Daniẹl 2:46 - Edo Bible (E Baibol Ẹdo) Version 1996

⁴⁶ E Nebukiadneza ne Ọba keghi ghughẹ ya uhunmwu rhanmwẹ otọ, ọ na wẹ, ne a zọ ese kevbe ne a vbe yo imuohan gie Daniẹl.

Daniẹl 2:46 ပူးပေါင်းရင်းမြစ်များ

Ẹzra 6:10

Te a wẹ ne a ru ọna ne iran na gha zọ ese ne ọ gha yẹ Osanobua Ẹrinmwi, ne iran vbe na erhunmwu mẹ ne ọ fiangbe imẹ vbe emọ.

Daniẹl 3:5

Wa gha ghi họn vbe a kpe okpe, ẹgogo na lelẹe kevbe ighẹnghan, kevbe ukusẹ kevbe akpata, deba avbe emwi ọvbehe ne a ghi kpee hia. Wa gha wa họẹn vbe ọwarọkpa vbe ọ suẹnrẹn, wa ghi ghughẹrre ya uhunmwu rhanmwẹ otọ ne amazẹ ne ọba e Nebukiadneza maẹn.

Daniẹl 3:7

Rhunmwuda ọnii iran ghi wa họn vbe a kpee emwi ọwarọkpa nii, avbe emwa ni ke avbe uhunmwu ẹvbo rre nii kevbe ẹwae kevbe ẹvbo ne a zẹ keghi wa ghughẹrre ya uhunmwu rhanmwẹ otọ ne amazẹ ne Nebukiadneza maẹn.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Levitikọs 26:31

I gha ya ẹvbo uwa hia khian ni rẹnkhẹn uan, I gha guọghọ ehe ne uwa na ga. I ghi vbe he ese ne uwa zọre.

Iyẹn ne ọ Maan Ọghe Luk 17:16

Ọ keghi de gbe otọ vbe akharha Jesu, ọ na kpọnmwẹ ọẹn. Ovbi Sameria ọre nọ.

Iwinna 10:25

Ugbẹn vbe Pita ghi ra la owa, Kọniliọs keghi bu ẹre rre, ọ de fi ọre akharha, ọ keghi mu ẹko rhu otọ vbe odaro ẹre.

Iwinna 14:13

Ohẹn ẹbọ ọghe Ziọs, ne aro ẹbọ ẹre rre vbe a gha wa da ladian ore ẹvbo, keghi viọ ẹmila kevbe obobo gha die onurho. Rẹn kevbe emwa ni gbe ẹbu ye evba te ra do ru avbe ukọ.

Iwinna 28:6

Iran kegha ghe ẹre wẹ ẹ i ghi rre ọ hinmwiaẹn ra ne ọ de fianmwẹ otọ ne ọ wu. Iran ghi zẹ khẹ vbe ne emwi rhọkpa ne ọsughe ma na sunu vbe egbe ẹre, iran keghi fi unu werriẹ wẹ, “Ẹrinmwi oko na khin!”

Arhie Maan 11:16

Avbe ediọn enẹyanugie, ni tota ye ẹkete iran vbe odaro Osanobua, keghi dele viọ aro iran rhu otọ, iran ya uhunmwu rhanmwẹ otọ ne Osanobua.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.

Arhie Maan 22:8

Mẹ ne Jọn ọre ọ họẹn, I na vbe miẹn avbe emwi na hia. Ugbẹn vbe I ghi họn ehia, kevbe I ghi miẹn ehia fo nẹ, I keghi degbe otọ vbe akharha odibo Osa nii ne ọ rhie emwi na hia ma mwẹ, I na wẹ ne I ya uhunmwu rhanmwẹ otọ nẹẹn.