Daniẹl 2:4 - Edo Bible (E Baibol Ẹdo) Version 1996

⁴ Iran keghi ya ẹvbo Aremia tama rẹn wẹẹ, “Ọba gha tọ, ọ kpẹre, ta imina ne u minaẹn ma ima, ma gha rhan otọ ẹre ma ruẹn.”

Daniẹl 2:4 ပူးပေါင်းရင်းမြစ်များ

Gẹnẹsis 31:47

E Leban keghi he ẹre Jaga-saha-duta, e Jekọb keghi he ẹre Salid.

Gẹnẹsis 41:8

Owiẹ ghi rre, ekhọe ẹre hia keghi rhia, ẹre ọ na gie ne a tie avbe ọbo edunna kevbe umẹwaẹn ni rre Igipt hia. Ọ keghi ta imina rẹn ma iran, sokpan a ma miẹn ne ọ sẹtin rhan otọ ẹre na ẹn.

I Ọba 1:25

Vbe ẹdẹ nẹrẹ na zẹẹ nian, ọ ya gbele avbe ẹmila, ohuan kevbe ẹkhuia abẹgbe ni bun ya zọ ese, ọ keghi gie ne a tie avbe ivbi uẹ hia, kevbe Joab ne ọkaokuo ivbi iyokuo ruẹ kevbe Abiata ne ohẹn. Wanwanna nian, iran wa re iran da, iran hia gha go kha wẹẹ, ‘Adonaija ne ọba gha tọ ẹ kpẹre!’

I Ọba 1:31

E Batsiẹba keghi vbokho uhunmwu rriotọ, ọ wẹẹ, “Enaẹmwẹ ne ọba gha tọ, ọ kpẹre.”

II Ọba 18:26

Ẹre Eliaikim, Siebna kevbe Joa na kha wẹẹ, “Zẹ Aremia ya gha gu ima guan enọwanrẹn ighẹ ma họn, ghẹ ghi zẹ e Hibru, iran hia ni tẹn lele egbekẹn gha danmwehọ.”

Ẹzra 4:7

Erriọ vbe nọ, ẹghẹ ne Atakzaziz ne ọgbaisi e Pẹsia na vbe gha rre ẹkete, e Bislam, e Mitredat, e Tabil kevbe ivbi otu iran keghi gbẹn ebe mu gie ọgbaisi. Ẹvbo Arameik ọ re iran ya gbẹn ebe nii, Iran na wẹ ne a zedu ẹre vbe a gha tie ẹre.

Nehimaia 2:3

Rhunmwuda ọnii, I keghi wanniẹn wẹẹ, “U gha tọ u kpẹre Umogun, vbọzẹ ne ekhọe mwẹ i ra na rhia ugbẹn vbe a miẹn wẹ ẹvbo ne a re avbe erhamwẹ odede yi, a rẹnkhọn ruan, a keghi ya erhẹn giẹn urho ne ọ rrọọ?”

Aizaia 36:11

Ẹre Eliaikim, e Siebna kevbe Joa na tama avbe ọkaokuo nii wẹẹ, “Zẹ ẹvbo Aram ma ima. Ma wa họn, ghẹ ghi zẹ e Hibru, emwa ni tota lele uhunmwu ekẹn na wa danmwehọ.”

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Daniẹl 1:4

Iran ghi gha re emọ ni mose, ni mwẹ ẹwaẹn, ne a ma ẹre emwi ẹse, ni rherhe rẹn emwi ne a ma iran ẹre, ne ẹ i vbe mwẹ ehe ne emwi na ru ẹre egbe rhọkpa, ne iran miẹn ehe na gha re emwa ni gha winna vbe uwu ẹguae ọba. Aspenaz ghi vbe ma iran vbene a tie kevbe vbe a gbẹn ẹvbo ne emwa e Babilọn zẹ hẹ.

Daniẹl 2:7

Iran keghi dọlegbe zẹ wanniẹn ọba wẹẹ, “Adeghẹ u ta imina ni ma ima Umogun, ma gha rhan otọ emwi ne a yae kha ma ruẹn.”

Daniẹl 3:9

Iran keghi ya tama e Nebukiadneza wẹẹ, “U gha tọ u kpẹre, Umogun.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 4:7

Ẹre avbe ọbo hia, avbe ebo edunna hia, avbe azẹn kevbe avbe iwe uki, a na viọ ehia bu mwẹ gha dee, I na ta imina mwẹ ma iran; sokpan iran ma sẹtin rhan otọe ẹre.

Daniẹl 4:9

Bẹtẹsiaza ne ogiọbo, mẹ rẹnrẹn wẹ orhiọn avbe ẹbọ nihuanrẹn rre uwu uwẹ kevbe wẹ, wẹ rẹn otọ avbe emwi ọkpaodin hia. Ọna ọrọre imina ne I minaẹn, ta emwi ne a yae kha ma mwẹ.

Daniẹl 5:10

Iye ọba keghi họọn owogho ne ọ ke ehe ne ọba kevbe avbe ekhaẹmwẹ ọnrẹn ye rre, ọ keghi la Ọgua ne iran na rrie evbare nii, ọ keghi kha wẹẹ, “U gha tọ u kpẹre Umogun, lahọ ghẹghi fian afianma ne u wa kuagha vbe nian.

Daniẹl 5:8

Avbe iguọbaziro na keghi rre, sokpan a ma miẹn ọkpa ne ọ sẹtin tie emwi ne a gbẹnnẹ nii ra ne ọ vbe tama ọba emwi ne a ya ẹe kha.

Daniẹl 6:21

E Daniẹl keghi wanniẹn wẹẹ, “U gha tọ u kpẹre, Umogun.

Daniẹl 6:6

Iran keghi rhunmwuda ọnii bu ọba gha khian, iran taa ma rẹn wẹẹ, “E Dariọs ne ọba, u gha tọ u kpẹre, Umogun.

Daniẹl 6:7

Ma hia fẹẹrẹ ni rre asẹ vbe otọe ruẹ na, iran ni su ẹvbo, avbe gọvina, avbe edayi e gọvina kevbe emwa ni rre ukpo nekpa, gba tae kugbe nẹ wẹ ne uwẹ ne ọba yi iyi, ne u vbe miẹn wẹ a wa kakabọ mu ẹẹn sẹ, yi ẹre iyi wẹ vbe uwu ikpẹdẹ ọgban, ne ọmwaikọmwa, ghẹ nọ emwikemwi vbe obọ ẹbọikẹbọ vbe ẹ i re vbe obọ uwẹ ne Umogun. Ọmwaikọmwa ne ọ rra iyi na, a ghi ya fi ẹe fi uwu uvun ne ọ vuọn ne oduma.

Matiu 21:9

Avbe emwa ni ke odaro ne Jesu kevbe ni rre ọre odieke keghi tọn urhu mu kha wẹẹ, “Urhomwẹ nọ ne ovbi e Devid. Afiangbe Osanobua nọ ne ọmwa ne ọ dee vbe eni Nọyaẹnmwa, Uyi nọ ne Osanobua.”

I Samuẹl 10:24

E Samuẹl keghi Tama emwa nii wẹẹ, “Wa ghe ọmwa ne Nọyaẹnmwa zẹẹ, ọmwa ọvbehe ne ọ yevbe ọre vbe uwu ima i rrọọ.” Iran hia keghi wa we wẹẹ, “Ọba gha tọ ọ kpẹre!”