Daniẹl 3:24 - Edo Bible (E Baibol Ẹdo) Version 1996

²⁴ Vbe udomwurri, e Nebukiadneza keghi saan kpaegbe mudia vbe ọyunnuan. Ọ nọ avbe ekhaẹmwẹ ọnrẹn wẹẹ, “Ẹ i re arhin eha ma gbalọe hẹ ku uwu erhẹn nii?” Iran wanniẹn wẹẹ, “Erriọ nọ Umogun.” Rẹn keghi nọ wẹẹ,

Daniẹl 3:24 ပူးပေါင်းရင်းမြစ်များ

II Krọnikol 22:4

Ọ keghi sẹmwẹ e Nọyaẹnmwa, rhunmwuda, erha ẹe ghi wu nẹ, emwa ọvbehe vbe ẹgbẹe Ehab ne ọba, ọ re ọ gha bu ẹre ude ne udemwẹ ọnrẹn la rre.

Daniẹl 3:17

Adeghẹ Osanobua ne ima ga gha sẹtin miẹn ima fan vbe erhẹn nii kevbe hin obọ ruẹ rre, ọ gha ru ẹe.

Daniẹl 3:23

E Siedrak, Mesiak kevbe Abẹdnigo keghi kharha ku uwu erhẹn nii zẹ vbene a ya gbalọ iran nii.

Daniẹl 3:25

“Vbe a ghi na miẹn hẹ ighe arhin enẹ ọ re imẹ bẹghe ni khianyo khian rre vbe uwu erhẹn nii? A ma vbe gbalọ iran ọ ma vbe khọ wẹ emwirhọkpa ru iran hiehiere, nogienẹ vbe uwu iran yevbe ẹrinmwi.”

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.

Daniẹl 4:27

Rhunmwuda ọnii nian, Umogun, u ghi rhie ude ne I bu ruẹ re. Da obọ orukhọ ne a ru yi, gha ru emwi ne ọ kere, vbe gha tohan avbe ivbiogue. Ẹghẹ nii, agbọn ghi gha ma ruẹn khian.”

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Daniẹl 6:22

Osanobua giee odibo ẹre rre do ya obọ guee avbe oduma unu ne iran ghẹ sẹtin ru mwẹ emwi rhọkpa. Ọ ru ẹe vberriọ rhunmwuda ọ rẹnrẹn wẹ, I ma rẹn ọkpa, I ma rẹn eva, kevbe wẹ, I ma fidọn ghe ruẹ Umogun.”

Daniẹl 6:7

Ma hia fẹẹrẹ ni rre asẹ vbe otọe ruẹ na, iran ni su ẹvbo, avbe gọvina, avbe edayi e gọvina kevbe emwa ni rre ukpo nekpa, gba tae kugbe nẹ wẹ ne uwẹ ne ọba yi iyi, ne u vbe miẹn wẹ a wa kakabọ mu ẹẹn sẹ, yi ẹre iyi wẹ vbe uwu ikpẹdẹ ọgban, ne ọmwaikọmwa, ghẹ nọ emwikemwi vbe obọ ẹbọikẹbọ vbe ẹ i re vbe obọ uwẹ ne Umogun. Ọmwaikọmwa ne ọ rra iyi na, a ghi ya fi ẹe fi uwu uvun ne ọ vuọn ne oduma.

Iwinna 12:13

Pita sobọ vbe ẹkhu ne a la fi ore, ọvbokhan okhuo ọkpa ne a tie ẹre Roda kegha dee do kie ẹre.

Iwinna 26:13

Ọ ghi rre ẹghẹ ogiavan vbe ehe ne I na khian vbe odẹ nii Umogun, I keghi bẹghe uwanmwẹ ọkpa ne awanwan rẹn wegbe sẹ ọghe owẹn, ọ keghi ke odukhunmwu lẹga mwẹ kevbe iran ne ima gba khian.

Iwinna 26:27

Agripa ne Ọba, deghẹ wẹ ya ẹmwẹ ne avbe akhasẹ tae yi, I rẹnrẹn ighẹ u yaeyi!”

Iwinna 9:6

Sokpan kpaegbe ne u gha rrie adesẹ ore ẹvbo, a gha tama ruẹn emwi ne u gha ru.”

I Samuẹl 17:55

E Sọl ghi miẹn vbe Devid bu e Golaiat khian ne ọ ya guẹe gbinna, ọ keghi nọ Abna ne ọkaivbiyokuo ẹre wẹẹ, “Abna, de ovbi ọmwa ne ọ khin yi?” Abna keghi wanniẹn wẹẹ, “I ma zẹdẹ rẹn hiehie Umogun.”