Daniẹl 3:11 - Edo Bible (E Baibol Ẹdo) Version 1996

¹¹ kevbe wẹ ọmwaikọmwa ne ọ ma ghughẹrre ya uhunmwu rhanmwẹ otọ, te a ra fi ẹe fi uwu erhẹn.

Daniẹl 3:11 ပူးပေါင်းရင်းမြစ်များ

Daniẹl 3:10

Wẹ ne Umogun ọ re ọ tae wẹ a gha suẹn emwi gha kpee, emwa hia ghi ghughẹrre ya uhunmwu rhanmwẹ otọ, ne amazẹ igoru,

Daniẹl 3:12

Ivbi e Ju eso rrọọ ne uwẹ viọ yọ ne ọ gha gbearoghe avbe otọe eso vbe Babilọn, iran na ọrọre Siedrak, Mesiak kevbe Abẹdnigo, iran na i zẹdẹ zẹ ye ẹmwẹ ne uwẹ ne ọba tae. Iran i gho avbe ẹbọ ruẹ amawẹ te iran ghi ra ya uhunmwu rhanmwẹ otọ ne amazẹ ne uwẹ maẹn.”

Daniẹl 3:6

Ọmwa ikọmwa ne ọ ma ghughẹrre ya uhunmwu rhanmwẹ otọ, a gha fiẹe fi uwu erhẹn vbe ọwarọkpa nii.”

Daniẹl 6:13

Iran keghi wanniẹn tama ọba wẹẹ. “E Daniẹl ne ọkpa vbe avbe ivbi e Juda ni rre iwe, i zẹdẹ da ne uwẹ, Umogun ra ne ọ vbe gha ya iyi ne uwẹ yi ru emwi. Ẹ i gbe erhunmwu ne a na igba eha vbe ẹdẹ re.”

Daniẹl 6:7

Ma hia fẹẹrẹ ni rre asẹ vbe otọe ruẹ na, iran ni su ẹvbo, avbe gọvina, avbe edayi e gọvina kevbe emwa ni rre ukpo nekpa, gba tae kugbe nẹ wẹ ne uwẹ ne ọba yi iyi, ne u vbe miẹn wẹ a wa kakabọ mu ẹẹn sẹ, yi ẹre iyi wẹ vbe uwu ikpẹdẹ ọgban, ne ọmwaikọmwa, ghẹ nọ emwikemwi vbe obọ ẹbọikẹbọ vbe ẹ i re vbe obọ uwẹ ne Umogun. Ọmwaikọmwa ne ọ rra iyi na, a ghi ya fi ẹe fi uwu uvun ne ọ vuọn ne oduma.

Iwinna 5:23

“Ma sẹ ẹwẹdọ ni, ma do vba ighẹ a khui urho ẹre hia, iran ni khẹ odẹ keghi vbe mudia ye dọmwadẹ onurho, sokpan ma ghi kie urho nian, ma ma miẹn ọmwarhọkpa vbe uwu ẹre!”