Daniẹl 2:39 - Edo Bible (E Baibol Ẹdo) Version 1996

³⁹ Wẹ gha ghi vbe ru ọwuẹ gberra nẹ, arriọba ọvbehe gha vbe guakpao sokpan ẹ i ra kpọlọ vba ọwuẹ, vbe iyekọni, arriọba ogieha ne ọ gha vbe gha re ọghe oze, ọ gha vbe khaemwisẹ yan otọe agbọn hia.

Daniẹl 2:39 ပူးပေါင်းရင်းမြစ်များ

Aizaia 44:28

I tama Sairọs wẹẹ, ‘Wẹ ọrọre ọmwa ne ọ gha ya gha khaemwisẹ mẹ; u gha ru vbene I ho ne u ru: U gha tae wẹ ne a dọlọ bọ Jerusalẹm kevbe wẹ ne a gbe ẹyotọ ọgua Osa.’ ”

Daniẹl 10:20

Rẹn keghi tama mwẹ wẹẹ, “U rẹn emwi ne ọ zẹe ne I na bu ruẹ gha dee ra? Te I rre do ma ruẹn emwi ne a gbẹnnẹ ye Ebe Ẹmwata. Banbanna nian, I gha werriegbe gha khian ne I ya gu odibosa ne ọ su Pẹsia gbinna. Vbe iyeke ọnii, odibosa ne ọ su e Gris gha rre. Ọmwa ọvbehe i rrọ ne ọ gha yọmwẹ obọ gberra e Maikẹl ne odibosa ne ọ su Izrẹl.

Daniẹl 2:32

Igoru ne ọ ghi mose sẹ ọ re a ya maa uhunmwu ẹnrẹn, a keghi ya esiliva maa ẹwẹe, kevbe avbe obọ ẹre, ẹkun kevbe ikebe ẹre, a keghi ya oze maa enii,

Daniẹl 2:38

Ọ ya uwẹ ru ne ọ khaemwisẹ yan ehe ne agbọn sẹe ehe ne ọ rhanmwẹ nẹ, ne ọ khaemwisẹ yan avbe aranmwẹ kevbe ahianmwẹ. Wẹ ọrọre uhunmwu ne ọ re igoru ne ọ rrọọ.

Daniẹl 2:40

“Vbe iyekọnii, arriọba ogienẹ gha vbe guakpao, ọ gha wegbe zẹ vbe ematọn, ne ọ dunmwu, kevbe ne ọ rẹnkhẹn emwi hia a. Erriọ rẹn gha rẹnkhẹn, ọ gha vbe dunmwu avbe arriọba ni ka rrọ hia a.

Daniẹl 7:23

Ewanniẹn ne ọ rhie mẹ ọ re ọna khin: “Aranmwẹ ne ogienẹ keghi re arriọba ogienẹ ne ọ ra rrie agbọn, ọ gha vbe lughaẹn ne avbe arriọba nekpa hia fẹẹrẹ. Ọ gha piẹn otọ agbọn na hia gbua, ọ ghi ya owẹ rrilo ẹe ginna otọ.

Daniẹl 8:20

“Ogho ne u miẹn ne ọ mwẹ igho eva nii, mudia ye ihe avbe arriọba e Midia kevbe Pẹsia.

Daniẹl 8:21

Ẹwe ne ọ rrọ mudia ye ihe arriọba e Gris, igho ne bọzi ne ọ rre ẹkpo aro ẹre eveva keghi mudia ye ihe ọba ne okaro vbọ.

Zẹkaraia 6:3

ne ogieha, avbe ẹsin nọfua; ne ogienẹ avbe ẹsin ni gbẹnnẹ ekẹnnẹkẹnnẹ.

Zẹkaraia 6:6

Ikẹkẹ okuo ne avbe ẹsin nekhui si, keghi mu uhunmwu da odẹ okuọ gha rrie Babilọn. Avbe ẹsin nọfua keghi mu aro da odẹ orrie, iran ni gbẹnnẹ ekẹnnẹkẹnnẹ keghi mu aro da ẹvbo ni rre odẹ ekẹn.