Daniẹl 3:19 - Edo Bible (E Baibol Ẹdo) Version 1996

¹⁹ Ẹre ohu na ghi wa kakabọ mu e Nebukiadneza, aro ẹre kegha kpannọ ugiọnmwẹ erhẹn rhunmwuda e Siedrak, e Mesiak kevbe Abẹdnigo. Ọ na ghi wẹ ne emwa rẹn koko erhẹn nii ne ọ ya ukhukhu ihinrọn sẹẹ vbene ọ te ka baa sẹ yi.

Daniẹl 3:19 ပူးပေါင်းရင်းမြစ်များ

Gẹnẹsis 31:2

Rẹn kevbe miẹn wẹ ekhọe Leban fiwerriẹ ghe irẹn lahin vbene ọ te ka ye de yi.

Ẹsta 3:5

E Haman ghi miẹn wẹ e Modekai ma mu egbe ne ọ gha ya diguẹ vbokho uhunmwu rriotọ ne irẹn, okuosu keghi rre ọe.

Ẹsta 7:7

Ọba keghi ye ohu nọkhua gua kpao, ọ keghi ladian vbe uwu owa, ọ na gha rrie ogba ne a na rhie ẹhoho vbe uwu ẹguae. E Haman bẹghe ẹre nẹ wẹ ọba gha rri irẹn oya ye emwi na, rẹn keghi rhunmwuda ọnii mudia ne ọ rinmwian Ẹsta ne Oloi wẹ ne a ghẹ gbe irẹn ruan.

Psalm 76:10

Te ohu ne emwa nagbọn mu, dọlegbe rhie urhomwẹ ne uẹn sayọ, iran ni miẹn uhunmwu vbe okuo nii gha ru emwi ukpo ruẹ.

Itan 16:14

Ọmwa ne ọ wan ghi gha hia ne ọ gha ya ẹko ọba rhiẹnrhiẹn, ohu gha mu ọba, ọmwa hoho sẹtin lae.

Itan 21:24

Ma mwẹ ọmwa ne ọ ye obọ rra ẹwẹe ọre, I gha ma ruẹn ọmwa ne ọ tọn egbe mu, ne ọ hio kevbe ne ẹ i ro ne ọmwa.

Aizaia 51:23

Mẹ gha rhie ẹre ne iran ni wọ uwa uhunmwu iran ne ọ wẹ ne uwa lovbiẹ vbe adesẹ ore iran na gha ya owẹ rilo uwa zẹ vbe iku.”

Daniẹl 2:12

Rhunmwuda emwi na, ohu nọkhua keghi mu ọba, ọ na wẹ ne a giagia iran hia ni gu ẹe zẹ iro uhunmwu kua vbe Babilọn.

Daniẹl 3:13

Ọba ghi họn ẹmwẹ na, ohu mu ẹẹn ẹsẹse ọ na wẹ ne a viọ iran eheha na bu irẹn gha dee.

Daniẹl 3:20

Ọ na wẹ ne iran ni ghi wegbe sẹẹ vbe avbe ivbiyokuo irẹn gbalọ iran eheha na hẹ ku uwu erhẹn nii.

Daniẹl 5:6

Ọ keghi reghe aro ua vbe uhunmwu, ohan keghi muẹn sẹrriọ wẹ igbọn rẹn kegha de gbe egbe.

Daniẹl 6:24

Ẹre ọba na wẹ ne a munọ avbe emwa ni do gu e Daniẹl gui. Ọ na wẹ ne a viọ iran ku uwu uvun avbe oduma nii, ke iran kevbe avbe amwẹ iran kevbe ivbi iran. Vbe iran te sẹ otọe vbe uvun nii, avbe oduma guaa iran rhie nẹ, iran keghi gbẹn iran ugboloko hia.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Levitikọs 26:21

“A deghẹ te uwa ye gha ze vbudu khian vbene uwa i na họn ẹmwẹ mwẹ, I gha dọlegbe fian ba oya ne I gha rri uwa ẹre ukhukhu ihinrọn.

Levitikọs 26:24

Ẹghẹ nii, I ghi werriẹ aro da uwa, I gha rri uwa oya ukhukhu ihinrọn sẹ ayọ.

Levitikọs 26:28

Ẹghẹ nii ohu gha mu mwẹ I ghi werriẹ aro da uwa, I ghi dọlegbe rhie ukhukhu ihinrọn ba oya ne I gha rri uwa re.

Iwinna 5:33

Emwa ni rre Iko ghi wa họn ẹmwẹ na, okuosu keghi wa rri iran, sẹrriọ ne iran na wa ta ẹe ighẹ te iran gbele avbe ukọ rua.

Iwinna 7:54

Emwa ni rre Iko ni ghi wa họn ẹmwẹ ne Stivin ta, okuosu keghi wa rri iran, iran na gha gbe akọn ẹkorriaramwẹ da ẹre.