Daniẹl 2:49 - Edo Bible (E Baibol Ẹdo) Version 1996

⁴⁹ Zẹ vbene Daniẹl nọ rẹn, ọba keghi mu e Babilọn ne Siedrak Mesiak kevbe Abẹdnigo gha gbearoghe. Sokpan e Daniẹl kegha rre ẹguae Ọba.

Daniẹl 2:49 ပူးပေါင်းရင်းမြစ်များ

Ẹsta 2:19

Vbe uwu ẹghẹ na, ọba keghi rhie Modekai ye ukpo eghaẹvbo.

Ẹsta 2:21

Ẹghẹ ne Modekai na gha rre ukpo asẹ vbe ẹguae, e Bigtana kevbe Tẹrẹs, eva vbe uwu avbe ọghẹrriẹnoguan ni khẹ onurho ne a la la ughugha ọba, keghi gha kakabọ khọ ẹko Ọba Kzakzis, iran na khuan khẹ ọre ne iran gbe ẹe rua.

Ẹsta 3:2

Ọba keghi tama avbe irriegie ẹre hia wẹ ne iran gha diguẹ vbokho uhunmwu rriotọ ya gha rhie ọghọ ne ẹẹn. Iran hia keghi gele gha ru vberriọ sokpan e Modekai ne ọ khare wẹ rẹn i ru ẹe.

Itan 28:12

Emwa esi gha rre asẹ, agbọn hia ghi gha ghọghọ; sokpan, emwa dan gha re ukpo, edọmwadẹ ọghọe ghi rhie uhunmwu lẹre.

Jerimaia 39:3

(Iran ghi khọn mu e Jerusalẹm nẹ, avbe ekhaẹmwẹ nekhua hia ọghe ọba e Babilọn kegha die Onurho Adesẹ, iran na do totaa, ne usun ọ re iran ye ighe Negal Sareza, Semga Nebo, e Sasiekim deba Negal Sareza ọvbehe.)

Daniẹl 1:17

Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Daniẹl 1:7

Ọka ighele na keghi he iran eni ọvbehe: Bẹtẹsiaza, Siedrak, Mesiak kevbe Abẹdnigo.

Daniẹl 2:17

Ẹre Daniẹl na gha rrie owa, ọ na ya tama avbe ihua ẹre ighe Hananaia, e Misiaẹl kevbe Azaraia, emwi ne ọ sunu.

Daniẹl 3:1

E Nebukiadneza ne ọba keghi ya igoru ma amazẹ ne uyomwẹ ọnrẹn keve uvbẹmwẹ ọnrẹn re ibata ekigbesiyisẹn, ọ keghi mu ẹẹn ye otọe ne ọ rriẹe ọghe Dura vbe iyaẹvbo e Babilọn.

Daniẹl 6:2

Ye vbe sẹẹ ọnii, ọ keghi zẹ e Daniẹl kevbe arhin eva ọvbehe ne iran gha gbearoghe avbe gọvina na, kevbe ne iran gha kan ukọ ọha.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.