Daniẹl 3:29 - Edo Bible (E Baibol Ẹdo) Version 1996

²⁹ “Banbanna nian, I tae wẹ adeghẹ a miẹn ovbi uhunmwu ẹvbo ọkpa ra emwa, ra ẹvbo ne a zẹ ne ọ ya ukpẹ sakan Osanobua e Siedrak, Mesiak, kevbe Abẹdnigo, te a ra yanghan ẹre obọ vbe owẹ hin egbe ẹre rre, a ghi ya owa ẹre khian otiku. Osanobua ọvbehe i rrọ ne ọ sẹtin miẹn ọmwa fan vbenian.”

Daniẹl 3:29 ပူးပေါင်းရင်းမြစ်များ

II Ọba 10:27

Ẹre iran na dunmwu ukhurhẹ kevbe nene aro ẹbọ, iran na ye aro ẹbọ nii khian owa isan, erriọ ọ ye ye do sẹ ẹdẹnẹrẹ na.

Ẹzra 6:11

I vbe yan tae ba ẹre wẹ a deghẹ a miẹn ọmwa ne ọ ma ru vbene I khare na, a ghi ya wio erhan ne ọ kpọlọ ọkpa vbe owa ẹre, a ghi ka ẹre obọ ọkpa, a ghi ya ẹe ha ẹre ikinnegbe ne ọ ladian vbe obọ nọkpa, a ghi ye owa ẹre ru otiku.

Psalm 3:8

Ọghe Nọyaẹnmwa ọ re akhọnmiotọ ke rre. Te ọ gha fiangbe emwa rẹn.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Daniẹl 1:19

Ọba keghi gu iran hia fẹẹrẹ guan. Emwi ne Daniẹl, Hananaia, e Misiaẹl kevbe Azaraia ru keghi vuọn ọba aro sẹ ọghe nekpa hia fẹẹrẹ. A keghi rhunmwuda ọnii viọ iran la ẹguae ọba.

Daniẹl 1:7

Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 2:17

Ẹre Daniẹl na gha rrie owa, ọ na ya tama avbe ihua ẹre ighe Hananaia, e Misiaẹl kevbe Azaraia, emwi ne ọ sunu.

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Daniẹl 2:49

Zẹ vbene Daniẹl nọ rẹn, ọba keghi mu e Babilọn ne Siedrak Mesiak kevbe Abẹdnigo gha gbearoghe. Sokpan e Daniẹl kegha rre ẹguae Ọba.

Daniẹl 2:5

Ọba keghi wanniẹn tama iran wẹẹ, “Vbene I tae ọrọre wẹ ne uwa tama mwẹ imina ne I minaẹn kevbe ne uwa rhan otọe ẹre ma mwẹ. Adeghẹ wa ma sẹtin, te I ra yannọ uwa obọ vbe owẹ hẹ kua, I ghi ya owa uwa hia khian itowa.

Daniẹl 3:12

Ivbi e Ju eso rrọọ ne uwẹ viọ yọ ne ọ gha gbearoghe avbe otọe eso vbe Babilọn, iran na ọrọre Siedrak, Mesiak kevbe Abẹdnigo, iran na i zẹdẹ zẹ ye ẹmwẹ ne uwẹ ne ọba tae. Iran i gho avbe ẹbọ ruẹ amawẹ te iran ghi ra ya uhunmwu rhanmwẹ otọ ne amazẹ ne uwẹ maẹn.”

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 3:17

Adeghẹ Osanobua ne ima ga gha sẹtin miẹn ima fan vbe erhẹn nii kevbe hin obọ ruẹ rre, ọ gha ru ẹe.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Daniẹl 6:28

Agbọn keghi wa maa e Daniẹl vbe ẹghẹ ọba Dariọs kevbe ẹghẹ ọba e Sairọs ne ovbi e Pẹsia.

Diuteronomi 32:31

Eghian iran rẹnrẹn ighẹ ẹbọ iran i mwẹ ẹtin, iran i mwẹ ẹtin zẹ vbe Osanobua Izrẹl.