Daniẹl 2:37 - Edo Bible (E Baibol Ẹdo) Version 1996

³⁷ U gha tọ u kpẹre, Umogun, wẹ ọrọre ne ọ ghi kpọlọsẹ vbe uwu avbe ọha hia. Osanobua ne ọ rre ẹrinmwi ọ re ọ ma uwẹ ọgbaisi, ọ keghi rhie ẹtin kevbe iwegbe kevbe uyi nuẹn.

Daniẹl 2:37 ပူးပေါင်းရင်းမြစ်များ

I Ọba 4:24

E Solomọn kegha khaemwisẹ yan otọe ni rre orrie Ẹzẹ Yufretes hia kevbe Tifsa vbe Yufretes ya sẹ ẹvbo e Gaza vbe orrie ne gbaan. Avbe ọba hia ni rre odẹ orrie ọghe Yufretes kegha ga gie ẹe, rẹn vbe ẹvbo ni lẹga ẹre hia keghi gba gha rrọ vbe ọfumwegbe.

II Ọba 25:28

Iyomẹrodak keghi ye obọ esi mu ẹẹn. Ọ keghi rhie ukpo ne ọ yo sẹ ọghe avbe ọba nekpa ni vbe rre iwe vbe ehe ne ọ ye ne ẹẹn vbe Babilọn.

II Krọnikol 36:23

“Vbenian ọre Sairọs ne Nọgbaisi e Pẹsia khare. E Nọyaẹnmwa ne Osanobua ọghe Ẹrinmwi, ọ re ọ ya mwẹ ma ọba yan otọe agbọn hia, ọ na vbe ya ẹe fian okhuo mẹ wẹ ne I bọ Ọgua Osa ne irẹn vbe Jerusalẹm vbe otọe e Juda. Rhunmwuda ọnii nian, wa hia ni re emwa Osanobua, wa gha rrie odọ nii, te Nọyaẹnmwa ne Osanobua uwa gha deba uwa.”

Ẹzra 1:2

“Ẹmwẹ ne Sairọs ne Ọgbaisi ọghe Pẹsia tae ọ re ọna khin, E Nọyaẹnmwa ne Osanobua ọghe Ẹrinmwi ọre ọ ya mwẹ ru nọ khaemwisẹ yan uhunmwu otọ agbọn hia, ọ kevbe ya ẹe wa iwinna mẹ wẹ ne I bọ Ọgua Osa ne irẹn vbe Jerusalẹm ne ọ rre Juda.

Ẹzra 7:12

“Atakzaziz ne Ọgbaisi ọ re ọ gbẹnnẹ avbe ẹmwẹ na gie Ẹzra ne ohẹn ne ọ vbe re ọrẹnbe ọghe Uhi e Nọyaẹnmwa ne Osanobua Ẹrinmwi.

Psalm 62:11

Ọ gberra uhukpa ne I he họn ẹn vbe Osanobua khare wẹ rẹn ọ re ọ yan ẹtin.

Itan 8:15

I ru iyobọ ne avbe ọba ya khaemwisẹ, kevbe ne irriegie ya gha yi uhi esi.

Aizaia 10:8

Rẹn keghi rhuọ wẹẹ, “Ọba ọ re ọkpọkpa vbe uwu avbe ọkaokuo mwẹ khin!

Aizaia 47:5

E Nọyaẹnmwa tama e Babilọn wẹẹ, “Tota ne u hunwan hii vbe uwu ebiebi a i ghi dọlegbe tie ruẹ oloi avbe uhunmwu ẹvbo!

Jerimaia 28:14

E Nọyaẹnmwa ne Oghodua, ne Osanobua Izrẹl khare ighe rẹn gha mu urọnghọn ematọn ye urhu avbe uhunmwu ẹvbo na hia, iran ghi vbe ga e Nebukiadneza ne ọba e Babilọn. E Nọyaẹnmwa tae ne wẹ uhin ighe te irẹn ra wẹ ne avbe aranmwẹ oha gha ga e Nebukiadneza.”

Jerimaia 34:1

Ẹghẹ ne Nebukiadneza ne ọba e Babilọn ke ẹe ke ivbiyokuo ẹre, na gha khọn e Jerusalẹm kevbe avbe ẹvbo ni dekẹe, vbe avbe agbọn ẹvbo hia ni ga gie ẹe na vbe viọ obọ ye ọre iyeke, e Nọyaẹnmwa keghi gun mwẹ guaan.

Ezikiẹl 26:7

E Nọyaẹnmwa ne Udazi khare wẹẹ, “I ra mu ọba ne ọ ghi wegbe sẹ ehia, ighẹ e Nebukiadneza ne ọba e Babilọn rre ne ọ do khọn e Taia. Ọ gha ke odẹ okuọ rre ke irẹn kevbe ivbiyokuo nibun kevbe avbe ẹsin deba avbe iran ni hin ẹsin.

Daniẹl 1:2

E Nọyaẹnmwa keghi gie ẹe khọn mu e Jehoiakim, ọ na vbe viọ emwi eso vbe uwu emwighobioye ni rre Ọgua Osa ọ keghi viọ emwa eso oghunmwu gha rrie aro ẹbọ ọghọe vbe Babilọn, ọ keghi vbe viọ avbe emwi ne ọ viọ vbe okuo eso ye uwu aza aro ẹbọ.

Daniẹl 2:31

“Ugbẹn vbe u ghi rre imina, Umogun, u keghi miẹn ọmwa ne a maẹn ọkpa gẹdẹgbẹẹ, ọ keghi mudia ye odaro ruẹ ọ fi wainwain, ọ mose, ọ keghi vbe mu ọmwa ohan vbe a gha ghe ẹre.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Daniẹl 4:19

E Daniẹl ne a vbe tie ẹre Bẹtẹsiaza ghi họọn ẹmwẹ na, afianma keghi fian ẹn sẹ vberriọ wẹ ọ ma sẹtin ta ẹmwẹ rhọkpa. Ọba keghi tama rẹn wẹẹ, “Bẹtẹsiaza ghẹ gie imina na kevbe emwi ne a ya ẹe kha fian an afianma hiehiere.” E Bẹtẹsiaza keghi wanniẹn wẹẹ, “Umogun, ọ gha te yẹ mwẹ akpawẹ, imina na kevbe emwi ne a ya ẹe kha, eghian ruẹn ọ re a taa ẹe gie ighe ẹ i re uwẹ.

Daniẹl 4:22

“Umogun, wẹ ọrọre nene erhan nii ne ọ taẹn kevbe ne ọ dido. U kpọlọ sẹrriọ wẹ te u ghi sẹ iso, ẹtin ruẹn, te ọ tan obọ gba agbọn na hia.

Daniẹl 4:25

A gha khu uwẹ fua hin uwu ẹbu emwa nagbọn rre, u gha ya deba avbe aranmwẹ oha gha rrọọ. U gha rri irunmwu zẹ vbe ẹmila la ukpo ihinrọn, u ghi gha vbiẹ adesẹ ore ehe ne evbu gha na gha tuo yan ruẹn. Ẹghẹ nii, u ghi do miẹnkue wẹ Osanobua ne ọ Sẹehia ọ re ọ khaemwisẹ yan arriọba agbọn na hia kevbe wẹ ọ sẹtin munọ iran ne ọmwa ne ọ rhirhi khọn rẹn.

Daniẹl 4:3

“ ‘U miẹn vbe ọyunnuan ne Osanobua rhie ma mwa kpọlọ hẹ! U miẹn vbe avbe iwinna ọyunnuan rẹn ne ọ winna kọnkọn hẹ! Osanobua ọ re ọ khian gha re ọba ẹdẹdẹmwẹdẹ ọ gha rre asẹ ẹdẹ kevbe ẹdẹdẹmwẹdẹ.’

Daniẹl 4:32

A gha khu uẹ hin ẹbu emwa nagbọn rre, ya gha deba avbe aranmwẹ oha khian, gha rri irunmwu zẹ vbe ẹmila vbe ukpo ihinrọn. Ẹghẹ nii u gha miẹn kue ighe Osanobua ne ọ Sẹehia mwẹ ẹtin vbe uhunmwu avbe arriọba otọ agbọn, kevbe wẹ ọ sẹtin munọ iran ne ọmwaikọmwa ne ọ khọn rẹn.”

Daniẹl 4:34

Ọba keghi kha wẹẹ, “Ugbẹn vbe ukpo ihinrọn nii ghi ghaa nẹ, I keghi tọn aro mu ghe iso, ẹrherhe mwẹ keghi gba vbe uhunmwu. I keghi rho Osanobua ne ọ Sẹehia, I keghi rhie ọghọ kevbe uyi ne irẹn nii ne ọ rrọ ẹdẹdẹmwẹdẹ. “ ‘Rẹn gha rriọba ẹdẹdẹmwẹdẹ otọe arriọba ẹre gha rrọ etẹbitẹghori.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Daniẹl 7:14

A keghi rhie asẹ, uyi, kevbe ẹtin ọba nẹẹn, ne emwa uhunmwu ẹvbo hia, emwa, kevbe ẹvbo ne a zẹ, miẹn ehe na gha kpe gae. Asẹ ọre ghi gha rrọ rhinrin ẹdẹ, arriọba ẹre i vbe mwẹ ufomwẹ.

Hozia 8:10

“Sokpan banbanna nian, mẹ ra si iran koko ne I rri iran oya. Vbe ọ ma he kpee wan, iran gha wunnu yo wunnu rre vbe uwu obalọ, vbe ọba Asiria a ra gha wọ iran uhunmwu.

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Iyẹn ne ọ Maan Ọghe Jọn 19:11

Jesu wanniẹn tama rẹn wẹ, “Akpawẹ Osanobua ma rhie ẹtin na nu ẹn, u i ghẹ gha mwẹ asẹ rhọkpa vbe egbe mwẹ. Rhunmwuda ọnii, ọmwa ne ọ mu mwẹ guẹ ọre ọ rri abe ne ọ sẹre.”

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 19:16

A keghi gbẹnnẹ avbe ẹmwẹ na ye ẹwu ne ọ yọe kevbe owẹ ọre wẹẹ, “Ọba avbe iran ne ọba kevbe Nọyan iran ni yaẹn emwa.”

Arhie Maan 4:11

“Nọyaẹnmwa kevbe Osanobua mwa! Wẹ sẹe ne ọ gha miẹn uyi kevbe ọghọ, kevbe ẹtin. Rhunmwuda wẹ ọre ọ yi emwi hia. Zẹ vbene u ho, ọre u ya rhie arrọọ ne iran kevbe ẹfe.”

Arhie Maan 5:12

Iran keghi ya urhu le ọ la so ihuan wẹẹ: “Oteghe Ohuan ne a te gbe ua sẹe, Ne ọ gha miẹn asẹ ẹfe, ẹwaẹn kevbe ẹtin. Uyi, ọghọ kevbe urhomwẹ!”