Daniẹl 12:7 - Edo Bible (E Baibol Ẹdo) Version 1996

⁷ Odibosa nii keghi viọ obọ da iso, ọ keghi ye eni Osanobua etẹbitẹ yan. I keghi họn vbe ọ khare wẹẹ, “Ukpo eha vbe ukhiọnmwẹ khian gha nọ. Emwi na hia gha sunu fo nẹ a ke dobọ emwa Osanobua ne a zẹ kpokpo yi.”

Daniẹl 12:7 ပူးပေါင်းရင်းမြစ်များ

Aizaia 62:12

A gha tie uwa, “Emwa nọhuanrẹn ọghe Osanobua,” “Emwa ne Nọyaẹnmwa miẹnfan.” A gha tie Jerusalẹm, “Ẹvbo ne Osanobua ho ẹmwẹ ọnrẹn,” “Ẹvbo ne Osanobua ma fi Iyeke Gbe.”

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Ezikiẹl 20:5

Tama iran vbene I khare. Ẹghẹ ne I na hannọ Izrẹl zẹ, te I ve iran emwi. I rhie egbe mwẹ ma iran vbe Igipt, I keghi tama iran wẹẹ: Mẹ ọrọre Nọyaẹnmwa ne Osanobua rua.

Daniẹl 10:5

I ghi tọn aro mu, I keghi ya bẹghe ọmwa ọkpa ne ọ yọ ukpọn eto ovbiohuẹ, ọ keghi mu ugbẹkun igoru ne mose gba.

Daniẹl 11:13

“Ọba Siria gha werriegbe, ọ ghi si avbe ivbiyokuo ni bun sẹẹ ne ọ te ka mwẹ koko. Ọ ghẹghi sẹ ẹghẹ ne ọ kei yi, ọ ghi werriegbe viọ avbe ivbiyokuo nibun, ne a vbe viọ emwi igbinna esi na, mwẹ obọ gha dee.

Daniẹl 12:6

Ọkpa vbe uwu iran keghi nọ odibosa ne ọ mudia ye odẹ uhunmwu ẹzẹ wẹẹ, “Vbe ọ gha kpee sẹhẹ avbe emwi ọyunnuan na hia ke do sẹ ufomwẹ?”

Daniẹl 12:8

I họọn ẹmwẹ ne ọ tae sokpan I ma rẹn emwi ne a yae kha. Rhunmwuda ọnii, I keghi nọ rẹn wẹẹ, “Sokpan, vbe ena hia ra ya sẹ ufomwẹ hẹ, enọwanrẹn?”

Daniẹl 4:31

Ọ ma he guan avbe ẹmwẹ na fo vbe unu, vbe urhu ọkpa ke ẹrinmwi rre wẹẹ, “E Nebukiadneza ne ọba, danmwehọ mwẹ! A miẹn ruẹn ẹtin ọba ne u te mwẹ.

Daniẹl 4:34

Ọba keghi kha wẹẹ, “Ugbẹn vbe ukpo ihinrọn nii ghi ghaa nẹ, I keghi tọn aro mu ghe iso, ẹrherhe mwẹ keghi gba vbe uhunmwu. I keghi rho Osanobua ne ọ Sẹehia, I keghi rhie ọghọ kevbe uyi ne irẹn nii ne ọ rrọ ẹdẹdẹmwẹdẹ. “ ‘Rẹn gha rriọba ẹdẹdẹmwẹdẹ otọe arriọba ẹre gha rrọ etẹbitẹghori.

Daniẹl 7:21

Ẹghẹ ne I na gha ghe ẹre, igho ni keghi mu okuo gie emwa Osanobua, ọ keghi khọn miẹn iran otọ.

Daniẹl 7:25

Ọ gha ye ukpẹ sakan Osanobua ne ọ Sẹehia, ọ ghi gha khulo emwa Osanobua khian. Ọ gha ho ne ọ fi uhi ugamwẹ kevbe emwiukpo ne iran ru werriẹ. Emwa Osanobua ghi vbe gha rre ototọ ẹtin ẹnrẹn vbe ukpo eha vbe ukhiọnmwẹ.

Daniẹl 8:14

I keghi họn vbe odibosa nọkpa wanniẹn wẹẹ, “Ukpo igbe yan ikiọkhọe yan arriaisẹn (1,150) nọ vbene ẹghẹ ne a i ra vbe zọ ese owiẹ kevbe ọghe ota. Vbe iyekọnii, a ghi do dọlọ rhie Ọgua Osa ye ihe ẹre.”

Daniẹl 8:24

Rẹn gha wa wegbe sokpan, ẹ i re vbekpa ẹtin obọ ẹre. Ọ gha wa rhia emwi nibun ọghe ọhanabe, emwi hia ne ọ ru ghi wa vbe gha dinnodẹ ne ẹẹn. Ọ gha si ọfuan ye emwa ni mwẹ ẹtin nibun egbe, kevbe avbe emwa Osanobua.

Iyẹn ne ọ Maan Ọghe Luk 21:14

Wa tae guọbọ wẹẹ wa i ra vbe gha si osi ya mwamwa vbene uwa gha gui hẹ ye otọ.

Iyẹn ne ọ Maan Ọghe Luk 21:24

A gha ya umozo gbele iran eso ua, a ghi viọ iran eso oghunmwu gha rrie agbọn ẹvbo hia, iran ni ma yayi ghi gha gbe ọgọlọbọ vbe adesẹ ore Jerusalẹm rhinrin ẹghẹ iran te vbe do gba.

Diuteronomi 26:19

Ọ ghi gie uwa kpọlọ sẹ avbe agbọn ẹvbo hia ne irẹn he yi. Wa ghi gha re emwa nihuanrẹn ọghe ọe, wa ghi gha rhie urhomwẹ kevbe uyi gie eni ẹnrẹn. Wa ghi gha re emwa irẹn, zẹẹ vbe ne irẹn yanrẹn.”

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Diuteronomi 32:40

Vbene aro na da ẹe ighẹ mẹ ọ re Osanobua ne ọ rrọọ, I niẹn obọ ghe ukhunmwu, I keghi yan,

Diuteronomi 7:6

Wa ghi ru ẹe vberriọ rhunmwuda, ọghe Nọyaẹnmwa Osanobua uwa ọ re uwa khin. Te ọ hannọ uwa zẹ hin uwu ẹbu emwa ne agbọn hia rre ne uwa do gha re emwa ughaẹn ọghe irẹn.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

Arhie Maan 12:14

A ke viọ ifuẹn nekhua eva ọghe oghohọn nẹẹn ne ọ ya tin gha rrie ihe ẹre vbe uwu ato, ehe ne a ra na koko ẹe la ukpo eha vbe ukhiọnmwẹ, ehe ne obọ ẹyẹn nii i ra na vba ẹre ne ọ gu ẹe gbinna.

Arhie Maan 12:6

Okhuo nii keghi lẹ la uwu ato, Osanobua rhie ihe ọkpa ye otọ khẹ ọre nẹ vbe odọ ehe ne a gha na gbe aro ghe ẹre la ikpẹdẹ iyeha yan uri yan arriaisẹn (1,260.)

Arhie Maan 13:5

A keghi fan obọ ẹre ne aranmwẹ oha nii, ne ọ gha ya unu talọ ẹmwẹ dan hia, a keghi vbe rhie ẹghẹ nẹẹn ne ọ gha mwẹ asẹ la, uki eva yan iyeva.

Arhie Maan 4:10

avbe ediọn enẹyanugie nii ghi dele gbe otọ vbe odaro ọmwa ne ọ tota vbe ẹkete nii, iran ghi ya uhunmwu rhanmwẹ otọ ne ọmwa ne ọ rrọọ ẹdẹ kevbe ẹdẹdẹmwẹdẹ. Iran ghi filo ẹde iran ku odaro ẹkete nii, iran ghi wẹẹ:

Arhie Maan 4:9

Ẹghẹ hia ne emwi ne a yi ni ma wu nii ya so ihuan uyi kevbe ọghọ kevbe ekpọnmwẹ ghe ọmwa ne ọ tota vbe ẹkete nii,