Daniẹl 2:45 - Edo Bible (E Baibol Ẹdo) Version 1996

⁴⁵ Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Daniẹl 2:45 ပူးပေါင်းရင်းမြစ်များ

Gẹnẹsis 41:26

Ẹmila ni tii ihinrọn nii, ukpo ihinrọn ọ re nọ kevbe osuọka ọka ne dẹudẹu ihinrọn nii, ukpo ihinrọn, ọre vbe nọ, emwi ọkpa ọre a ye iran kha.

Gẹnẹsis 41:28

Vbene I ka tama ruẹn nọ. Te Osanobua tama ruẹn emwi ne irẹn khian ru.

Gẹnẹsis 41:32

Ne a na miẹn wẹ igbaeva ọre u minaẹn, ọba, rhiema wẹ Osanobua mwamwa ẹn nẹ kevbe wẹ, ọ gha giẹe sunu vbe ọ ma he kpẹe wan.

II Samuẹl 7:22

A miẹn vbe u kpọlọ hẹ Nọyaẹnmwa ne Udazi! Ọvbehe ne ọ yevbe ruẹ, ẹ i rrọọ, ma wa rẹn ke otọ gha dee ighẹ wẹ ọkpa ọrọre Osanobua.

I Krọnikol 16:25

E Nọyaẹnmwa kpolo, ne a kakabọ rho nọ te a ra gha rhie uyi ne ẹẹn sẹ avbe ẹbọ hia.

Nehimaia 4:14

I ghi miẹn wẹ afianma fian iran, I keghi tama iran, kevbe avbe olotu iran ke emwa ni rre ukpo vbọ wẹẹ, “Wa ghẹ gie ohan avbe eghian ima mu uwa, wa yerre vbene Nọyaẹnmwa kpọlọ hẹ kevbe vbene ọ gbe orrirri hẹ ne uwa gbinna ne ivbi ẹvbo uwa kevbe avbe ivbi uwa, amwẹ uwa kevbe owa uwa.”

Nehimaia 9:32

“Osanobua, Osanobua mwa, a miẹn vbe u kpọlọ hẹ! ugborrirri ne ọ mwẹ ẹtin eyan ne u yan rẹn hia, u keghi ya ẹkoata mu ẹẹn sẹ ke ẹghẹ ne avbe ọba Asiria ya gha zẹ ima owẹ gha dee uhin do sẹ wanwanna, a miẹn oya ne ima he re. Avbe ọba mwa, avbe ọkaolotu, avbe ohẹn mwa kevbe avbe akhasẹ avbe erha mwa odede, kevbe emwa ima hia, ehia rri oya. Yerre vbene ima he rri oya sẹhẹ!

Job 36:26

Ma i sẹtin wa rẹn ukpọlọmwẹ ọnrẹn fo, ra ne a ka inu ukpo ne ọ ye.

Psalm 135:5

Mẹ rẹnrẹn wẹ Osanobua mwa kpolo, ọ kpọlọ sẹ avbe ẹbọ hia.

Psalm 145:3

E Nọyaẹnmwa kpolo, ọmwa ne a kakabọ rho ẹre vbe nọ, ukpọlọmwẹ ọnrẹn gberra ne ọ gia rẹn otọ ẹre.

Psalm 2:9

U gha ya umọmọ rẹnkhẹn iran, u gha zagha iran kua ukhiọnmwẹ, zẹ vbe akhe.’ ”

Psalm 48:1

E Nọyaẹnmwa kpọlọ ne avbe kakabọ rho ọre nọ vbe ẹvbo Osanobua mwa; vbe uhunmwu oke ne ọ huanrẹn ọghọe.

Psalm 96:4

Ọmwa ne ọ kpọlọ ọ re Nọyaẹnmwa khin, ọ vbe ke ne a kakabọ rho ẹre; te a gha rhie ọghọ ne ẹẹn sẹẹ avbe ẹbọ hia.

Aizaia 28:16

Vbe ne Nọyaẹnmwa ne Udazi ghi kha hẹ ọ re ọna khin nian, “I ra mu ẹyotọ ọkpa ne ọ deziẹn kevbe ne ọ wegbe ye Zaiọn. I ra vbe mu okuta ẹyotọ ọkpa ne ọ wegbe yọ, a keghi gbẹnnẹ ẹmwẹ vbenian yan rẹn, ‘Iyayi ne ọ deziẹn, te ọ vbe ziengbe.’

Daniẹl 2:24

Ẹre Daniẹl na bu Ariọk, ọmwa ne ọ ba gie wẹ ne ọ giagia avbe eguọbaziro uhunmwu kua. Ọ tama rẹn wẹẹ, “Ghẹ gbele iran an. Rhie mwẹ bu ọba, I gha tama rẹn emwi ne a ya imina rẹn kha.”

Daniẹl 2:28

Sokpan, Osanobua ọkpa ne ọ rhie emwi oro ma emwa rre ẹrinmwi. Rẹn tama ruẹn nẹ emwi ne ọ ra do sunu ẹdẹnakhuẹ. Umogun. Banbanna nian, I ra ta imina nii nu u miẹn vbe u vbiẹ ma ruẹn.

Daniẹl 2:29

“Ugbẹn vbe u ghi vbiẹ, Umogun, u keghi mina vbekpa ẹdẹnakhuẹ, Osanobua ne ọ rhie emwi oro ma emwa, keghi rhie ma ruẹn emwi ne ọ ra do sunu.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Daniẹl 8:25

Rhunmwuda ighe ọmwa ero nọ, emwi ero ne ọ ru hia ghi wa gha dunna ne ẹẹn. Rẹn gha wa gha ye emwi ne irẹn khin hio, ọ ghi vbe fuẹn emwa nibun uan vbe a ma ro a ma kọ, uhin ighe te ọ ra yagha Ọba ne ọ kpọlọ Sẹehia fẹẹrẹ sokpan, a gha fuẹn ọnrẹn uan vbe ne a i na lo ẹtin ọmwa nagbọn hiehiere.

Hagai 2:22

I ghi ya avbe arriọba kevbe ẹtin iran uhunmwu rhu, I gha ya avbe ikẹkẹ okuo kevbe iran ni hin iran uhunmwu rhu, avbe ẹsin gha wulo, iran ni hin iran khian gha gbele egbe ua.

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 21:24

Jesu wanniẹn tama iran, “I gha nọ uwa ọta ọkpa kẹkan wa gha rhie ewanniẹn mẹ, I gha tama uwa asẹ ne I mwẹ ne I ya ru emwi na hia.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Iyẹn ne ọ Maan Ọghe Luk 17:20

Avbe Farisi eso na nọ Jesu ẹghẹ ne Arriọba gha ya rre. Rẹn wanniẹn tama iran wẹẹ, “Ariọba Osanobua i rre ne a do gha kpe ghe ẹre vbe ọ gha rre.

Diuteronomi 10:17

E Nọyaẹnmwa Osanobua uwa kpọlọ sẹ ẹbọ hia kevbe ẹtin hia. Ọmwa ne ọ kpọlọ ne ọ mwẹ ẹtin rẹn khin, ọmwa ne ọ kere ne a gha mu ohan ẹnrẹn ẹsẹse. Ẹ i gbe ghe obọ okpa, ẹ i miẹn igho iyeke.

Arhie Maan 1:19

Rhunmwuda ọnii, gbẹnnẹ emwi ne aro ruẹ miẹn ye otọ, kevbe avbe emwi ni rrọọ nian, kevbe avbe emwi ni gha he sunu vbe iyeke akhuẹ.

Arhie Maan 19:17

I keghi bẹghe odibosa ọkpa vbe ọ mudia ye owẹn. Ọ keghi davan tama avbe ahianmwẹ ni tin khian vbe aro iso wẹẹ, “Wa gha dee do si egbe koko ye eghọ nọkhua ọ ghe Osanobua.

Arhie Maan 4:1

Ẹghẹ na ọre I na vbe miẹn umian ọvbehe, I na bẹghe urho ne a kie ye otọ ọkpa vbe ẹrinmwi. Urhu ne ọ ye vbe ne a si orhu, ne ọ ka gha gun mwẹ guan usin keghi kha wẹ, “Hin odukhunmwu gha die edinran, I gha rhie emwi ne ọ gha sunu vbe iyeke ọnọna ma ruẹn.”