Daniẹl 3:12 - Edo Bible (E Baibol Ẹdo) Version 1996

¹² Ivbi e Ju eso rrọọ ne uwẹ viọ yọ ne ọ gha gbearoghe avbe otọe eso vbe Babilọn, iran na ọrọre Siedrak, Mesiak kevbe Abẹdnigo, iran na i zẹdẹ zẹ ye ẹmwẹ ne uwẹ ne ọba tae. Iran i gho avbe ẹbọ ruẹ amawẹ te iran ghi ra ya uhunmwu rhanmwẹ otọ ne amazẹ ne uwẹ maẹn.”

Daniẹl 3:12 ပူးပေါင်းရင်းမြစ်များ

Ẹsta 3:8

E Haman keghi bu ọba ya tama rẹn wẹẹ, “Ivbi ẹvbo eso rre otọe ruẹ na, iran tagha gba otọe na hia, a i vbe miẹn iyaẹvbo ne a i na miẹn iran, ilele ẹvbo iran ma zẹdẹ gu ọghe ẹvbo ọvbehe rhọkpa ro vbe otọe na. Ye vbe sẹ ọnii, iran i ye uhi ẹvbo na ru emwi, rhunmwuda ọnii, ẹ i re emwi ne ọ gha fu egbe a deghẹ a sẹ iran rae.

Itan 27:4

Emwi dan ne ọ rhia emwi ọ re ohu khin, sokpan a i zẹdẹ yae gie igbọvo hiehiere.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Daniẹl 1:7

Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 2:48

Ọ keghi rhie Daniẹl ye ukpo ne ọ yo, ọ keghi ya emwi nibun hia zẹ ọhẹ ne ẹẹn, ọ mu otọe Babilọn ne ẹẹn gha gbearoghe, ọ keghi ya ẹe ru ọkaolotu avbe iguọbaziro hia.

Daniẹl 2:49

Zẹ vbene Daniẹl nọ rẹn, ọba keghi mu e Babilọn ne Siedrak Mesiak kevbe Abẹdnigo gha gbearoghe. Sokpan e Daniẹl kegha rre ẹguae Ọba.

Daniẹl 3:11

kevbe wẹ ọmwaikọmwa ne ọ ma ghughẹrre ya uhunmwu rhanmwẹ otọ, te a ra fi ẹe fi uwu erhẹn.

Daniẹl 3:16

E Siedrak, Mesiak kevbe Abẹdnigo keghi wanniẹn wẹẹ, “Ma i ra vbe zẹdẹ gha ta e ne unu ima Umogun.

Daniẹl 3:29

“Banbanna nian, I tae wẹ adeghẹ a miẹn ovbi uhunmwu ẹvbo ọkpa ra emwa, ra ẹvbo ne a zẹ ne ọ ya ukpẹ sakan Osanobua e Siedrak, Mesiak, kevbe Abẹdnigo, te a ra yanghan ẹre obọ vbe owẹ hin egbe ẹre rre, a ghi ya owa ẹre khian otiku. Osanobua ọvbehe i rrọ ne ọ sẹtin miẹn ọmwa fan vbenian.”

Daniẹl 3:30

Ẹre ọba ghi na viọ Siedrak, Mesiak kevbe Abẹdnigo ye ukpo ne ọ vbe yo sẹ vbe otọe e Babilọn.

Daniẹl 6:13

Iran keghi wanniẹn tama ọba wẹẹ. “E Daniẹl ne ọkpa vbe avbe ivbi e Juda ni rre iwe, i zẹdẹ da ne uwẹ, Umogun ra ne ọ vbe gha ya iyi ne uwẹ yi ru emwi. Ẹ i gbe erhunmwu ne a na igba eha vbe ẹdẹ re.”

Daniẹl 6:14

Ugbẹn vbe ọba họn ẹmwẹ na, ekhọe ẹre ma ghi sotọ, ọ keghi hia ne ọ gualọ odẹikodẹ ne ọ gha la fan e Daniẹl yotọ. Ọ keghi gha gualọ odẹ rhinrin ya sẹ ẹghẹ ne owẹn na defua.

Iwinna 17:7

Jasin keghi vbe viọ iran ye owa ẹre, vbe uwu iran hia, ọkpa ne ọ ya ẹmwẹ Nọgbaisi ru emwi ẹ i rrọọ, iran wẹ ọba ọvbehe vbe rrọọ, ne iran tie ẹre Jesu.”

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”