Daniẹl 2:29 - Edo Bible (E Baibol Ẹdo) Version 1996

²⁹ “Ugbẹn vbe u ghi vbiẹ, Umogun, u keghi mina vbekpa ẹdẹnakhuẹ, Osanobua ne ọ rhie emwi oro ma emwa, keghi rhie ma ruẹn emwi ne ọ ra do sunu.

Daniẹl 2:29 ပူးပေါင်းရင်းမြစ်များ

Gẹnẹsis 41:25

E Josẹf keghi tama ọba wẹẹ, “Emwiọkpa ọre a ya imina eveva na kha. Te Osanobua tama ruẹn emwi ne irẹn khian ru.

Ezikiẹl 38:10

Ẹmwẹ ne Nọyaẹnmwa ne Udazi tama e Gọg ọ re ọ ọna khin, “Ọ gha ghi sẹ ẹghẹ nii, u gha suẹn gha mwamwa emwamwa dan vbe ẹko ruẹ.

Daniẹl 2:22

Ọ rhie emwi ni dinmwi kevbe ni re ọghe oro ma emwa ọ rẹn emwi ne a rhie lẹre ye uwu ebiebi, uwanmwẹ ọre ọ lẹga rẹn tobọ irẹn.

Daniẹl 2:23

I rho ruẹ, I ya ọghọ nuẹn Osanobua enikaro mwẹ u rhie ẹwaẹn kevbe ẹtin mẹ nẹ u họn erhunmwu mwẹ nẹ u na vbe tama ima, emwi ne a gha tama ọba.”

Daniẹl 2:28

Sokpan, Osanobua ọkpa ne ọ rhie emwi oro ma emwa rre ẹrinmwi. Rẹn tama ruẹn nẹ emwi ne ọ ra do sunu ẹdẹnakhuẹ. Umogun. Banbanna nian, I ra ta imina nii nu u miẹn vbe u vbiẹ ma ruẹn.

Daniẹl 2:45

Wẹ miẹn vbene okuta ọkpa kpẹngiẹn vbe uhunmwu oke ne ọ yo ọkpa hẹ vbene ọmwa rhọkpa ma na ya obọ kan rẹn, kevbe vbene ọ dekun ọmwa ne a ya ematọn oze, obuẹ, esiliva kevbe igoru ma nii. Te Osanobua Nọkhua tama ruẹ emwi ne ọ gha sunu ẹdẹ nakhuẹ, Umogun. I tama ruẹn nẹ nian, emwi ne u mina miẹn zẹẹ, I vbe ta emwi ne a gele yae kha ma ruẹn nẹ.”

Daniẹl 2:47

Ọba keghi kha wẹẹ, “Osanobua ruẹ ọrọre ne ọ kpọlọ sẹ ẹbọ hia, e Nọyaẹnmwa avbe eniyaẹnmwa kevbe ne ọ we oro ua ma emwa.”

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.