksọdọs 20:5

Ohan i gie uwẹ ya uhunmwu rhanmwẹ otọ ne ukhurhẹ ra ne u ga ẹe rhunmwuda mẹ ọrọre Nọyaẹnmwa Osanobua ruẹ, Osanobua ne ọ ta ekpẹn mẹ khin. Emwa nii khuiwu mwẹ, I gha rria ivbi iran ikhi ya sẹ orre ne ogieha ke ne ogienẹ.

Aizaia 44:17

Ne ọ ghi kẹe vbe erhan nii, ọ ghi ya ẹe ka amazẹ, ọ ghi vbe vbẹrre ye uhunmwu rhanmwẹ otọ ne ẹẹn. Ọ ghi vbe na erhunmwu ghe ẹre wẹẹ, “Wẹ ọrọre Osanobua mwẹ, miẹn mwẹ fan.”

Jerimaia 29:22

Emwa ne a viọ ẹre oghunmwu kpao vbe Jerusalẹm gha rrie Babilọn gha ra tie ihẹn ne ọmwa, iran ghi kha wẹẹ, ‘Te Nọyaẹnmwa gha ru uẹ vbene ọ ru e Zedekaia kevbe Ehab, ne ọba e Babilọn tọẹn vbe erhẹn ke iran kevbe ẹmwẹ ne unu!

Daniẹl 2:5

Ọba keghi wanniẹn tama iran wẹẹ, “Vbene I tae ọrọre wẹ ne uwa tama mwẹ imina ne I minaẹn kevbe ne uwa rhan otọe ẹre ma mwẹ. Adeghẹ wa ma sẹtin, te I ra yannọ uwa obọ vbe owẹ hẹ kua, I ghi ya owa uwa hia khian itowa.

Daniẹl 3:11

kevbe wẹ ọmwaikọmwa ne ọ ma ghughẹrre ya uhunmwu rhanmwẹ otọ, te a ra fi ẹe fi uwu erhẹn.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 3:21

Rhunmwuda ọnii iran keghi gbalọ iran gbalọ ukpọn ne iran hẹẹ yọ hia, ẹwu ọkotọ, ẹwu ọkokhunmwu, erhu kevbe ehia, iran keghi hẹẹ iran ku uwu erhẹn ne ọ baa gidigidi nii.

Daniẹl 3:7

Rhunmwuda ọnii iran ghi wa họn vbe a kpee emwi ọwarọkpa nii, avbe emwa ni ke avbe uhunmwu ẹvbo rre nii kevbe ẹwae kevbe ẹvbo ne a zẹ keghi wa ghughẹrre ya uhunmwu rhanmwẹ otọ ne amazẹ ne Nebukiadneza maẹn.

Daniẹl 5:19

Ọ kpọlọ sẹ vberriọ wẹ emwa ẹvbo hia, emwa ughughan hia kevbe ẹvbo ne a zẹ hia, kegha muohan rẹn, iran kegha guọ ne ẹẹn. Ọ gha wẹ rẹn gha gbe ọmwa, ọ ghi gbe ẹe, ọ gha wẹ rẹn gha fan ọmwa, ọ ghi fan ẹẹn. Rẹn ọ re ọ mu ọghọ ye ọmwa egbe, rẹn ọ re ọ vbe fa ọmwa an vbene ọ khọn rẹn.

Daniẹl 6:7

Ma hia fẹẹrẹ ni rre asẹ vbe otọe ruẹ na, iran ni su ẹvbo, avbe gọvina, avbe edayi e gọvina kevbe emwa ni rre ukpo nekpa, gba tae kugbe nẹ wẹ ne uwẹ ne ọba yi iyi, ne u vbe miẹn wẹ a wa kakabọ mu ẹẹn sẹ, yi ẹre iyi wẹ vbe uwu ikpẹdẹ ọgban, ne ọmwaikọmwa, ghẹ nọ emwikemwi vbe obọ ẹbọikẹbọ vbe ẹ i re vbe obọ uwẹ ne Umogun. Ọmwaikọmwa ne ọ rra iyi na, a ghi ya fi ẹe fi uwu uvun ne ọ vuọn ne oduma.

Matiu 13:42

A ghi hẹ iran ku uwu ọgẹn erhẹn ne iran ya gha viẹ egbe, kevbe ne iran vbe ya gha rri akọn khuara vbe evba.

Matiu 13:50

Iran ghi hẹ iran ku uwu ọgẹn erhẹn. Iran ghi gha viẹ egbe, iran ghi vbe gha rri akọn khuara vbe evba.”

Matiu 4:9

“U gha sẹtin diguẹ ya uhunmwu rhanmwẹ otọ mẹ, I gha ya ena hia fi ohan nuẹn.”

Iyẹn ne ọ Maan Ọghe Mak 6:27

Ọ keghi gie odiọnmwa ne ọ ya fian Jọn uhunmwu mu rre. Odiọnmwa nii keghi la uwu ẹwẹdọ, ọ keghi ya fian Jọn uhunmwu fua.

Arhie Maan 14:11

Ighogho erhẹn ne ọ rri iran oya ni kegha la ghe odukhunmwu ẹdẹ kevbe ẹdẹdẹmwẹdẹ, asọn kevbe avan, a i vbe rhie egbe rọkhọmwẹ ne iran, ighẹ iran ni ya uhunmwu rhanmwẹ otọ ne aranmwẹ oha nii, ke ẹe kevbe amazẹ ọre, kevbe iran ni rhan obọ miẹn ama ọghe eni ẹnrẹn.”

Arhie Maan 9:2

Orhọnmwẹ nii keghi kie uvun ne ẹ i mwẹ ototọ nii, ighogho keghi hihiẹ ke ẹe ladian, zẹ vbe ighogho ne ọ ke ogidi erhẹn rre. Ighogho ne ọ ke uwu uvun ne ẹ i mwẹ ototọ ladian rre nii, keghi ye ovẹn kevbe ẹhoho khian ne ọ so ebiebi.