Daniẹl 3:20 - Edo Bible (E Baibol Ẹdo) Version 1996

²⁰ Ọ na wẹ ne iran ni ghi wegbe sẹẹ vbe avbe ivbiyokuo irẹn gbalọ iran eheha na hẹ ku uwu erhẹn nii.

Daniẹl 3:20 ပူးပေါင်းရင်းမြစ်များ

Daniẹl 1:7

Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 3:19

Ẹre ohu na ghi wa kakabọ mu e Nebukiadneza, aro ẹre kegha kpannọ ugiọnmwẹ erhẹn rhunmwuda e Siedrak, e Mesiak kevbe Abẹdnigo. Ọ na ghi wẹ ne emwa rẹn koko erhẹn nii ne ọ ya ukhukhu ihinrọn sẹẹ vbene ọ te ka baa sẹ yi.

Daniẹl 3:21

Rhunmwuda ọnii iran keghi gbalọ iran gbalọ ukpọn ne iran hẹẹ yọ hia, ẹwu ọkotọ, ẹwu ọkokhunmwu, erhu kevbe ehia, iran keghi hẹẹ iran ku uwu erhẹn ne ọ baa gidigidi nii.

Iwinna 16:23

Ugbẹn vbe iran ghi gbele iran ne obọ da nẹ, iran kegi filo iran ku uwu ẹwẹdọ, iran keghi khama eseghan ne ọ khui iran ye evba gbain.

Iwinna 16:25

Ọ ghi sẹ ogiasọn, Pọl kevbe Sailas kegha so ihuan, iran na gha na erhunmwu ghe Osanobua, avbe oleghan nekpa kegha danmwehọ iran.