Daniẹl 3:18 - Edo Bible (E Baibol Ẹdo) Version 1996

¹⁸ Sokpan, a deghẹ ọ ma ghi vbe ru vberriọ, u ghi rẹn nian Umogun wẹ ma i ra gho ẹbọ ruẹ, ma i ra vbe ya uhunmwu rhanmwẹ otọ ne amazẹ igoru ne u maẹn.”

Daniẹl 3:18 ပူးပေါင်းရင်းမြစ်များ

I Ọba 19:14

Rẹn keghi wanniẹn wẹẹ, “E Nọyaẹnmwa Osanobua ne Oghodua, wẹ ọkpa kẹkan ọ re I ga ke otọe gha dee, sokpan, ivbi Izrẹl ma ghi mu ile ne iran guẹ ta sẹ, iran dunmwu avbe ogiukpo ruẹ sotọ, iran kevbe gbele avbe akhasẹ ruẹ hia. Mẹ ọkpa ọ ghi ke ẹe, iran vbe ho ne iran gbe mwẹ uan.”

I Ọba 19:18

Sokpan, I gha sẹ arhiẹn arriaisẹn ihinrọn (7,000) rae vbe Izrẹl, emwa ni rhie egbe mu mwẹ, emwa ni ma he vbokho igue rre ne Bal ra ne iran ya unu soso amazẹ ẹre unu.”

Job 13:15

Idaehọ mwẹ fo nẹ, rhunmwuda ọnii, ẹ i ghi mwẹ asa a deghẹ Osanobua gbe mwẹ uan. I gha gui ene unumwẹ ma rẹn.

Itan 28:1

Ọmwa dan ghi gha lẹ, vbene ọmwa rhọkpa ma na khu ẹe, sokpan ọmwa esi ghi din zẹ vbe oduma.

Daniẹl 3:28

Ọba keghi kha wẹẹ, “Wa rho Osanobua e Siedrak, Mesiak kevbe Abẹdnigo! Ọ gie odibo ẹre gha dee ne ọ do miẹn iran ni gae kevbe ni muẹtinyan rẹn na fan. Iran fieghe uhunmwu ye iyi ne imẹ yi, iran keghi mu egbe ne iran gha ya wu, sẹẹ ne iran ghughẹrre ya uhunmwu rhanmwẹ otọ ne ẹbọ ọvbehe gberra Osanobua iran.

Levitikọs 19:4

“Wa ghẹ sẹ mwẹ rae ya gha gho amazẹ, wa ghẹ vbe ye oze ma ẹbọ ne uwa gha gho. Mẹ ọre Nọyaẹnmwa Osanobua uwa.

Matiu 10:28

Wa ghẹ mu ohan iran ni gbe ikinnegbe ne ẹ i sẹtin gbe orhiọn, sokpan wa mu ohan Osanobua ne ọ sẹtin fuẹn egbe kevbe orhiọn uan vbe ẹrinmwi nehianmwivin.

Matiu 10:39

Ọmwaikọmwa ne ọ ho ne irẹn da orhiọn rẹn yi gha mu ẹn fua. Ọmwaikọmwa ne ọ mu orhiọn rẹn fua rhunmwuda mwẹ, ọ gha miẹn ọẹn rhie.

Matiu 16:2

Sokpan Jesu wanniẹn iran ẹmwẹ wẹẹ, “Iso gha baa vbe ẹghẹ ne owẹn ya de okun, wa ghi wẹẹ, ‘ẹdẹ gha rran.’

Iwinna 4:19

Sokpan Pita kevbe Jọn zẹ wanniẹn iran wẹ, “Wa tobọ uwa ta ne ọ maa sẹ vbọ vbe odaro Osanobua, ne a ru ne uwa khare ra ne a ru ne Osanobua khare?

Hibru 11:25

Rẹn gu emwa Osanobua rri oya ọre ọ yẹ ọre sẹẹ, ne ọ gha ku obọ ye uwa vbe uwu orukhọ vbe ovbi ẹghẹ kherhe.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

Arhie Maan 12:11

Esagiẹn Oteghe Ohuan nii kevbe orhu ẹmwata ne iran kpee, ọre avbe etẹn mwa ya khọn miẹn ẹre otọ, iran te wa vbe mu egbe ne iran rhie ẹdẹ agbọn iran ye otọ, ne iran vbe wulo.