Daniẹl 2:23 - Edo Bible (E Baibol Ẹdo) Version 1996

²³ I rho ruẹ, I ya ọghọ nuẹn Osanobua enikaro mwẹ u rhie ẹwaẹn kevbe ẹtin mẹ nẹ u họn erhunmwu mwẹ nẹ u na vbe tama ima, emwi ne a gha tama ọba.”

Daniẹl 2:23 ပူးပေါင်းရင်းမြစ်များ

Gẹnẹsis 18:17

E Nọyaẹnmwa keghi tae vbe ekhọe ẹre wẹẹ, “I i sẹtin rhie emwi ne I ra ru lẹre ne Ebraham.

Gẹnẹsis 31:42

Akpawẹ ẹ i re ne Osanobua avbe erhamwẹ, Osanobua Ebraham, Osanobua ne Aizik gae, na ya ba mwẹ, u gha we mwẹ fiabọ gha rrie nẹ. Sokpan Osanobua bẹghe ọlọghọmwa ne I ye kevbe ẹsọn ne I he miẹn, ọ re a na miẹn wẹẹ vbe nasọn ọ keghi bu ohiẹn.”

I Ọba 18:36

Ọ ghi sẹ ẹghẹ ne a ya zọ ese ogiavan, Elaija ne akhasẹ keghi sikẹ aka, ọ keghi na erhunmwu wẹẹ, “E Nọyaẹnmwa, Osanobua Ebraham, Aizik, kevbe Jekọb, rhie maa nian ighẹ wẹ ọrọre Osanobua Izrẹl kevbe wẹ ọguọmwadia ruẹ mẹ khin, kevbe wẹ emwi ne I ru na hia, wẹ ọre ọ gie mwẹ.

I Ọba 8:57

Te Nọyaẹnmwa ne Osanobua mwa gha gu ima gha rrọọ, zẹ vbene ọ gu avbe erha mwa odede gha rrọọ. Te ọ gha tohan ivbi Izrẹl kevbe ọba iran ẹghẹ hia, ẹ i gha sẹ mwa rae ra ne ọ fi iyeke gbe mwa.

I Krọnikol 29:10

Vbe odaro emwa ni si koko vbe evba nii hia, e Devid keghi rho Osanobua, ọ na wẹẹ, “E Nọyaẹnmwa ne Osanobua ọghe Jekọb ne erha mwa odede, te a gha rho ruẹ ẹdẹ kevbe ẹdẹdẹmwẹdẹ!

I Krọnikol 29:13

Banbanna nian, Osanobua mwa, ma rhie ekpọnmwẹ ne uẹn, ma kevbe rho eni ruẹn ne ọ mwẹ uyi.

II Krọnikol 20:6

Ọ keghi ya urhu ne ọ la na erhunmwu wẹẹ, “E Nọyaẹnmwa ne Osanobua avbe erha mwa odede, wẹ ọ re ọ ke ẹrinmwi khaemwisẹ yan avbe okpẹvbo ni rre otọ agbọn hia. Wẹ mwẹ ẹtin, u kevbe kpolo, ọmwa ọkpa i rrọ ne ọ gha sẹtin muan ruẹn ẹmwẹ,

Psalm 21:2

U rhie emwi ne ekhọe ẹre ho ne ẹẹn nẹ, u rhie emwi ne ọ nọrẹn ne ẹẹn.

Psalm 21:4

Ọ nọ arrọọ, u keghi rhie ne ẹẹn, arrọọ ne ọ tọ kevbe ne ọ kpẹe.

Psalm 25:14

Ọse iran ni họn ẹmwẹ ne ẹẹn, ọ re Nọyaẹnmwa khin. Ọ ghi gha so igie ye ile ne ọ gu iran ta.

Psalm 50:14

Ya ẹse ne a kpọnmwẹ gha ru ese ne u zọ ghe Osanobua ne u vbe viọ emwi ne u ve hia ne Udazi.

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Itan 21:22

Ọkaokuo ne ọ ye ẹwaẹn agbe aro kotọ ru emwi, gha sẹtin khọn mu ẹvbo ne emwa ẹtin wan ga, ọ ghi vbe dunmwu ekẹn ne a gbe ga ẹre ne iran ya khẹ egbe ua.

Itan 24:5

A waan ọ re ọ maa sẹ a wegbe, vbe ne ẹmwata, irẹnmwi ọ re ọ ru emwi kpataki sẹẹ ẹtin.

Itan 8:14

I gha zẹ iro emwi, I ghi vbe ru ẹe, I mwẹ irẹnmwi, I vbe wegbe.

Asan-Ibo 7:19

Ẹwaẹn gha sẹtin ru emwi ne ọmwa, sẹẹ vbene enikhaemwisẹ igbe gha sẹtin ru ne ẹvbo ọkpa.

Asan-Ibo 9:16

Ọkpẹre ne I kegha ta ẹe wẹ ẹwaẹn ọ re ọ maa sẹ ẹtin, sokpan, a i miẹn ne ọ kha ighe ovbiogue wan, ra ne ọ zẹ ye ẹmwẹ ne ọ guan.

Asan-Ibo 9:18

Ẹwaẹn ọ re ọ dunna na sẹ umozo, sokpan, ọmworukhọ gha sẹtin mu emwi esiesi ọrhẹnrhẹn rhia.

Aizaia 12:1

Ẹdẹ dee ne emwa gha so ihuan vbenian, “I gha rho ruẹ Nọyaẹnmwa! U te ka mu ohu mwẹ sokpan banbanna nian, u fu mwẹ ẹko rre. Ohu i ghi mu ẹẹn ọvbehe.

Jerimaia 33:3

“Kpe tie mwẹ, I gha khuẹnniẹn. uẹn I gha ta ẹmwẹ ọyunnuan ni mu ohan ne u ma he rẹn emwirhọkpa vbe ekpa ẹre ma ruẹn.

Daniẹl 1:17

Osanobua keghi rhie irẹnmwi kevbe ẹwaẹn ne avbe emọ na vbe ebe ne a tie kevbe irẹnmwi ni dinmwi ọghe odun agbọn na. Ye vbe ba ẹre ọ keghi vbe rhie ẹwaẹn ne a ya rhan otọ imina kevbe umian ne Daniẹl.

Daniẹl 2:18

Ọ na tama iran wẹ ne iran na erhunmwu ghe ọba ẹrinmwi ne ọ tohan iran, ne ọ vbe rhan otọ oro nii ma iran, ne a ghẹ miẹn ehe na gbele iran an ba avbe iguọbaziro nekpa vbe Babilọn.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Matiu 11:25

Vbe ẹghẹ ọkpa ni, Jesu keghi kha wẹẹ, “Evbavba Nọyaẹnmwa ẹrinmwi kevbe agbọn, I kpọnmwẹ ọn rhunmwuda, emwi ne uwẹ rhie lẹre ne iran ne umẹwaẹn kevbe ni rẹn emwi, u keghi rhie ẹre ma iran ni ma rẹn emwirhọkpa.

Iyẹn ne ọ Maan Ọghe Luk 10:21

Ẹghẹ ni ọre Jesu na vuọn ne oghọghọ vbekpa Orhiọn Ne ọ huanrẹn, ọ wẹẹ, “Evbavba Nọyan ẹrinmwi kevbe agbọn, I kpọnmwẹ ọn rhunmwuda, emwi ne u mu lẹre ne iran ni rẹn emwi, ọre u do mu ma iran ni ma rẹn emwi rhọkpa na. Ekhọe obọ ruẹ Ọre u ya ru ẹe vbe ne ọ yẹ ruẹ.

Iyẹn ne ọ Maan Ọghe Jọn 11:41

Iran keghi mu okuta nii hin rre. Jesu keghi tọn aro mu ghe odukhunmwu, ọ wẹẹ, “Evbavba, I kpọnmwẹ ọn ye ne u na danmwehọ mwẹ.

Iyẹn ne ọ Maan Ọghe Jọn 15:15

I ma ghi tie uwa eguọmwadia nian rhunmwuda ọguọmwadia i rẹn emwi ne arowa ẹre ru. Ọse mwẹ ọre I ghi tie uwa ẹre rhunmwuda emwi hia ne I họẹn vbe unu Erha mwẹ, I vbe talọ ehia ma uwa.

Arhie Maan 1:1

Emwi ne a gbẹn ye ebe na ọrọre avbe emwi ne Jesu Kristi viọ ne a miẹn. Osanobua ọre ọ viọ avbe emwi na nẹẹn ne ọ viọ ma avbe eguọmwadia Osanobua, avbe emwi ne ọ ra do sunu vbe ọ ma he kpẹe. Jesu keghi gie odibosa ne ọ ya viọ avbe emwi na ma e Jọn ne ọguọmwadia ẹre.

Arhie Maan 5:5

Ẹghẹ nii ọre ọkpa vbe uwu avbe ediọn nii na khama mwẹ wẹ, “Ghẹ ghi viẹ! Ghe oduma ne ọ ke uniẹn Juda rre, ọmọ nọkhua ne ovbi uniẹn Devid, khọn miotọ nẹ, ọ gha rhan emwi ne a ya gha ẹe ihinrọn nii, ọ ghi vbe rhan ebe nii, ne a kiri.”