Daniẹl 2:35 - Edo Bible (E Baibol Ẹdo) Version 1996

³⁵ Vbe ọwarọkpa nii, ematọn ne ọ rrọọ, kevbe obuẹ, kevbe oze kevbe esiliva kevbe igoru na wa rẹnkhẹẹn uan, ọ yevbe ebubẹ vbe ehe ne a na dunmwu ọka vbe ẹghẹ okhuakhua, ẹhoho keghi kpolo ehia gha rrie, a na wa ho ehia bẹkun. Sokpan, okuta ne ọ rrọọ keghi do digba khian oke nọkhua, ne ọ wa gba otọe agbọn hia.

Daniẹl 2:35 ပူးပေါင်းရင်းမြစ်များ

Job 6:17

Sokpan, owowo gha rre, a ghi ho ehia bẹkun. Otọe ẹzẹ ni ghi dihoi rua, ọ ghi kakaa.

Psalm 103:16

Ẹhoho ghi guọnmwẹ ọẹn ọghọe fo vbotọ, ọmwarhọkpa i ghi miẹn ọẹn ọvbehe.

Psalm 22:27

Agbọn ẹvbo hia gha ye Nọyaẹnmwa rre, iran gha ke igienenẹ agbọn, bu ẹre rre. Ivbi ẹvbo ughughan gha rho ẹre.

Psalm 37:10

Vbe ọ ma he kpee wan, a gha ho emwa dan bẹkun. U gha gualọ iran sokpan u i ra miẹn iran.

Psalm 37:36

Sokpan, I ghi la evba gberra vbe okiekie, ẹi ghi rre evba ọvbehe I gualọ ẹe, sokpan, I ma miẹn ọẹn.

Psalm 46:9

Ọ dobọ okuo yi vbe uhunmwu otọ agbọn hia ọ bunnọ avbe uhanbọ ọ vbiolo avbe asoro ọ keghi vbe giẹn avbe asa a vbe erhẹn.

Psalm 66:4

Emwa ni rre agbọn hia ọ re ọ ga a iran ghi gha so ihuan urhomwẹ ghe ruẹ iran ghi gha so ihuan urhomwẹ ghe eni ruẹn.”

Psalm 86:9

Uhunmwu ẹvbo ne uwẹ he yi hia, gha rre do ya uhunmwu rhanmwẹ otọ nuẹn iran gha rho ukpọlọmwẹ ruẹn.

Aizaia 11:9

A i ra miẹn emwi dan okpa ra emwi ne ọ kuan ọmwa egbe vbe Zaiọn, ne oke nọhuanrẹn ọghe Osanobua. A rẹn e Nọyaẹnmwa gha vuọn otọe nii zẹ vbene amẹ vuọn okun.

Aizaia 8:9

Wa ne uhunmwu ẹvbo, wa ya ohan si egbe koko! Wa danmwehọ, wa ne ẹvbo ni rre urria vbe otọ agbọn na. Wa mu egbe ne uwa ya gbinna. Sokpan, wa gie ohan gha mu uwa. Ẹn, wa mu egbe ne uwa ya gbinna, sokpan, wa gie ohan gha mu uwa.

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Hozia 13:3

Rhunmwuda ọnii, a gha ho iran na bẹkun vbe evbu owiẹ ne ọ wa khian ne a ma ghi miẹn vbe ẹdẹ ma he khian hiehiere. Iran gha yevbe ebe ne ọ kakae ne ẹhoho hoho kua vbe ehe ne a na wiẹn ọka, zẹ vbe ighogho ne ọ ke ukoni ladian.

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

I Kọrinti 15:25

Rhunmwuda, ẹ i mwẹ Kristi ma gha khaemwisẹ rhinrin Osanobua te do khọn miotọ vbe uhunmwu eghian hia, ọ ghi vbe viọ ehia ye ototọ owẹ ọre.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 12:8

Sokpan obọ ke ukhunmwu ne Ugbogiorinmwi nii, a ma ghi vbe kue ne irẹn vbe avbe odibo ẹre di ẹrinmwi ya ọvbehe.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.