Daniẹl 2:41 - Edo Bible (E Baibol Ẹdo) Version 1996

⁴¹ U vbe miẹn wẹ owẹ ọre kevbe ikpinhianwẹ ẹre kegha re azẹguagua ekẹn kevbe ematọn. Ọnii rhie ma wẹ, arriọba ne ọ gha wannọ egbe nọ. Ọ gha vbe mwẹ ẹtin eso ne ọ gha ye vbe ọghe ematọn, rhunmwuda a ya ematọn gua obuẹ nii.

Daniẹl 2:41 ပူးပေါင်းရင်းမြစ်များ

Daniẹl 2:40

“Vbe iyekọnii, arriọba ogienẹ gha vbe guakpao, ọ gha wegbe zẹ vbe ematọn, ne ọ dunmwu, kevbe ne ọ rẹnkhẹn emwi hia a. Erriọ rẹn gha rẹnkhẹn, ọ gha vbe dunmwu avbe arriọba ni ka rrọ hia a.

Daniẹl 2:42

Avbe ikpinhianwẹ ọre ne obọ ọkpa na re ematọn, obọkpa re obuẹ, rhie ma wẹ ihe eso vbe arriọba nii gha wegbe, ihe eso vbọ i ra wegbe.

Daniẹl 7:24

Avbe igho igbe nii keghi re avbe ọba igbe ni gha rriọba vbe otọe arriọba nii. Iyekọnii, ọba ọvbehe gha vbe ladian, ọ gha wa lughaẹn ne nekpa hia ni kagha rre, ọ gha munọ avbe ọba eha gbotọ.

Daniẹl 7:7

Ehe ne I na ye ghe ẹre nii aranmwẹ ne ogienẹ keghi ladian ọ wa mwẹ ẹtin ne ọ mu ọmwa ohan, ọ gbe orrirri. Akọn ematọn ẹnrẹn ne lẹulẹu, ọ re ọ ya piẹn emwi ne ọ miẹn gbe, ọ ghi ya owẹ mama iran ginna otọ. Ọ keghi mwẹ igho igbe ne ọ ya lughaẹn ne avbe aranmwẹ nekpa.

Arhie Maan 12:3

Ama ọvbehe keghi vbe rhie egbe maa vbe iso. Ugbogiorinmwi ne gẹdẹgbẹ ọkpa ne ọ baa kegha rre evba, ọ keghi mwẹ uhunmwu ihinrọn, igho igbe, ẹde ọkpọkpa kegha rre dọmwadẹ uhunmwu ẹnrẹn.

Arhie Maan 13:1

Iyeke ọnii, I keghi ya bẹghe aranmwẹ oha ọkpa vbe ọ ke uwe okun ladian dee, ọ keghi mwẹ igho igbe kevbe uhunmwu ihinrọn. Ẹdẹ keghi rre ọkpọkpa vbe uwu avbe igho na, a keghi gbẹn eni uyinmwẹ dan ye ọre uhunmwu.

Arhie Maan 17:12

“Igho igbe ne a u bẹghe, kegha re ọba igbe ni ma he suẹn gha rri ọba, sokpan, a gha rhie asẹ ne iran ne iran gu aranmwẹ oha nii rriọba la ẹgogo ọkpa.