Daniẹl 3:25 - Edo Bible (E Baibol Ẹdo) Version 1996

²⁵ “Vbe a ghi na miẹn hẹ ighe arhin enẹ ọ re imẹ bẹghe ni khianyo khian rre vbe uwu erhẹn nii? A ma vbe gbalọ iran ọ ma vbe khọ wẹ emwirhọkpa ru iran hiehiere, nogienẹ vbe uwu iran yevbe ẹrinmwi.”

Daniẹl 3:25 ပူးပေါင်းရင်းမြစ်များ

Job 1:6

Ọ ghi sẹ ẹdẹ ne avbe ighele ẹrinmwi do ya gha niẹn obọ vbe odaro e Nọyaẹnmwa, Esu kevbe gha rre evba vbe uwu ẹbu iran.

Job 38:7

Ẹdẹ ne ẹdẹrriọ ghi gbe avbe orhọnmwẹ keghi koko so ihuan. Ighele ẹrinmwi hia keghi we ne oghọghọ.

Job 5:19

Kugbakẹghẹrẹ ọ re ọ ya miẹn ruẹn fan hin ikuan egbe rre.

Psalm 34:7

Avbe odibosa ẹre ọ re ọ gbearoghe iran ni ya ọghọ ne Nọyaẹnmwa, ọ ghi vbe miẹn iran fan vbe ẹbe.

Itan 30:4

De ọmwa ne ọ he ruẹ irẹnmwi ẹrinmwi guẹ? De ọmwa ne ọ he gue ẹhoho ye obọ ẹre ẹdẹ? Ra ne ọ ya ukpọn gbalọ amẹ? Ra ne ọ vin uwu ye ehe ne agbọn sẹe? Gha nọ adeghẹ wẹ rẹn ọnrẹn, gha ọ re ovbi ẹre?

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Jerimaia 1:8

Ghẹ gie ohan iran mu ẹẹn rhunmwuda, I gha mudia ke uẹ ne I degue ruẹ. Mẹ ne Nọyaẹnmwa ọ re ọ tae.”

Jerimaia 15:21

I gha miẹn ruẹn fan vbe obọ ẹtin emwa dan kevbe emwa ọkhọ. Mẹ ne Nọyaẹnmwa ta ẹe nẹ.”

Daniẹl 3:18

Sokpan, a deghẹ ọ ma ghi vbe ru vberriọ, u ghi rẹn nian Umogun wẹ ma i ra gho ẹbọ ruẹ, ma i ra vbe ya uhunmwu rhanmwẹ otọ ne amazẹ igoru ne u maẹn.”

Daniẹl 3:24

Vbe udomwurri, e Nebukiadneza keghi saan kpaegbe mudia vbe ọyunnuan. Ọ nọ avbe ekhaẹmwẹ ọnrẹn wẹẹ, “Ẹ i re arhin eha ma gbalọe hẹ ku uwu erhẹn nii?” Iran wanniẹn wẹẹ, “Erriọ nọ Umogun.” Rẹn keghi nọ wẹẹ,

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Daniẹl 6:23

Ọba keghi ghọghọ ua, ọ na wẹ ne a si e Daniẹl ladian vbe uvun. Iran keghi siẹe ladian, iran miẹn wẹ emwirhọkpa ma ru ẹe hiehiere, rhunmwuda, ọ mu ẹtin yan Osanobua.

Iyẹn ne ọ Maan Ọghe Mak 16:18

Iran gha ya obọ mu ẹyẹn ra te iran rri eruan, ẹ i ru iran emwi rhọkpa. Iran gha viọ obọ iran yan avbe ọkhọnmwọ, egbe ghi rran iran.”

Iyẹn ne ọ Maan Ọghe Luk 1:35

Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.

Iwinna 28:5

Sokpan, Pọl keghi sanmwẹ ẹyẹn ni fi uwu erhẹn vbe ne ọ ma na ru ẹre emwi hiehie.

Ebe ne Pọl gbẹẹn gie emwa Rom 1:4

Zẹ vbe ọghe uhuanmwẹ ọnrẹn ke ẹrinmwi re, a keghi ya ẹtin nọkhua rhie maa ighẹ Ovbi Osanobua nọ vbe ekpa ne a na huẹn ọẹn kpao vbe idin orinmwi.

I Pita 3:13

Gha ọ ra ru uwa emwi dan yi adeghẹ wa mu aro ye ẹmwẹ ne uwa gha ru emwi esi?